‘ජනතාව මත පටවන අසාධාරණ බදු බරට එරෙහිව සටන් කරමු‘ යන තේමාව යටතේ ජනතාව දැනුම්වත් කිරීමේ අත්පත්‍රිකා බෙදා දීමක් ජනතා විමුක්ති පෙරමුණේ සාමාජිකයෝ අද (30) කොළඹ කොටුව දුම්රියපොළේදී සිදුකළහ.

වත්මන් ආණ්ඩුව පසුගිය දිනවල ඉතා අසාධ්‍ය ලෙස ජනතාවට බදු පැටවූ බවත් වැට් බද්ද 15% දක්වා වැඩි කර ජනතාවට දරාගත නොහැකි බරක් පටවා ඇති බවත් මෑතදී වාහන සඳහා බදු වැඩි වශයෙන් ඉහළ දමා ඇතැයිද ජවිපෙ පවසයි. 

‘අපි කවුරුත් දන්නවා ආණ්ඩුව අයවැයක් ඉදිරිපත් කළා. ඒ බදු ප්‍රතිපත්තියෙන් මාස තුනක් යෑමට පෙර අලුතෙන් බදු ප්‍රතිපත්තියක් ඉදිරිපත් කිරීමට ආණ්ඩුවට සිද්ධ වෙලා තිබෙනවා. අපි දන්නවා ආණ්ඩුව දැවැන්ත ආර්ථික අර්බුදයකට මුහුණ පා තියෙනවා. ඒ ආණ්ඩුව මුහුණ පා ඇති දැවැන්ත ආර්ථික අර්බුදය ජනතාවට පටවන්න තමයි දැන් ආණ්ඩුව කටයුතු කරගෙන යන්නේ‘ යැයි ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා පැවසීය.

 

DSC_1074[1]

ජායාරූප හා වීඩියෝ ඉෂාන් සංජිව