IMG-LOGO

2025 මැයි මස 13 වන අඟහරුවාදා


ඉන්ධන පිරවුම් හල් 400ක් වැසෙයි

ලංකා ඛනිජ තෙල් නීතිගත සංස්ථාව හඳුන්වා දුන් නව ගෙවීම් ක්‍රමය හේතුවෙන් ඉන්ධන පිරවුම්හල් 400 ක් පමණ තාවකාලිකව වසා දැමීමට සිදුව ඇතැයි ඉන්ධන පිරවුම්හල් හිමියන්ගේ සංගමයේ සභාපති කුමාර් රාජපක්ෂ මහතා පවසයි.

ඉන්ධන ඇනවුම් කිරීමට පෙර දින තමන් ලබා ගන්නා ඉන්ධන තොගය සඳහා ගෙවීම සිදු කළ යුතු බවට නව ගෙවීම් ක්‍රමයක් ලංකා ඛනිජ තෙල් නීතිගත සංස්ථාව පසුගියදා හඳුන්වා දුන්නේය. ලංකා ඛනිජ තෙල් නීතිගත සංස්ථාවට අයත් ඉන්ධන පිරවුම්හල් 700ක් පමණ විදේශීය තෙල් සමාගම් වෙත පැවරීමට රජයේ සුදානම මධ්‍යයේ මෙම නව ගෙවීම් ක්‍රමය ලංකා ඛනිජ තෙල් නීතිගත සංස්ථාව හඳුන්වා දී ඇත.

එක්සත් අරාබි එමීර් රාජ්‍යය,සෞදි අරාබිය. චීනය, ඉන්දියාව, රුසියාව, බ්‍රිතාන්‍ය, මැලේසියාව, නෝර්වේ සහ පිලිපීනය යන රටවල සමාගම් 24 ක් පමණ ඉන්ධන පිරවුම්හල් ලබා ගැනීම සඳහා ව්‍යාපෘති යෝජනා ඉදිරිපත් කර ඇතැයි ලංකා ඛනිජ තෙල් නීතිගත සංස්ථාවේ ආරංචි මාර්ග ප්‍රකාශ කළේය.

පසුදා ඉන්ධන තොගය ලබා ගැනීම සඳහා පෙර දින රාත්‍රී 9.30 ට පෙර ඉන්ධන තොගය සඳහා ඉන්ධන පිරවුම්හල් මුදල් ගෙවිය යුතු බවට ලංකා ඛනිජ තෙල් නීතිගත සංස්ථාව නියම කර ඇතත් එසේ සිදුකිරීම අපහසු කටයුත්තක් බව රාජපක්ෂ මහතා පෙන්වා දුන්නේය.

රාත්‍රී 9.30 ට පෙර ඉන්ධන පිරවුම්හල් හිමියන් මුදල් ගෙවීමට අපොහොසත් වුවහොත් පසුදින ඔවුන්ට ඉන්ධන නොලැබෙන බව රාජපක්ෂ මහතා ප්‍රකාශ කළේය.මේ හේතුවෙන් ඇතැම් ඉන්ධන පිරවුම්හල් තාවකාලිකව වසා දැමීමට සිදු වූ බවත් සති කිහිපයක් සාර්ථකව ඉන්ධන නිකුත් කිරීමෙන් පසුව නැවතත් ඉන්ධන ලබා ගැනීම සඳහා දිගු පෝලිම් දැක ගැනීමට හැකි වූ බවත් රාජපක්ෂ මහතා පෙන්වා දුන්නේය.

ලංකා ඉන්දියානු තෙල් සමාගමේ ඉන්ධන පිරවුම්හල් මීට සමාන ගෙවීම් ක්‍රමයක් අනුගමනය කළත් එම ඉන්ධන පිරවුම්හල් සඳහා මධ්‍යම රාත්‍රී 12 තෙක් කාලය ලබා දී තිබෙන බවත් ලංකා ඛනිජ තෙල් නීතිගත සංස්ථාවද එය අනුගමනය කරන්නේ නම් එය ඉන්ධන පිරවුම්හල් හිමියන්ට පහසුවක් බවත් රාජපක්ෂ මහතා ප්‍රකාශ කළේය.

