අලි මිනිස් ගැටුමෙන් මහා ගොඩක් පරලොව

(අංජුල මහික වීරරත්න සහ සුජිත් හේවාජුලිගේ)

අලි මිනිස් ගැටුම නිසා 2023 වසරේ පමණක් වන අලි 488ක් සහ මිනිසුන් 188 ක් මිය ගොස් තිබෙන බව සමගි ජන බලවේගයේ ගම්පහ දිස්ත්‍රික් මන්ත්‍රී අජිත් මාන්නප්පෙරුම මහතා පාර්ලිමේන්තුවේ දී පැවසීය.

2011 වසරේදී අවසන් වරට වන අලි සංගණනයක් කරන විට වන අලි 5879ක් සිටි බව කී මන්ත්‍රීවරයා වසරකට අලි ගහනය සියයට දෙකක් වැඩිවන බවට උපකල්පනය කළහොත් මේ වන විට අලි 7452ක් සිටිය යුතු බව පැවසීය.

2011 වසරේ සිට 2023 දක්වා කාලයේදී අලි 4038 දෙනෙක් මරා දමා ඇති අතර එම කාලයේ අලි මිනිස් ගැටුම් වලින් මිනිසුන් 1314 ක් මියගොස් තිබෙන්නේ යැයි කීය.

වන අලින්ගෙන් සියයට හැත්තෑවක් ඉන්නේ මිනිස් ක්‍රියාකාරකම් සිදුවන ප්‍රදේශවල බව කී මන්ත්‍රීවරයා එසේ වී ඇත්තේ මිනිසුන් අලි මංකඩ වල ගම්මාන හැදීම නිසා බව සඳහන් කළේය.

වන සතුන්ගෙන් සිදුවන වගා හානි පිළිබඳ සභාව කල් තැබීමේ විවාදය අමතමින් අජිත් මාන්නප්පෙරුම මහතා මේ බව සඳහන් කළේය.

අදහස් (5)

අලි මිනිස් ගැටුමෙන් මහා ගොඩක් පරලොව

Nimal Thursday, 07 March 2024 04:04 PM

අන්තිම අලියත් මැරෙනකම් කියව කියව හිටපන්

: 1 8

පැරකුම් Thursday, 07 March 2024 04:15 PM

“අලි-මිනිස් ගැටුම” කියල අළුත් වචනෙකුත් හදාගෙන මොනවද මේ කරන විකාර. අනිවාර්යයෙන්ම අලි ගහණය පාලනය කල යුතුය. ප්‍රමුඛතාවය මිනිසා මිස අලියා නොවේ.

: 9 2

kotiyaThursday, 07 March 2024 06:45 PM

ඇත්ත. මං නම් කියන්නේ පැරකුම් මහත්තයා ඔය අලි විතරක් නෙවෙයි, අනිත් සත්තුත් ඔක්කොම මරලා දාලා මිනිස්සු විතරක් මේ පෘතුවි තලය මත ජීවත් වෙන විදියට අපි වැඩ කටයුතු කරන්න ඕනේ. කොහෙද, අපේ පැරකුම් මහත්තයාට තේරෙන දේ මේ දේශපාලකයන්ට තේරෙන් නෑනේ. පැරකුම් මහත්තයා ඡන්දේ එහෙම ඉල්ලනවා නම් කියන්න. අපි ඔබතුමාව පාර්ලිමේන්තු යවන්න උපරිමයෙන් වැඩ කරනවා.

: 0 0

පිටරටවැසියා Thursday, 07 March 2024 07:05 PM

තනි අලියෙක්ගෙන් ලක්වැසියන්ට වන උවදුර අලි රංචුවකින් වන උවදුරටත් වඩා දරුණු වෙලා තියෙන්නේ...!

: 0 0

Perera Friday, 08 March 2024 08:13 AM

ඔය ප්‍රශ්නේ තව අවුරුදු දහයකින් විතර ඉබේම විසඳෙනවා .වනයේ අලි වඳ වී ගියාම

: 0 1