නැවත දන්වන තුරු උතුරුමැද පළාතේ පවතින දැඩි හිරු රශ්මිය හේතුවෙන් සියලුම පාසල් ලබන සඳුදා සිට පස්වරු 12 ට අවසන් කරන බව උතුරුමැද අධ්‍යාපන අධ්‍යක්ෂක ඊ.එම්.එන්.ඩබ්ලිව්. ඒකනායක මහත්මිය පැවසුවාය.

අධික උෂ්ණත්වය නිසා දරුවන්  කිහිපදෙනෙකුම ක්ලාන්ත වීම හේතුවෙන් මෙම පියවර ගත් බව ඇය සඳහන් කළාය.

අද පස්වරු 2 වන විට අනුරාධපුරයේ උෂ්ණත්වය  සෙල්සියස් අංශක 36 ක් ද පොළොන්නරුවේ සෙල්සියස් අංශ 35 ක් කොළඹ සෙල්සියස් අංශක 33 ක් ද වේ.

මීට පෙර  අනුරාධපුරයේ සෙල්සියස් අංශක 38 ක් දක්වා ඉහළ ගොස් තිබිණි.

වවුනියාවේ උෂ්ණත්වය සෙල්සියස් අංශ 38 ක් වේ. මෙය දිස්ත්‍රික්කවල වාර්තා වන ඉහළම උෂ්ණත්වය වේ. යාපනයේ උෂ්ණත්වය සෙල්සියස් අංශ 32 ක් වේ.

අනුරාධපුරයේ සහ පොළොන්නරුවේ සිසුන් 12 දෙනෙකු ක්ලාන්ත වී අසනීප වු බව වාර්තා වෙයි.