උදාරි වර්ණකුලසූරිය යනු බොහෝ දෙනා ආදරය කරන චරිතයකි. මේ දිනවල විවිධ ටෙලිනාට්‍යවලින් දැකගැනීමට හැකියාව ඇති අතර, ඉදිරියේදී ඇය රංගනයෙන් දායක වූ චිත්‍රපටයක් එළිදැක්වීමට නියමිතය. ඒ පිළිබඳව අපත් සමග ඇය මෙසේ පැවසීය.

"මම රංගනෙයන් දායක වූ "ආදරණීය කතාවක්" චිත්‍රපටය එළිදැක්වීමට මාසයක කාලයක් වගේ තමයි තියෙන්නේ. ලොකු බලාපොරොත්තුවක් තියන් ඉන්නේ ඒකට ප්‍රේක්ෂකයන්ගේ ඉහළ ප්‍රතිචාර ලැබෙයි, ඒ සඳහා ගොඩක් අය ආදරය කරයි කියලා. ආදරණීය කතාවක් කියන්නෙ සංගීතමය චිත්‍රපටයක්. එකේ මම සහ හේමාල් රණසිංහ ප්‍රධාන චරිත නිරූපණය කරනවා. එකේ කතාව කිව්වොත් අගේ නැතිවෙනවා. එකේ අවසානයට ඉතුරු වෙන්නේ දුක. ගොඩක් අය විරහව කියන දේට ආස වෙන නිසා, මේ සඳහා ගොඩක් අය ආදරය කරයි."

"මේ දවස්වල අලුතින් ටෙලිනාට්‍ය දෙකක වැඩ පටන් ගත්තා. තව ආරාධනා ගොඩක් ලැබිලා තියෙනවා. සුපුන් රත්නායක මහත්මයාගේ, "මගේ ආදර අවනඩුව" රූපගත කිරීමේ පළමු එක ඉවර කළා. තව ළමා ටෙලිනාට්‍යයක් කරනවා. එකේ වැඩකටයුතුත් කරගෙන යනවා. එක රිදී කියන කතාවක්. තව ඉතිං මම මොන තරම් කාර්යය බහුල වුණත්, මගේ පළමු වැනි අවධානය තියෙන්නෙ මගේ පවුල සහ දරුවා කියන තැනටයි. මගේ පවුලේ කටයුතුවලට බාධාවක් නොවෙන්න තමයි රංගන කටයුතු කරගෙන යන්නේ."

ඩිලාන් ක්‍රිෂාන්ත / ඡායාරූප අනුග්‍රහය - උදාරිගේ ෆේස්බුක් ගිණුමෙන්