එසැණ පුවත්

මන්ත්‍රීවරුන්ගේ දුරකතන සංවාද පරීක්ෂා නොකළ බව කොමිසම කියයි

බැඳුම්කර නිකුතුව ගැන සොයා බැලූ කෝප් කමිටු සාමාජිකයින් පර්පචුවල් ට්‍රෙෂරීස් සමාගමේ හිටපු අධ්‍යක්ෂ අර්ජුන් ඇලෝසියස් සමඟ දුරකථන සම්බන්ධතා පවත්වා ඇති බවට කොමිසමේදී හෙළි වු කරුණු ගැන දේශපාලනඥයින් මාධ්‍ය වෙත කරන ලද ප්‍රකාශ බොහෝමයක්ම පදනම් විරහිත ‍බව බැඳුම්කර කොමිසමේ සභාපති විනිසුරු කේ.ටී. චිත්‍රසිරි මහතා අද (20) කීවේය.

20 November 2017

මහනුවර පස් කන්දකට යටවී දෙදෙනකු රෝහලේ

මහනුවර දොඩම්වල අනිවත්ත ප්‍රදේශයේ නිවසක් ඉදිරිපිට තාප්පයක් ඉදි කරමින් සිටි කම්කරුවන් පිරිසක් මතට අද (20) එම තාප්පය සමඟ පස් කන්දක් කඩා වැටීමෙන් ඊට යටවූ කම්කරුවන් දෙදෙනකු බරපතල තුවාල ලැබ මහනුවර මහ රෝහලට ඇතුළත් කරනු ලැබ සිටිති.

20 November 2017

ගවර්ස් අධ්‍යක්ෂිකාවගේ රට යන ඉල්ලීම 29 වැනි දා

ගවර්ස් කෝපරේෂන් සමාගමේ අධ්‍යක්‍ෂිකා නිත්‍යා සේනානි සමරනායක මහත්මියට ආගමික කටයුත්තක් සඳහා විදේශ ගත වීමට අවසර දෙන්නැයි කළ ඉල්ලීම ලබන 29 වැනි දා සලකා බැලීමට කොළඹ මහාධිකරණ විනිසුරු සම්පත් අබේකෝන් මහතා අද (20) නියම කළේය.

20 November 2017

පාර්ලිමේන්තු මන්ත්‍රීවරයකුගේ විශ්‍රාම දීමනාව වැඩිවෙයි

විශ්‍රාමික පාර්ලිමේන්තු මන්ත්‍රීවරුන් සඳහා රුපියල් 10000ක අතුරු දීමනාවක් පසුගිය ඔක්තෝබර් මාසයේ සිට ලබාදී තිබේ.

20 November 2017

තෙල් පැමිණිලිවලට දුරකථන අංකයක්

ඉන්ධන පිළිබඳ ගැටලු ඇත්නම් දැනුම් දීම සඳහා ලංකා ඛණිජ තෙල් නීතිගත සංස්ථාව නව දුරකථන අංකයක් හඳුන්වා දී තිබේ.

20 November 2017

‘ජාතික කොඩිය හෑල්ලුවට ලක්කිරිම අනුමත කරන්නේ නෑ’ - විග්නේෂ්වරන්

දේශපාලන පක්ෂ අතර සහ ජනතාව අතර ජාතික කොඩිය පිළිබද විවේචන තිබිය හැකි වුවත් ජාතික කොඩිය හෑල්ලුවට ලක්කිරීම කිසිසේත් අනුමත කළ නොහැකි යැයි උතුරු පළාත් ප්‍රධාන අමාත්‍ය සී.වී.විග්නේෂ්වරන් මහතා පැවසීය.

20 November 2017

සයිටම් සිසුන් ගැන අන්තරෙන් ජනපතිට - අගමැතිට ලිපියක්

සයිටම් ආයතනය සම්පූර්ණයෙන්ම අහෝසි කර අලුතින් ඇරඹීමට නියමිත වයඹ, සබරගමුව හෝ මොරටුව යන වෛද්‍ය පීඨවලට සුදුසුකම් සහිත සයිටම් සිසුන් අනුයුක්ත කරන්නැයි අන්තර් විශ්ව විද්‍යාලයීය ශිෂ්‍ය බල මණ්ඩලය රජයට යෝජනා කර ඇත.

