දූෂණ විරෝධී හඞ සංවිධානයේ කැඳවුම්කරු වසන්ත සමරසිංහ මහතාගෙන් හා දිනපතා පුවත්පතක් වන මවුබිම පුවත් පතෙන් රුපියල් කෝටි 10 ක වන්දියක් ඉල්ලා  මහ නගර හා බස්නාහිර සංවර්ධන අමාත්‍ය පාඨලි චම්පික රණවක මහතා කොළඹ දිසා අධිකරණය හමුවේ නඩු පවරා තිබේ.


අමාත්‍ය පාඨලී චම්පික රණවක මහතා විසින් ගොනු කළ මෙම පෙත්සමේ වගඋත්තරකරුවන් වශයෙන්  දූෂණ විරෝධී පෙරමුණේ කැඳවුම්කරු වසන්ත සමරසිංහ මහතා සහ එම පුවත්පතේ කර්තෘවරයා නම් කරනු ලැබ සිටිති.


ගොනු කළ එම පැමිණිල්ලේ සඳහන් වන්නේ වසන්ත සමරසිංහ මහතා විසින් පසුගිය වසරේ 15 වැනිදා  පුවත්පතකට ලබාදුන් ප්‍රකාශයකින් තම දේශපාලන ප්‍රතිරූපයට සහ කීර්තිනාමයට  හානි සිදුව ඇති බවයි.


ගල් අඟුරු වංචාවකට පාඨලී චම්පික රණවක අමාත්‍යවරයා සම්බන්ධ බවට වසන්ත සමරසිංහ මහතා පුවත්පතකට ප්‍රකාශයක් සිදුකර තිබූ බව වාර්තා වේ. 


එම ප්‍රකාශය තුළින් තමාගේ කීර්ති නාමයට හානියක් සිදුවූ බව පවසමින් පාඨලී චම්පික රණවක අමාත්‍යවරයා රුපියල්  කෝටි 10 ක මුදලක් වගඋත්තරකරුවන් ගෙන් අය කර දෙන මෙන් ඉල්ලා සිටී.