පසුගිය මැතිවරණයෙන් ශ්රී ලංකා නිදහස් පක්ෂය ලැබූ පරාජයට වගකිව යුතු අය නව පක්ෂයක් හා එක්වීම පක්ෂයේ නව ගමනක් සඳහා ස්වභාව ධර්මයා විසින් මග විවර කර දීමක් යැයි ඛනිජ තෙල් හා පෙට්රෝලියම් වායු අමාත්ය චන්දිම වීරක්කොඩි මහතා පැවසීය.
පක්ෂයේ පරාජයට හේතු වූ සාධකය ලෙස තමන්ම වරද භාරගත් බැසිල් රාජපක්ෂ මහතාත්, පසුගිය කාලයේ රටට ජාත්යන්තර මතුවූ ගැටලූ සම්බන්ධව වගකිව යුතු හිටපු විදේශ කටයුතු ඇමතිවරයා හා පක්ෂයේ ගෞරවයට හානි වන ආකාරයේ දේ කළ හිටපු පළාත් පාලන නියෝජිතයින් කිහිපදෙනෙක් නව පක්ෂයක් හා එක්වීම පාක්ෂිකයින්ට ගැටලූවක් නොවන බව ද ඇමතිවරයා සඳහන් කළේය.
රජයේ නිලධාරීන් පීඩාවට පත්කරමින් නීතිය ක්රියාත්මක කරනවාට ශ්රී ලංකා නිදහස් පක්ෂය විරුද්ධ බව කී අමාත්යවරයා ඒ ගැන ජනාධිපතිවරයාගේ ද අප්රසාදය පලවී ඇති බව කීවේය.
විශේෂ කාර්ය බලකායේ අණ දෙන නිලධාරීතුමන් අත්අඩංගුවට ගෙන ඇත්තේ රජයේ වාහන භාවිතය පිළිබඳ රුපියල් 1,40,000ක කරුණක් සම්බන්ධයෙන් බව කී අමාත්යවරයා වංචා දූෂණ මගින් මහා පරිමාණයෙන් දේපළ උපයාගත් අය සිටියදී රාජ්ය නිලධාරීන්ට මෙසේ නීතිය ක්රියාත්මකවීම අනුමත නොකරන බව ද සඳහන් කළේය.
අමාත්ය චන්දිම වීරක්කොඩි මහතා මේ බව පැවසුවේ පාර්ලිමේන්තුවේ කමිටු කාමර 8 හිදී අද (29) පැවති මාධ්ය හමුවක දී මාධ්යවේදියෙකු නැගූ පැනයකට පිළිතුරු දෙමිනි.
COMMENTS
Reply To:
Sisira - cb chds hcdsh cdshcsdchdhd
කවුරු කළත් වැරැද්ද වැරද්දමයි .පොඩි ලොකු කියා වැරදිකරුවන් නිදැල්ලේ ඇරීමට පොලීසියට කියන්නේ රෙදි ඇඳගෙනද ? (බ)
තරාතිරම නෙමෙයි හලෝ වැදගත්, වැරදි ද නැද්ද කියන එක. (ම)
ඇමතිකමක් ගත්තට තමන්ට ඕනෑ හැටියට වැඩක් කරගන්න බැරුව අසරණ බවට පත්වෙලා ඉන්න බව පේනවා අපිට නම් (නි)
මොන ලොක්කා වුණත් වැරැද්ද වැරැද්දමය. (නි)
මොනවද මේ කතා? දෙපැත්තටම කතා කරනවා. ඔය වරදට දැන් කොච්චර වියදම්වෙලා තියනවද? කයිවාරු ගහන්නේ නැතුව ඡන්දය තියන්න වැඩ බලන්න. (නි)
අර බදුල්ල පැත්තේ හිටපු ඇමති කෙනෙක් වහකුප්පි 3 නක් ගෙනාවා එයින් එකක් ඔබතුමාටත් වෙන්කරගන්න (බ)
ඒ කියන්නේ එස් ටී එෆ් එකට රටේ නීතිය වලංගු නැහැ කියලද? මෙහෙමත් ඡන්දදායකයෝ ඉන්න රටක්? නීතිය නවන්න සහ නීතිය වලංගු නැහැ කියන අය ලබන ඡන්දෙදි එළවන්න ඕනෑ. නීතිය සැමට එක වියයුතුයි. (නි)
රුපියල් දහයක් හොරකම් කළත් වරද වරදමයි. මේ සැකකරු රජයේ වාහනයක් අරන් ගියේ කොහොමද? නීතියට ඇඟිලි නොගසා හිටියොත් හොඳයි. නඩු විසඳන අය දන්නවා නීති ක්රියාත්මක කරන හැටි. වටිනාකමේ තරම අනුව සැළකීමක් ඔවුන් ළඟ නැහැ. (නි)
ඇඟ බේරාගැනීමට කියන දෙයක්. මේක පාලනයේ වැරැද්දක්. (නි)
මේවා බයවෙලා කියන කතා. ලැජ්ජා නැහැ මිනිසුන්ට. බලයේ ඉන්න ඕනෑ කතාවක් කියයි. (නි)
ලංකාව දේශපාලනය අතින් ඉතා පාලු බිමක් බවට පත්කරගෙන ඇති බව පිටස්තර ඉඳගෙන මේවා කියවන අයට කල්පනා වෙනවා. මාසෙකට වතාවක් මහ ඡන්දයක් පැවැත්තුවත් මේ දුගී තත්වය ජාතිය වෙළාදමා පවතින පිළිලයක් සේ පවත්වාගෙන යන්න උත්සාහ දරන කට්ටියක් ඉන්න හැඩයි. කෝ නොයෙක් උරුම සහ මහා බලවත්කම් ගැන පුරසාරම් දොඩන අය? (නි)
අල්ලන එකත් යම්කිසි හත්පොළේ ගාගන්න විදියේ එක්තරා වැඩක්. හැබැයි අල්ලාගන්න හැම කෙනාම වගේ රිමාන්ඩ් කරන එකේ තේරුම මොකක්ද කියන එක අමුතුවෙන් කියන්න අවශ්ය නැහැනේ (නි)
ආණ්ඩු හදන්න ගිය ගමනකට වඩා බලයට ආ පසු එහි රිංගාගත් ලැජ්ජාවට අමතරව වම් අතට හොරා දකුණු අත කරන සදාචාර නොවන වැඩ නිසා අසරණ වී කතාකිරීම ඊළඟ මහා මැතිවරණයේදී නැවත තේරී පත්වීමට කිසිම සුදුසුකමක් වෙන්නේ නැහැ. ඔහොම යමු! (නි)