කොරෝනා වයිරසය ආසාදනය වීම හේතුවෙන් තවත් පුද්ගලයකු මිය ගොස් ඇතැයි අද (06) සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කරන ලදී. මෙය මෙරට 30 වැනි කොවිඩ් මරණය ලෙස වාර්තා වේ.

ඊයේ (05) දිනයේ මියගොස් ඇති මෙම රෝගියා අංගොඩ ජාතික බෝවන රෝග විද්‍යා ආයතනයේ ප්‍රතිකාර ලබමින් සිටි 23 හැවිරිදි මෝදර, කොළඹ 15 පදිංචි පිරිමි පුද්ගලයෙකි.

අදාල රෝගියාට දියවැඩියා රෝගයේ සංකූලතා සමග කොවිඩ්-19 වයිරසය ආසාදනය වීම මරණයට ‍හේතුව ලෙස දැක්වේ.