(අංජුල මහික වීරරත්න)

ලංකාවේ අධිකරණ ඇමතිවරයා මීගමු බන්ධනාගාරයේ ගැටුමෙන් මියගිය ගණන දැනගන්නේ ෆේස්බුක් එකෙන් යැය පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය.

ෆේස්බුක්  එක පැය පහක් බලන්න බැරි වෙච්ච නිසා මැරුණු ගහන හරියට දන්නේ නැතැයි අධිකරණ ඇමැතිවරයා ප්‍රසිද්ධියේ ප්‍රකාශ කළ බවද රාජපක්ෂ මහතා සඳහන් කළේය.

නාමල් රාජපක්ෂ මහතා මේ බව කීවේ කෝට්ටේ ප්‍රදේශයේ රැස්වීමකට සහභාගී වෙමිනි.

'නගරව ලට යනකොට  අද අපි එක්ක විශාල පිරිසක් ඒකරාශී වෙනවා. අපිට ඡන්දය දීපු, නොදීපු හැම කෙනෙක්ම අපේ රැස්වීම්වලට එනවා.මේ රටට වැඩ කරපු දේශපාලන බලවේගයක් හැටියට ජනතාවට අපි ගැන විශ්වාසයක් තියෙනවා.අපි කියපු දේ කරන්න පුළුවන් දේශපාලන බලවේගයක්.

මේ ආණ්ඩුව බලයට ආවේ අසීමිත බොරු කියලා. දැන් ආණ්ඩුව කියපු බොරු ටික ඔප්පු කරගන්න විදිහක් නැතුව ඒ බොරුව වහන්න තවත් බොරුවක් කියනවා. තරුණ පරපුරට වැඩිහිටියන්ට මේ ආණ්ඩුව දීපු බලාපොරොත්තු සුන්  කර දැම්මා යනුවෙන්ද මන්ත්‍රීවරයා කීය.