ශ්‍රේෂ්ඨාධිකරණයේ 5 වැනි මහළේ සම්මන්ත්‍රණ ශාලාවේ තිබූ රුපියල් මිලියන ගණනක් වටිනා විදුලි පහන් කට්ටලයක් අතුරුදන්ව ඇතැයි අධිකරණ ආරංචි කියයි.

මේ සම්බන්ධව පැමිණිලි කරන ලෙස එහි ආරක්ෂාව භාරව සිටින මාර්ෂල්වරයාට අගවිනිසුරු කේ.ශ්‍රී පවන් මහතා නියෝග කර ඇත.

මේ සම්බන්ධයෙන් දූෂණ විරෝධී හඬ සංවිධානයේ කැඳවුම්කරු උතුරු මැද පළාත් මන්ත්‍රී වසන්ත සමරසිංහ මහතා කොළඹ මූල්‍ය අපරාධ කොට්ඨාසයට පැමිණිල්ලක් කරමින් මොහාන් පීරිස් මහතා අගවිනිසුරුව සිටි සමයේදී ගොඩනැගිල්ල අලුත්වැඩියාවට නාගරික සංවර්ධන ආකාරයට පිළිගත් ක්‍රමවේදයකින් තොරව ලබාදීම ගැන පරීක්ෂණයක් සිදු කරන ලෙස ඉල්ලා ඇතැයිද කියති.

මෙම විදුලි පහන් කට්ටලය කෞතුක වටිනාකමකින් යුක්ත මිල කළ නොහැකි එකක් බවද ඔවුහු පෙන්වා දෙති.