(නිමල කොඩිතුවක්කු)

ජනතාව ඉදිරියේ කයිවාරු ගසන දේශපාලන පක්ෂ මෙන් ජාත්‍යන්තර මූල්‍ය අරමුදල හමුවේ සමගි ජනබලවේගය බයේ හැංගුනේ නැති බවත් එම ගිවිසුම ජනතාවාදී ලෙස සංශෝධනය කරන බව ඔවුන් හමුවේ සෘජුව ප්‍රකාශ කළ බවත් විපක්ෂ නායක සජිත් ප්‍රේමදාස මහතා ප්‍රකාශ කළේය.

සමගි ජනබලවේගය සෑම විටම ජනතාවගේ පැත්තේ සිට කෙලින් වැඩ කරන පක්ෂයක් බවත් විපක්ෂ නායකවරයා පැවසීය.

සක්වල වැඩසටහනේ 71 වැනි අදියර යටතේ පොල්ගහවෙල ඉර්ෆාක් විද්‍යාලයට රුපියල් ලක්ෂ 10ක් වටිනා සුහුරු පන්ති කාමර ලබා දීමේ වැඩිසටහනකට එක්වෙමින් ඔහු මේ බව කීවේය.