20 November 2017

මල්ආරෙන් දඩයක්කරුවන් තිදෙනෙක් අත්අඩංගුවට

හම්බන්තොට යෝජිත වල් අලි කලමනාකරණ රක්ෂිතයේ කෑලිගම මල්ආර ප්‍රදේශයේ වන සතුන් දඩයම් කිරිමේ නිරතව සිටි දඩයක්කරුවන් ‍තුන්දෙනෙක් ගිනි අවියක් සමඟ අද (20) අලුයම හම්බන්තොට වනජීවී කාර්යාලයේ සහ පොලිස් විශේෂ කාර්ය බලකායේ නිළධාරින් විසින් අත්අඩංගුවට ගනු ලැබීය.

20 November 2017

වනජීවී කාර්යාලයට පැන්න කල්ලියෙන් අයෙක් අත්අඩංගුවට

වැලිකන්ද වනජීවී බීට්ටු කාර්යාලයට කඩා වැදී එහි නිලධාරීන් විසින් අත්අඩංගුවට ගෙන තිබු මුව මස් සහ වල් ඌරු මස් තොගයක් ගබඩා කොට තිබූ අධි ශීතකරණයක් බලහත්කාරයෙන් රැගෙන යාමට පැමිණි බව කියන පුද්ගලයෝ කණ්ඩායමකින් එක් අයකු සහ ඔවුන් පැමිණි නවීන පන්නයේ කැබ් රථයක් අත්අඩංගුවටට ගැනීමට හැකි වූ බව වනජීවී නිලධාරීහු කියති.

20 November 2017

අ’පුර බස් - යතුරුපැදි අනතුරින් අයෙක් මරුට

පාසල් සිසුන් රැගෙන යමින් තිබු පුද්ගලික බස් රථයක් සහ යතුරු පැදියක් A-9 මාර්ගයේ මැදවච්චිය සංගිලි කනදරාව ආසන්නයේ අද (20) එකිනෙක ගැටීමෙන් යතුරැපැදිකරු (48) මියගිය බව පොලිසිය කියයි.

20 November 2017

හීන්දෙණිය දුම්රියේ හරස් මඟදී තුනක් මරුට

වේයන්ගොඩ හීන්දෙණිය දුම්රිය හරස් මාර්ගයේ දී අද (20) කාර් රථයක් කොළඹ දෙසට ධාවනය වෙමින් තිබු ඉන්ධන දුම්රියක ගැටීමෙන් තිදෙනෙකු මිය ගොස් ඇතැයි පොලිසිය පවසයි.

20 November 2017

අගමැති බැඳුම්කර කොමිසමට එයි

ප්‍රශ්නගත බැඳුම්කර ගනුදෙනු සම්බන්ධයෙන් විමර්ශනය කරන ජනපති කොමිසමට ප්‍රකාශයක් ලබාදීමට අග්‍රාමාත්‍ය රනිල් වික්‍රමසිංහ මහතා මීට සුළු මොහොතකට පෙර පැමිණියේය.

20 November 2017

වවුනියාවේ කඩපෙළක ගින්නක්

වව්නියාව ජුම්මා මුස්ලිම් පල්ලිය ඉදිරිපිට පිහිටි වෙළඳසල් කිහිපයක අද (20) අළුයම ඇති වූ හදීසි ගිනි ගැනීමක් හේතුවෙන් වෙළඳසල් දෙකක් සම්පූර්ණයෙන්ම විනාශ වී තවත් වෙළඳසල් දෙකකට හානි සිදුවී ඇති බව පොලිසිය පවසයි.

20 November 2017

මූන්දලමේ අභිරහස් මරණය ගැන පරීක්ෂණයක්

අභිරහස් ලෙස මිය ගොස් ඇති අයෙකුගේ මළ සිරුරක් සම්බන්ධයෙන් විමර්ශනයක් ආරම්භ කර ඇති බව මුන්දලම පොලීසිය කියයි.

