එසැණ පුවත්

අධ්‍යාපන චාරිකාවක් පැමිණි බසය අනතුරකට ලක් වී 20 ක් රෝහලේ

ගාල්ල මහින්ද විද්‍යාලයේ සිට හම්බන්තොට ප්‍රදේශය දක්වා පැමිණි අධ්‍යාපන චාරිකාවක් පැමිණි බසයක් අම්බලන්තොට දෙහිගහලන්ද මහා විද්‍යාලය ඉදිරිපිටදී තවත් බස් රථයක ගැටීමෙන් පාසැල් බස් රථයේ ගමන් කරමින් සිටි සිසුන් 15 දෙනකු ඇතුළු 20 දෙනකු තුවාල ලබා හම්බන්තොට දිස්ත්‍රික් මහරෝහලට ඇතුළු කර තිබේ.

19 March 2019

හිටපු නාවික හමුදාපති තෙවැනි දිනටත් සිඅයිඩියට

ප්‍රකාශයක් ලබා දීම සඳහා හිටපු නාවික හමුදාපති කමාන්ඩර් අද්මිරාල් වසන්ත කරන්නාගොඩ මහතා තෙවැනි වරට අද (19) අපරාධ පරීක්ෂණ දෙපාර්තමේන්තුවට පැමිණියේය.

19 March 2019

ඔසාකා උළෙලේ විශිෂ්ටතම නිළි සම්මානය නිල්මිණි සිගේරාට

ජපානයේ ඔසාකා ආසියානු සිනමා උළෙලේ තරගකාරී අංශයට ශ්‍රී ලංකාව නියෝජනය කරමින් ඉදිරිපත් වූ නිල්මිණි සිගේරා මහත්මිය, ‘අසන්ධිමිත්තා’ චිත්‍රපටයේ රංගනය වෙනුවෙන් සිනමා උළලේ විශිෂ්ටතම රංගනය සඳහා පිදෙන ’’යශිකෝ මුතු’’ සම්මානය දිනා ගත්තාය.

19 March 2019

ග්‍රාමීය කාන්තාවන් ලබාගෙන ඇති ණය කපාහැරීමේ වැඩපිළිවෙළක්

ග්‍රාමීය කාන්තාවන් ලබාගෙන ඇති කුඩා ණය කපාහැරීම මේ වනවිට සිදුකෙරෙමින් පවතින බවත් ගමේ ආර්ථීකය ශක්තිමත් කරමින් වෙහෙර විහාර සංවර්ධනයට විශේෂ වැඩසටහන් රැසක් ක්‍රියාත්මක බවත් අග්‍රාමාත්‍ය රනිල් වික්‍රමසිංහ මහතා කැකිරාවේදී පැවැසීය.

19 March 2019

නොරොච්චෝල බලාගාරයේ යන්ත්‍රයක දෝෂයකින් රට පුරා විදුලිය කැපීමේ අවදානමක්

නොරොච්චෝල ගල් අගුරු බලාගාරයේ එක් යන්ත්‍රයක් අද හදිසියේ ක්‍රියාවිරහිත වීමත් සමඟ රටපුරා විදුලිය විසන්ධි වීමේ දැඩි අවධානමක් හටගෙන ඇතැයි ලංවීම ආරංචි මාර්ග සඳහන් කරයි.

18 March 2019

උපාධිධාරී ගුරුවරුන් 8,500ක් බඳවාගැනීමට පියවර

මේ වසරේදී උපාධිධාරී ගුරුවරුන් 8,500ක් බඳවාගැනීමට පියවර ගන්නා බව අධ්‍යාපන අමාත්‍ය අකිල විරාජ් කාරියවසම් මහතා පැවසීය.

18 March 2019

ඉන්ෆ්ලුවන්සා රෝගය පැතිරයාමේ අවදානමක්

ගාල්ල සහ මාතර දිස්ත්‍රික්කවල මේ දිනවල ඉන්ෆ්ලුවන්සා උණ රෝගය පැතිරයාමේ අවදානමක් හට ගෙන ඇතැයි සෞඛ්‍ය අමාත්‍යාංශය සඳහන් කරයි.

18 March 2019

රත්ගම ඝාතනය ගැන පොලිස් නිලධාරීන් 7ක් ඇතුළු 8ක් අත්අඩංගුවට

ගාල්ල රත්ගම ප්‍රදේශයේදී ව්‍යාපාරිකයන් දෙදෙනෙකු පැහැරගෙන ගොස් අතුරුදන් කළේ යැයි කියන සිද්ධියක් සම්බන්ධයෙන් දකුණ පළාත් විශේෂ විමර්ශන ඒකකයේ පොලිස් නිලධාරීන් 7දෙනෙකු සහ අඩවි වනනිලධාරියෙකු මීට සුළු මොහොතකට පෙර අපරාධ පරීක්ෂණ දෙපාර්තමේනතුව විසින් අත්අඩංගුවට ගත් බව පොලිස් මාධ්‍ය ප්‍රකාශක රුවන් ගුණසේකර මහතා පවසයි.

