(ප්‍රදීප් කුමාර ධර්මරත්න)
 
කොවිඩ් -19 වයිරසය ආසාදිතයින්ගේ ව්‍යාප්තිය හේතුවෙන් සති දෙකක කාලයක් හුදකලා කර සංචරණ සීමා පනවා තිබූ අරණායක විල්පොළ මුස්ලිම් ගම්මානය අද(02) පෙරවරුවේ සිට හුදකලා තත්ත්වයෙන් මුදාහැරීමට පියවර ගත් බව අරණායක සෞඛ්‍ය වෛද්‍ය නිලධාරී වෛද්‍ය රසාංජන මෙන්ඩිස් මහතා පැවසීය.
 
කොරෝනා ආසාදිතයන් 13 දෙනෙකු විල්පොළ ගම්මානයෙන් ඉකුත් 19 වනදා වන විට වාර්තාවීමත් සමඟ ගම්මානය හුදකලා කර සංචරණ සීමා පනවා තිබුණි. ගම්මානයේ පිහිටි රජයේ පාසල් දෙකක් ඇතැම් රජයේ කාර්යාල කිහිපයක් ද වසා දැමීමට පියවර ගෙන තිබුණි.
 
ආසාදිතයන් 13 දෙනා ප්‍රතිකාර මධ්‍යස්ථානවලට යොමු කොට ඔවුන්ගේ සමීපතමයින් නිරෝධායනයට යොමු කර සිදු පී.සී.ආර්. පරීක්ෂණවලදී තවත් රෝගීන් 05 දෙනෙකු හමු වී ඇති අතර ඔවුන් ද ප්‍රතිකාර මධ්‍යස්ථාන වෙත යොමුකර ඇත.
 
දින 14 කට පසුව 02  පෙරවරුවේ විල්පොළ ගමට යොදවා තිබූ පොලිස් ආරක්ෂාව හා මාර්ග බාධක ඉවත් කිරීමත් සමග එම ගම්මානයේ ජනතාව දිප්පිටිය නගරයට පැමිණ සිය වෙළද ව්‍යාපාර විවෘත කර දෛනික කටයුතු ව  නිරතව සිටින අයුරු දැක ගත හැකි විය.