20 November 2017

පෙට්රල් හිඟයක් නෑ

පෙට්රල් හිඟයක් පවතින බවට පැතිර යන කටකතා හේතුවෙන් අද (19) පස්වරුවේ සිට කොළඹ සහ දිවයිනේ ප්‍රදේශ ගණනාවක ඉන්ධන පිරවුම්හල් වල පෝලිම් දක්නට ලැබේ.

19 November 2017

මුගාබේ පක්ෂ නායකත්වයෙන් නෙරපයි

සිම්බාබ්වේ පාලක පක්ෂය රොබට් මුගාබේ එම පක්ෂ නායකත්වයෙන් ඉවත් කර තිබෙන අතර ඔහුට ජනාධිපතිධුරයෙන් ඉවත් වීම සඳහා පැය 24 ක කාලයක් ලබා දී තිබේ. එසේ නොවූවහොත් 93 වැනි වියේ පසුවන සිම්බාබ්වේ ජනාධිපති රොබට් මුගාබේට එරෙහිව දෝෂාභියෝගයක් ගෙන ඒමට ද එම පක්ෂය තීරණය කර ඇත.

19 November 2017

වෛද්‍ය පීඨවල පංති වර්ජනය අවසන්

රජයේ වෛද්‍ය පීඨවල ශිෂ්‍ය ශිෂ්‍යාවෝ පංති වර්ජනය අවසන් කොට හෙට සිට දේශනවලට සහභාගී වන බව වෛද්‍ය පීඨ ශිෂය ක්‍රියාකාරී කමිටුවේ කැඳවුම්කරු රයන් ජයලත් මහතා අද (19) පැවසීය.

19 November 2017

බොරු පතුරුවන්නන් ගැන රහස් පොලීසියෙන් සොයයි

ගිංතොට සිද්ධිය පාදක කර ගනිමින් ජාතින් අතර අසමගිය වර්ධනය වන ආකාරයේ අදහස් සමාජ ජලා හරහා පතුරුවන්නන් ගැන සොයා බලා නිතීමය පියවර ගැනිමට අපරධ පරීක්ෂණ දෙපාර්තුමේන්තුවට බාරදී ඇතැයි උසස් පොලිස් නිලධාරියෙක් අද (19) ලංකාදීපයට පැවසීය.

19 November 2017

කේරල ගංජා තොගයක් සමඟ තරුණයින් දෙදෙනෙකු අත්අඩංගුවට

රුපියල් කෝටියකට ආසන්න වටිනාකමකින් යුත් කේරල ගංජා කිලෝ 36 ක් සමඟ තරුණයින් දෙදෙනෙකු යාපනය කොඩිකාමම් ප්‍රදේශයේදී අද (19) අත්අඩංගුවට ගත් බව කොඩිකාමම් පොලීසිය පවසයි.

19 November 2017

ශ්‍රී ලංකා ධජයේ වෙනස්කම් සිදුවිය යුතුයි - පා.ම. ධර්මලිංගම්

රටම පිළිගෙන ඇති ජාතික ධජයට ගෞරව කිරීම හා පිළිගැනීම සියලු දෙනාගේම වගකීමක් හා යුතුකමක් වුවත් ශ්‍රී ලංකා ධජයේ වෙනස්කම් සිදුවිය යුතුයි යන්න තමාගේ ස්ථාවරය බව දෙමළ ජාතික සන්ධාන පාර්ලිමේන්තු මන්ත්‍රී ධර්මලිංගම් සිද්ධාර්ථන් මහතා අද (19) පැවසීය.

19 November 2017

පරිපූරක වෛද්‍ය සේවකයෝ වර්ජනයකට සැරසෙති

වැටුප් වැඩිකිරීම ඇතුලූ ඉල්ලීම් කිහිපයක් මුල්කරගනිමින් සහකාර වෛද්‍යවරු , හෙද නිළධාරීන් , පරිපූරක සේවා සහ අතුරු වෛද්‍ය සේවා නිළධාරීන් 22 වන බදාදා සංකේත වැඩ වර්ජනයක නිරත වීමට තීරණය කර තිබේ.

