(අංජුල මහික වීරරත්න)

මැගසින් බන්ධනාගාරයේ රිමාන්ඩ් වී සිටින එක්සත් ජාතික පක්ෂයේ උප නායක අකිල විරාජ් කාරියවසම් මහතාගේ ආරක්ෂාව සම්බන්ධයෙන් සාකච්ඡා කිරීමට කඩිනමින් වේලාවක් ලබාදෙන ලෙස එක්සත් ජාතික පක්ෂ මහලේකම් නීතීඥ තලතා අතුකෝරළ මහත්මිය වැඩ බලන බන්ධනාගාර කොමසාරිස් ජනරාල්වරයාට ලිපියක් යවමින් ඉල්ලා සිටී.

මේ අවස්ථාවේ මැගසින් බන්ධනාගාරයේ ඇතිවී තිබෙන තත්ත්වය මත අකිල විරාජ් කාරියවසම් මහතාගේ ජීවිතය අනාරක්ෂිත වී ඇතැයි එජාප මාලේකම්වරිය අදාල ලිපියෙන් සඳහන් කරයි.

මැගසින් බන්ධනාගාරයේ රිමාන්ඩ් වී සිටින අකිල විරාජ් කාරියවසම් මහතා මේ වන විට සිටින්නේ බන්ධනාගාර කොමසාරිස්වරයාගේ භාරයේ වන හෙයින් හමුවී සාකච්ඡාවක් පැවැත්වීමට එක්සත් ජාතික පක්ෂ සභාපති වජිර අබේවර්ධන මහතාට සහ තමාට කඩිනමින් වේලාවක් ලබාදෙන ලෙස අතුකෝරල මහත්මිය ඉල්ලා සිටින්නීය.