(ඩයනා උදයංගනී)
සෞඛ්ය අමාත්යාංශයට කඩාවැදී නීතිවිරෝධී ලෙස හැසිරුණු අයට විරුද්ධව නීතිය ක්රියාත්මක කිරීමේදී ඊට එරෙහිව වෛද්යවරුන් වැඩවර්ජන කිරීම ඔවුන්ගේ වෘත්තීය ගෞරවය නැති කරගැනීමක් බව මහාමාර්ග රාජ්ය අමාත්ය ඩිලාන් පෙරේරා මහතා පවසයි.
සයිටම් ප්රශ්නය විසඳිය යුත්තේ අහිංසක රාජ්ය නිලධාරීන්ට හෝ රෝගීන්ට හිරිහැර කර නොවන බව කී ඩිලාන් පෙරේරා මහතා එසේ ජනතාවට හිරිහැර කළ හා අමාත්යාංශයේ දේපල විනාශ කළ අයට දඬුවම්දීම අවශ්ය බව ද කියයි.
මෙහිදී සිසුන්ට අමානුෂික ලෙස පහරදීමක් සිදු වී ඇත්නම් එයට ද නීතිය ක්රියාත්මක විය යුතු බව ඩිලාන් පෙරේරා මහතා කීවේය.
“වෛද්යවරුන්ට පක්ෂ අයට නීතිය ක්රියාත්මක කරන්න එපා, භික්ෂූන් වහන්සේලාට නීතිය ක්රියාත්මක කරන්න එපා, මුස්ලිම් ඇමතිවරුන්ට, උතුරේ මහ ඇමතිට විරුද්ධව නීතිය එපා, හමුදාවට විරුද්ධව නීතිය එපා කියනවා නම් රටේ නීතිය ක්රියාත්මක කිරීම සම්බන්ධව ද ගැටලූ ඇතිවනවා“යැයි ඇමතිවරයා කීවේය.
තමන් ද බරපතල ලෙස සයිටම් ආයතනයට විරුද්ධ බව කී රාජ්ය අමාත්යවරයා ඒ සම්බන්ධයෙන් රජය නිසි ක්රියාමාර්ග ගනිමින් සිටින අවස්ථාවක සිසුන් පිරිසක් සෞඛ්ය අමාත්යාංශයට කඩාවැදී එහි නිලධාරීන්ට හිරිහැර කිරීම වරදක් බව ද පවසයි.
පෙරේරා මහතා මේ බව පැවසුවේ කොළඹ ඩාර්ලි පාරේ පිහිටි ශ්රී ලංකා නිදහස් පක්ෂ මූලස්ථානයේදී අද (22) පැවති මාධ්ය හමුවේදී මාධ්යවේදියෙකු නැගූ පැනයකට පිළිතුරු දෙමිනි.
COMMENTS
Reply To:
Sisira - cb chds hcdsh cdshcsdchdhd
ඒක නැතිවෙලා ගොඩක් කල් අමුතුවෙන් නැති වෙන්න දෙයක් නැහැ.
ආණ්ඩුවට කොන්දක් පන තියේ නම් අසරණ රෝගීන් වෙනුවෙන් වෛද්ය වූර්තිය අත්යාවශ්ය සේවාවක් බවට පත් කරන්න. යහ පාලනයට අවශ්ය වන්නේ සොදුරු dictator කෙනෙකි. සීනිබෝල,පතෝල වැනිවුන් පාලනය කිරීමෙන් රට තවත් විනාශ වේ. ෆීල්ඩ් මාර්ෂල් සරත් ෆොන්සේකාට මේ වාගේ දෙයක් බාර දෙන්න.
මහජනතාව රවැට්ටු ජනපති, අගමැති සහ මුළු ඇමති මණ්ඩලයම ගෙදර යා යුතුයි. ඒ තමා විසඳුම
ආණ්ඩුව සයිටම් මුදලාලිලා කියන පදේට නටන්නේ නැතුව ජනතාව කියන දේ අහල මේ සයිටම් කඩේ වහල දැම්ම නම් වැඩේ ඉවරිනේ. මේ හොර දේශපාලකයෝ මෙච්චර මොකටද දගලන්නේ සයිටම් වෙනුවෙන්. රටට ආදරේට නෙමෙයිනෙ මොකද රටම විරුද්ධ සයිටම් එකට.
සිසුන් කලහකාරීව හැසිරෙන කොට සූප්පුවද කටට දෙන්න ඕන. එතකොට තමයි අර කලින් කිව්ව අවම බලව පාවිච්චි කරන්න වෙන්නෙ. ඇයි ඩිලාන් ඇමති තුමා දැක්කේ නැද්ද ගාල්ලේ රාලහාමි කෙනෙකුට වෙන දේ. ඒක මතක් වුනේ නැද්ද ඔය මාධ්ය සාකච්චිවේදී. ඔබ තුමා දන්නේ නෑනේ පිකටින් කරනකොට ඔය අන්තරේ මිනිස්සු කොහෙමද හැහිරෙන්න කියල. එතනට ගිහිල් ටික වේලාවක් ඉන්න ඕන. රාජ්ය දේපලවලට අලාභ හානි සිදු කිරීමට නීතිය හරියාකාරවම ක්රිත්මක විය යුතුයි.
මේවගේ කොන්ද පනනැති රටට අාදරයක් නැති නායකයෝ ඉන්නකම් අපේරට දියුණුකරන්න බෑ.මේ අවුරුදු දෙකහමාරේම කරපු හැමදෙයක්ම වගේ fail.කාලය ගතවෙනවා. රට පිරිහෙනවා. කරන්න පුළුවන් කෙනකුට දීල යන්න. .
මෙම වැඩ වර්ජනයේ මුලික අරමුණ ශ්රී ලංකික වෛද්ය වරුන්ගේ වෘත්තීය ගෞරවය ආරක්ෂා කර ගැනීම මිසක රට අස්ථාවර කිරීම නොවේ. දැනට ඉන්දියාවේ වෛද්ය උපාධිය එංගලන්තය වැනි රටවල පිළිගන්නේ නැත. එයට හේතුව එම රටේ මෙම උපාධිය මුදලට ගත හැකිවීමි. දැනට අප රටේ දොස්තරල ට එංගලන්තය ඇමෙරිකාව වැනි රටවල සේවය කරන්නට හැකිවී ඇත්තේ අපේ උපාධිය ඕනෑම රටක පිළිගත හැකි නිසාය. ඉදිරියේදී මෙම උපාධිය මුදලට විකිණීමෙන් අප රටටද ඉන්දියාවට මෙන්ම තත්ත්වයක් උදාවීමට ඉඩ ඇත .
අල්විස් ඉතාම වැදගත් දෙයක් කියල තියෙන්නේ. දැන් ඉන්දියාවේ පවුද්ගලික වෛද්ය විද්යාල වලට ළමුන් ඇතුලත් කරන එක තහනම් කරලා තියෙන්නේ. අපේ අය එ්කෙන්වත් ආදර්ශයක් නොගන්න එක තම දුක.
අද ඉන්න දොස්තරලට මොකක්ද මේ වෙලා තියෙන්නේ...? විනයක් නැතිනම් කාටවුණත් දැඩි දඬුවම් දිය යුතුයි.