19 November 2017

හමුදාවේ 176ක්: පොලිසියේ 428ක්: ගිංතොට රැකවල් කරති

ගිංතොට ඇතිවූ කලබලකාරී තත්ත්වය මේ වනවිට මුළුමනින්ම පාලනය කර ඇති බවත් තවදුරටත් එවැනි අවාසනාවන්ත සිද්ධියක් වීම වැළැක්වීම සඳහා දෙපාර්ශවය සමග සාකච්ඡා කර එකඟතාවයට එළැඹී ඇති බවත් ස්වදේශ කටයුතු අමාත්‍ය වජිර අබේවර්ධන මහතා පැවසයි.

19 November 2017

මුගාබේ බලයෙන් පහකරන්න පක්‍ෂය සැරසෙයි

සිම්බාබ්වේ හි පාලක පක්ෂය වන සිම්බාබ්වේ අපි‍්‍රකා ජාතික සංගමය - දේශහිතෛශී පෙරමුණ අද (19) පවත්වනු ලබන විශේෂ හමුවකින් පසු එම පක්ෂයේ නායක, වර්තමාන සිම්බාබ්වේ ජනපති රොබට් මුගාබේ, පක්ෂ නායකත්වයෙන් පහ කෙරෙනු ඇතැයි එරට ආරංචි කියයි.

19 November 2017

කුරුලු හොරකමේ ගිය සොර මුලක් අත් අඩංගුවට

පෞද්ගලික කුරුළු උයන් වල හා නිවාස වල ඇති කරනු ලබන ඉතා වටිනා විදේශීය පක්ෂීන් සොරකම් කොට අළෙවි කිරීමේ නිරත වූ සොරමුලක් අත් අඩංගුවට ගැනීමට තංගල්ල කොට්ඨාශ අපරාධ විමර්ශන අංශයේ නිළධාරීන් සමත්ව තිබේ.

19 November 2017

ගිංතොට සිද්ධිය බැලීමට අගමැති යයි

කලබලකාරී ලෙස හැසිරෙමින් ගැටුමක් ඇතිකර දේපලවලට හානි සිදුකළ පුද්ගලයන්ට තරාතිරම නොබලා දඬුවම් ලබාදීමට කටයුතු කරන බවත් නීතිය නිවැරදිව ක්‍රියාත්මක කරන්නැයි දැනටමත් පොලිසියට දැනුම් දී ඇති බවත් අග්‍රාමාත්‍ය රනිල් වික්‍රමසිංහ මහතා අද (19) කීවේය.

19 November 2017

තොණ්ඩමන්ගෙන් පොලිසියට බාධාවක්

ලංකා කම්කරු කොන්ග්‍රසයේ ප්‍රදේශීය දේශපාලනාඥවරියක අත්අඩංගුවට ගැනීම ගිය අවස්ථාවේ කම්කරු කොන්ග්‍රස් නායක ආරමුගම් තොන්ඩමන් මහතා ඇතුළු එහි සාමාජිකයන් ඊට විරොධය පා ඇතැයි පොලිස් ආරංචි මාර්ග කියයි.

18 November 2017

ගාල්ලට යළිත් පොලිස් ඇඳිරිනීතිය

නීතිය හා සාමය පවත්වාගෙන යාම පිණිස ගාල්ල ගිංතොට ප්‍රදේශයේ ග්‍රාමසේවා වසම් කිහිපයකට පොලිස් ඇඳිරිනීතිය පනවන ලද බව ගාල්ල දිසාව භාර නියෝජ්‍ය පොලිස්පති චන්දන අලහකෝන් මහතා පැවසීය. අද පස්වරු 4.00 සිට පනවන ලද පොලිස් ඇඳිරිනීතිය හෙට උදෑසන 9.00 දක්වා බලපැවැත්වේ.

18 November 2017

මගියා කටුනායක නතර වුණේ වීසා වැරදීමකින්

කටුනායක ගුවන් තොටුපොළේ දින තුනක් රැඳි සිටි 34 හැවිරිදි පිලිපීන ජාතික ගුවන් මගියාගේට එසේ නතර වීමට සිදුවූයේ ඔහුගේ වීසා සම්බන්ධ ප්‍රශ්නයක් හේතුවෙන් බව ශ්‍රී ලන්කන් ගුවන් සමාගම කියයි.

18 November 2017