(අතුල බණ්ඩාර,දයාරත්න ඇඹෝගම)

උතුරු මැද පළාත් සභාවේ ප‍්‍රධාන අමාත්‍ය ධුරය පළාත් සභාවේ ඒකාබද්ධ විපක්ෂයේ මන්ත‍්‍රිවරයෙකුට නොදුන හොත් ජනතාව සමග පළාත් සභාව වටලන බව අනුරාධපුර දිස්ත‍්‍රික් එක්සත් ජනතා නිදහස් සන්ධාන පාර්ලිමේන්තු මන්ත‍්‍රි එස්.එම්.චන්ද්‍රසේන මහතා පවසයි.

“උතුරු මැද පළාත් සභාවේ සෞඛ්‍ය අමාත්‍යවරයා ලෙස කටයුතු කළ කේ.එච්.නන්දසේන මහතා එම තනතුරින් ඉවත් කිරීමෙන් පසු පළාත් සභාව තුළ විශාල අර්බුදයක් ඇතිවී තිබෙනවා .


නන්දසේන මහතා ඉවත් කිරීමෙන් පසු ප‍්‍රවාහන අමාත්‍ය එස්.එම්.රංජිත් සමරකෝන් මහතා ඊට විරෝධය පළ කරමින් සිය අමාත්‍ය ධුරයෙන් ඉවත් වුණා.මිට අමතරව පළාත් සභාවේ සිටින වත්මන් මැති ඇමතිවරුත් යම් යම් තින්දු ගැනිමට තිරණය කර තිබෙනවා.

ඒකාබද්ධ විපක්ෂයේ දිස්ත‍්‍රික් නායකයා වන මා සමග සාකච්ඡා කිරිමට පළාත් සභාවේ එක්සත් ජනතා නිදහස් සන්ධානයේ මන්ත‍්‍රිවරුන් වගේම ඒකාබද්ධ විපක්ෂයට සහාය දක්වන මන්ත‍්‍රිවරු මාගේ නිවසට පැමිණියා.

“ඒ අනුව පළාත් සභාවේ මන්ත‍්‍රිවරුන් 33දෙනාගෙන් බහුතරයක් ස්වාධිනව කටයුතු කිරිමට ඉල්ලිමක් කළා.ස්වාධීනව සිටීම පමණක් නොවෙයි. බහුතරයක් සිටින එම මන්ත‍්‍රිවරුන්ගෙන් මහ ඇමතිවරයෙක් පත් කරන්නත් තීරණය කළා.

ආණ්ඩු ක‍්‍රම ව්‍යවස්ථාව අනුවත් ප‍්‍රාජාත‍්‍රන්වාදය අනුවත් පාර්ලිමේන්තු ක‍්‍රමය සභා පළාත් සභා ක‍්‍රමය අනුවත් බහුතරයක මන්ත‍්‍රිවරුන්ගේ කැමැත්තට අගමැති විසින් මහ ඇමති පත්කළ යුතුයි.

ඒ අනුව අපි ඉතාම කෙටි කාලයකින් පළාත් ආණ්ඩුකාරවරයාට මන්ත‍්‍රිවරුන්ගේ අත්සනින් ලිඛිතව ඉල්ලිමක් කරනවා මහ ඇමති ධුරය ලබාදෙන ලෙසට.“යැයි ඒ මහතා ප්‍රකාශ කරයි.