ලංකා ඛනිජ තෙල් නීතිගත සංස්ථාව දිනකට බෙදා හරින ඉන්ධන ප්‍රමාණය ඩීසල් මෙට්‍රික් ටොන් 4000 ක් සහ පෙට්‍රල් මෙට්‍රික් ටොන් 3000 ක් දක්වා සීමා කර තිබුණත් රට සාමාන්‍ය තත්ත්වයට පත් වෙමින් තිබීම හේතුවෙන් ඉන්ධන සඳහා පාරිභෝගික ඉල්ලුමද ඉහළ යමින් පවතින බැවින් දිනකට බෙදා හරින ඉන්ධන ප්‍රමාණය වැඩි කළ යුතු බව රාජපක්ෂ මහතා පැවසුවේය.

ලංකා ඛනිජ තෙල් නීතිගත සංස්ථාවේ ගිණුමට මුදල් බැර කළත් නියමිත වේලාවට ඉන්ධන බෙදා හැරීමක් සිදු නොවන බව ශ්‍රී ලංකා ඛනිජ තෙල් අලෙවිකරුවන්ගේ සංගමයේ සම ලේකම් කපිල නාඔටුන්න මහතා චෝදනා කළේය.

ඉන්ධන ලබා ගැනීමට ප්‍රථම චෙක්පත් ලබා දීම අලෙවිකරුවන් සහ ඉන්ධන පිරවුම්හල් හිමියන්ට ප්‍රායෝගික ගැටළුවක් වී ඇති බවත් ඒ හේතුවෙන් ඉන්ධන පිරවුම්හල් කිහිපයක් තාවකාලිකව වසා දැමීමට සිදුව ඇති බවත් නාඔටුන්න මහතා පෙන්වා දුන්නේය.

 



අදහස් (11)

ඉන්ධන පිරවුම් හල් 400ක් වැසෙයි

ranjith Sunday, 04 September 2022 01:23 PM

දේශීය ආර්ථිකය ගැන පුරසාරම් දොඩමින් ඔක්කොම පිටරැටියන්ට දෙන්න තමයි ඔට්ටු වෙන්නේ...

:       8       17

SanthuSunday, 04 September 2022 03:50 PM

දේශීය ආර්ථිකයක් තියෙනවද. වෙලාවකට හිතෙනව ඒක හොඳයි කියල. අපේ අපේ කිව්වට නැති බැරි විටදි පිහිටට පිටින්ම එන්න ඕන. ඒ අයත් එක්ක මුදල් ගනු දෙනු හරියට පෙන්වන්න ඕන. ෂෙඩ් හිමි කරුවන් ගෙවල ගත්තම, ඒවා තමුන්ගෙ. හොරට, යාළු කමට, වැඩි මිලට ඒවා දෙන්න බැහැනෙ. දුන්නොත් පාඩුවත් විඳ ගන්න ඕන.

:       1       16

akila Sunday, 04 September 2022 02:07 PM

රාජපක්ෂ-රනිල් යුගයෙන් අපේ රට ආපස්සට වැටුණා. අද අපි, රටේ ජනතාවට තියෙන ප්‍රශ්න පාලකයින්ට නැහැ. ගතයුතු පියවර අපි දනිමු...

:       4       8

amila Sunday, 04 September 2022 03:24 PM

පිටරට සමාගම් ආයෝජනය කළාම ලංකාවට වාසියක් තියෙනවද? ඒගොල්ලෝ ආයෝජනය කරලා එන මුදල් ඩොලර්වලට හරවලා ආයේ අරන් යනවා නේද? එහෙම අරන් යන්නත් ඩොලර් නැහැ නේද? ලංකාවේ ආයෝජනය කරන්න අවසර දෙනවට රජය මොනවා හරි ගාස්තු හෝ බදු අය කිරීමක් කරනවද?

:       2       7

sunilSunday, 04 September 2022 05:20 PM

මේ හිඟන රටට පැමිණ ආයෝජන කිරීම පිළබඳව, මේ පිටරට සමාගම් වලට වන්දනා කල යුතුයි.

:       0       10

JemaSunday, 04 September 2022 05:22 PM

ඩොලර් තැන්නම් ඒ වටිනාකමට එයාලට මෙහෙන් දේපොළ ගන්න පුළුවන්. අරගෙන ඉන්වෙස්ට් කරලා අලුත් එක්ස්පෝට් කරලා ඩොලර්ස් උපයා ගන්න පුළුවන්.