18 March 2019

කොටි වළ දැමූ රන් ගොඩගන්න ගිය සැකකරුවෝ රිමාන්ඩ්

වව්නියාව ඊච්චන්කුලම් ප්‍රදේශයේදී කොටි සංවිධානය විසින් වල දමනලද රන් ගොඩ ගැනීමට උත්සහ කළ සැකකරුවන් 05 දෙනෙකු අද (18) දින වව්නියාව අධිකරණයට ඉදිරිපත් කිරීමෙන් පසුව ලබන අප්‍රේල් මස 01 වනදා දක්වා රක්ෂිත බන්ධනාගාර ගතකරන ලෙස වව්නියාව මහේස්ත්‍රාත් නස්මීන් ෆවුසර් මහත්මිය නියෝග කළාය.

18 March 2019

රාගම රෝහලේ හදිසි ප්‍රතිකාර ඒකකය බාගෙට වැඩ

රාගම ශික්ෂණ රෝහලේ හදිසි ප්‍රතිකාර ඒකකය මාස දෙකක් තිස්සේ සවස 4.00න් පසුව වසා දමා ඇතැයි ද මේ නිසා රෝගී ජීවිත රැසක් අවදානමට ලක්ව ඇතැයි ද නිදහස් සෞඛ්‍ය සේවයක් සඳහා ජනතා ව්‍යාපාරයේ කැඳවුම්කරු වෛද්‍ය නිලාන් ප්‍රනාන්දු මහතා ‘ලංකාදීප’යට පැවසීය.

18 March 2019

නෙදර්ලන්තයේ වෙඩි තැබීමක්

නෙදර්ලන්තයේ යූට්රෙක්ට් නගරයේදී පුද්ගලයකු කළ වෙඩි තැබීමකින් එක් අයකු මියගොස් කිහිපදෙනකු තුවාල ලබා ඇතැයි විදෙස් පුවත් සේවා වාර්තා කරයි.

18 March 2019

අල්ලස දූෂණය තුරන් කිරීමේ පස් අවුරුදු සැලැස්ම එළිදකී

අල්ලස හා දූෂණය තුරන් කිරීමේ පස් අවුරුදු සැලැස්ම එළිදැක්වීම ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් කොළඹ ෂැංග්‍රිලා හෝටලයේ දී දී අද (18) සිදුකෙරිණි.

18 March 2019

‘බැදුම්කර වංචාවේ මහමොළකරු අල්ලන්න සිංගප්පූරු සහාය නැහැ‘

මෙරට සිදුවූ මහ බැංකු වංචාවට සම්බන්ධ ප්‍රධාන වගඋත්තරකරු අත්අඩංගුවට ගැනීම සඳහා සිගප්පූරුවෙන් ලැබිය යුතු සහයෝගය නොලැබෙන බව ජනාධිපති මෛත්‍රීපාල සිරිසේන මහතා පැවසීය.

18 March 2019

මන්ත්‍රී රොෂාන් රණසිංහ ඇතුලු 07 දෙනාට ඇප

පොලොන්නරුව දිස්ත්‍රික් පාර්ලිමේන්තු මන්ත්‍රී රොෂාන් රණසිංහ මහතා ඇතුලු වග උත්තරකරුවන් 07 දෙනෙකුට එරෙහිව නීතිපතිවරයා විසින් පොලොන්නරුව මහාධිකරණයේ ගොනු කළ නඩුවක් අද (18) දිනයේ කැඳවූ අවස්ථාවේදී එක් අයෙකුට රුපියල් 25000 බැගින් මුදල් ඇපයක් සහ රුපියල් ලක්ෂ 5 බැගින් වන ශරීර ඇප දෙකක් මත මුදා හරින ලෙස පොලොන්නරුව මහාධිකරණ විනිසුරු ඉන්දික සුමේධ සුරවීර මහතා නියෝග කළේය.

18 March 2019

ට්‍රැෆික් ඕඅයිසීට මරු කැඳවු පොලිස් ලොක්කාගේ පුතා යළි රිමාන්ඩ්

බොරැල්ල පොලිසියේ රථවාහන අංශයේ ස්ථානාධිපතිවරයා රියඅනතුරකින් මරණයට පත් කිරිමේ සිද්ධියට අදාළව පොලිස් අධිකාරිවරයාගේ පුත්‍රයා වූ රවිඳු රත්නායක ලබන 1 වැනි දා තෙක් තවදුරටත් රක්ෂිත බන්ධනාගාර ගත කරන ලෙස කොළඹ අතිරේක මහෙස්ත්‍රාත් ශලිනි පෙරේරා මහත්මිය නියෝග කළාය.

