(යොහාන් භාසුර)

තාක්‍ෂණික දෝෂයක් හේතුවෙන් දින දෙකක් අක්‍රීයව පැවැති කෙරවලපිටිය බටහිර වෙරළ විදුලි බලාගාරය සහ සොජිට්ස් විදුලි බලාගාරය අද (14) පස්වරුවේ යථා තත්වයට පත්කළ බව ලංකා විදුලිබල මණ්ඩලයේ ඉංජිනේරු සංගමයේ විධායක කමිටු සාමාජික එරංග කුඩාහේවා මහතා අද පස්වරුවේ ‘ලංකාදීප’යට පැවසීය.

කෙරවලපිටිය බටහිර වෙරළ බලාගාරයෙන් මෙගාවොට් 270 ක් සහ නිෂ්පාදනය කරන  සහ සොජිට්ස් බලාගාරයෙන් මෙගාවොට් 130 ක් නිෂ්පාදනය කරන බවත් එම බලාගාර අක්‍රීය වීමෙන් අහිමිවූ මෙගාවොට් 400 ප්‍රමාණය අද පස්වරුවේ සිට ජාතික විදුලි පද්ධතියට එකතු වූ බවත් එරංග කුඩාහේවා මහතා වැඩි දුරටත් කීය.