:       0       5

කල්ලතෝනියාSunday, 04 September 2022 06:40 PM

අන්න එතැනයි පොයින්ට් එක... අන්තිමට මේ බිමේ උපන් අයට බිම් අඟලක් හරි ලබෙන්නේ මළාම විතරයි. ඒකත් කුණුවෙලා ගඳ ගහන නිසා. නැත්නම් ඒකත් නෑ.. ඊට කලින් තමන්ගේ කියලා ගෙයක් ඉඩමක් හදාගැනීම සුම්මා...

:       3       0

ලෙස්ලි හර්බට් විජේසිංහ Sunday, 04 September 2022 04:04 PM

ඇයි කලින් මුදල් ගෙවන්න බැරි? මේ තරම්කල් හම්බ කළ මුදල් කෝ? මොකද කලින් තෙල් ණයටද පාරිභෝගිකයින්ට දුන්නේ?

:       0       15

pakeer Sunday, 04 September 2022 06:11 PM

මේක තමයි වෙන්න ඕනේ... කමක් නැහැ. දැන් කොහොමත් එකයි. මේක බේරගන්න බැහැ.

:       1       4

sb Sunday, 04 September 2022 08:26 PM

කරුණාකරලා ඔය ශෙඩ්වලින් ණයට තෙල්ගහපු අය සල්ලි දෙන්න. පවු එයාලට සල්ලි නෑලු, අපිට පිනට සහ ණයට තෙල් ගහලා...

:       0       12

Perera Monday, 05 September 2022 07:56 AM

මට පෙනෙන්නේ අන්තිමට අපේ ගේ දොර ඉඩකඩම් පවා කොහේ හරි පිට රටකට විකුනන්න වෙයි වගේ අගාධෙන් ගොඩ එන්න

:       0       1

ඔබේ අදහස් එවන්න

 

 
 

එසැණ පුවත්

ලුණු මිල ඉහළට
2025 මැයි මස 13 400 2

ලුණු ආනයනය ප්‍රමාද වීම හේතුවෙන් වෙළෙඳපොළ තුළ ලුණු හිඟයක් මතුව ඇති බව ලුණු නිෂ්පාදකයන්ගේ සංගමයේ සභාපති ගණක අමරසිංහ මහතා පැවසීය.


කොත්මලේ අනතුර ගැන සොයන කමිටුව කොත්මලේට
2025 මැයි මස 13 395 0

කොත්මලේ රම්බොඩ ගැරඩිඇල්ල ප්‍රදේශයේ ඉකුත් 11 වන දින සිදු වූ බස් රථ අනතුර සම්බන්ධයෙන් සොයා බැලීමට වැඩබලන පොලිස්පති ප්‍රියන්ත වීරසූරිය මහතා පත් කළ කමිටු


ගල්ගමුවේ වැවක ගිලි දැරියන් දෙදෙනකු මරුට
2025 මැයි මස 13 993 0

ගල්ගමුව පාළුකඩවල වැවේ දිය නෑමට ගිය පාසල් දැරියන් දෙදෙනකු දියේ ගිලි මියගොස් ඇතැයි පොලිසිය කියයි.


ත්‍රිරෝද රථ ගැටී හයක් රෝහලට
2025 මැයි මස 13 512 1

පොළොන්නරුව මනම්පිටිය නගරයට ආසන්නව කදුරුවෙල දෙසට ධාවනය කළ ත්‍රීරෝද රථයක් තවත් ත්‍රිරෝද රථයක් ඉස්සර කිරීමට යෑමේදී, එම ත්‍රීරෝද රථ දෙක එකිනෙක ගැටී මාර්


ජපානය කනස්සල්ලෙන්
2025 මැයි මස 13 2734 6

ජපානයෙන් ශ්‍රී ලංකාවට ආනයනය කරන වාහන සඳහා පනවනු ලබන ඉහළ බදු අනුපාත පිළිබඳව මෙරට ජපාන තානාපති අකියෝ ඉසොමාටා මහතා පසුගියදා පැවැති වටමේස සාකච්ඡාවකදී කණ


වෙසක් නරඹා එද්දී ලොරිය හැපිලා 10ක් රෝහලේ
2025 මැයි මස 13 659 1

කොළඹ වෙසක් සිරි නරඹා ආණමඩුව වෙත ගමන් කරමින් තිබු ලොරි රථයක් මූදුකටුව ප්‍රදේශයෙදී මාර්ගයෙන් ඉවතට පැන සිදුවු අනතුරීන් තුවාල ලැබු දස දෙනකු මාරවිල මූලික


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 1284 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1539 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 400 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site