සමිත සේනක අලුත්ගමගේ. Monday, 05 December 2022 03:44 PM

දුරගමන් සේවා බස් රථවලින් ගමන් කරන විට දැනගත යුතු දෙයක් තමයි රියදුරාගේ නිදිබර ගතිය ගැන විමසිල්ලෙන් බැලීම. ඇතැම් බස් හිමියන් එක දිගටම එකම රියදුරු ගමන්වාර ගණනක් තිස්සේ යෙදවීම මේ රටේ සිදු වෙනවා. පසුගිය දිනෙක අප පෞද්ගලික චාරිකාවක් සඳහා එක්දින කුලියට ගෙනගිය ඒසී බස් රථයේ රියැදුරා ඊට ඉස්සරින්දා සිට නිදි නැතිව නොකඩවා බස් රථය ධාවනය කරනා බව මා සමග කීවේය. අපගේ නෑයින් බොහෝ දෙනා රාත්‍රියේ තදින් නින්දට වැටී සිටි අතර, රියැදුරා වතුර බෝතලය ගෙන විටින්විට මුහුණ සේදුවේය. රාත්‍රී කඩයක් ළඟ නැවතී ඔහුට කෝපි බීමට සලස්වා, ගමනාන්තය තෙක්ම ඔහුත් සමග කතාකරමින් නිදිවර්ජිතව මම සිටියෙමි. දුර ගමන් හා විනෝද චාරිකා යන අය මේ ගැන දැඩිව සිහිතබා ගත යුතුව තිබේ. බසයේ සැමගේ ජීවිත රැඳී තිබෙනුයේ, රියැදුරු දෑතෙහිය. ඔහුට නින්ද ගියහොත්, බසයේ සිටින අයට දෙවියන්ගේම පිහිටයි...