(ටෝනි කරුණානායක) 

ගම්පහ හෙන්ඩිමහර ප්‍රදේශයේ​ දී නිවසකට අයුතු ලෙස ඇතුළු වී එම නිවස තුළ සිටි එක් දරු මවක දූෂණයට ලක් කිරීම යන චෝදනා දෙකට වරදකරුවූ විත්තිකරුවෙකුට බරපතළ වැඩ ඇතිව වසර 23ක සිර දඩුවමක් ගම්පහ  අංක 01 මහාධිකරණ විනිසුරු නවරත්න මාරසිංහ  මහතා අද (29 ) නියම කළේය.

එම සිර දඬුවමට අමතරව චෝදනා දෙකට රුපියල් 55000 ක දඩයක් ද නියම විය . වින්දිත  කාන්තාවට  රුපියල් ලක්ෂ 02 ක වන්දි මුදලක් ගෙවීමට ද නියම කෙරුණි . දඩ සහ වන්දි මුදල් නොගෙවන්නේ නම් තවත්  වසර 02 ක සිර දඬුවමක් නියම විය .

නිවසකට අයුතු ඇතුළු වීමේ චෝදනාවට නියම වූ බරපතළ වැඩ ඇතිව වසර 08 ක සිර දඬුවම සහ  ස්ත්‍රී දූෂණය යන චෝදනාවට නියම වු බරපතළ වැඩ ඇතිව වසර 15ක සිර දඬුවම වෙන් වෙන් වසයෙන් ගෙවී යා යුතු බවට නියම කළ මහාධිකරණය දඩ මුදල් නොගෙවන්නේ නම් චෝදනා දෙකට  නියම වූ මාස  06 බැගින් වූ සිර දඩුවමද වන්දි මුදල් නොගෙවන්නේ නම් නියම වූ එක් වසරක සිරදඬුවමද වෙන් වෙන් වශයෙන් ගෙවි  යායුතු   බවට නියම කෙරුණි .

ගම්පහ හෙන්ඩිමහර ප්රුදේශයේ පදිංචිකරුවෙකු වන ඩබ් . එස් .එම් සෙනරත් බණ්ඩාර රාජ වර්ධන නැමැති 56 හැවිරිදි තිදරු පියකු ට මෙසේ සිර දඬුවම් දඩ සහ වන්දි මුදල් ගෙවීමට නියම විය .