18 March 2019

ජනනාත් වරකාගොඩට ඇප

රිය අනතුරක් සිදු කිරීමේ චෝදනාවක් සම්බන්ධයෙන් රක්ෂිත බන්ධනාගාර ගතකර සිටි ප්‍රවීණ සංගීතඥ ජනනාත් රංගන වරකාගොඩ මහතා ඇප මත මුදා හැරීමට මහර ප්‍රධාන මහේස්ත්‍රාත් හේශාන්ත ද මැල් මහතා අද (18) නියෝග කළේය.

18 March 2019

නාගානන්ද කොඩිතුවක්කුගේ නීතීඥභාවය වසර 3කට අත්හිටුවයි

සිවිල් සමාජ කියාකාරියෙකු වන නීතීඥ නාගානන්ද කොඩිතුවක්කු මහතාගේ නීතීඥභාවය වසර තුනකට අත්හිටුවීමට ශ්‍රේෂ්ඨාධිකරණය අද ( 18) තීන්දු කළේය.

18 March 2019

අන්තරේ කැඳවුම්කරුට ඇප

අන්තර් විශ්ව විද්‍යාල ශිෂ්‍යබල මණ්ඩලයේ කැඳවුම්කරු මහිල් බණ්ඩාර දෙහිදෙණිය ඇප මත මුදා හැරිමට කොළඹ අතිරේක මහේස්ත්‍රාත් කාංචනා නෙරංජනා සිල්වා මහත්මිය අද (18) නියෝග කළාය.

18 March 2019

පුල්මුඩේ ඛනිජ වැලි නිධිය අවදානමේ

පුල්මුඩේ ඛනිජ වැලි නිධියේ වැලි, සංහිඳියාව යන වචනයට මුවාවී සොරාගන්නා බවත් එය ආරක්ෂා කිරීමට ඉදිරිපත් වන රාජ්‍ය නිලධාරීන්ට පහරදී පළවා හරිමින් රාජකාරි කටයුතුවලට බාධා කරන බවත් ලංකා ඛනිජ වැලි සංස්ථාවේ සේවකයෝ කියති.

18 March 2019

යාපනයේ වැලි හොරු එස්ටීඑෆ් එකට වටකර පහරදෙති

යාපනය, අරියාලේ ප්‍රදේශයේ නීති විරෝධි වැලි ජාවාරමේ යෙදී සිටි පිරිසක් අත්අඩංගුවට ගැනීමට පෙරේදා (16) පස්වරුවේ ගිය පොලිස් විශේෂ කාර්ය බළකායේ භට කණ්ඩායමකට බාධා කරමින් පහරදුන් කාන්තාවන් දෙදෙනකු ඇතුළු හය දෙනෙක් පොලිසිය විසින් අත්අඩංගුවට ගනු ලැබූහ.

18 March 2019

රත්තරං මන්ත්‍රී ධූරයෙන් ඉල්ලා අස් වෙයි

දකුණු පළාත් සභා මන්ත්‍රී ක්‍රිශාන්ත පුෂ්ප කුමාර මහතා (රත්තරන්) පළාත් සභා මන්ත්‍රී ධුරයෙන් සහ සියලුම දේශපාලන කටයුතු වලින් ඉවත්වීමට තීරණය කර තිබේ.

18 March 2019

රිය අනතුරකින් 4ක් මරුට -7 කට තුවාල

පුත්තලම කොළඹ ප්‍රධාන මාර්ගයේ නාගවිල්ලුව ප්‍රදේශයේ දී අද (18) අලුයම වූ රිය අනතුරකින් සිව් දෙනෙකු මරණයට පත්ව 07 දෙනෙකු තුවාල ලබා පුත්තලම මූලික රෝහලට ඇතුළත් කර ඇතැයි පුත්තලම මුලස්ථාන පොලිසිය කියයි.

18 March 2019

අද හෙට වහින බව කාලගුණයෙන් කියයි

දිවයිනේ බොහෝ ප්‍රදේශවලට අද (17) සහ හෙට (18) සවස් සහ රාත්‍රී කාලයේදී වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව පවසයි.

17 March 2019

‘ගල් අරක්කු මිල ඉහළ දැමිය යුතුයි‘

බෝ නොවන රෝගවලින් ජනතාව ආරක්ෂා කිරීමට නම් විශේෂ අරක්කු හෙවත් ගල් අරක්කු බෝතලයක මිල ද ඉහළ දමන ලෙස තමන් යෝජනා කරන බව සෞඛ්‍ය පෝෂණ හා දේශිය වෛද්‍ය අමාත්‍ය රාජිත සේනාරත්න මහතා ප්‍රකාශ කළේය.

17 March 2019

ළමා ආරක්ෂක අධිකාරිය සකස් කළ නිර්දේශ වසරක් හමස් පෙට්ටියේ

පාසල් සිසුන්ට කායික දණ්ඩනය වෙනුවට විනයගත කිරීමට විකල්ප ක්‍රමවේද යෝජනා කරමින් ජාතික ළමා ආරක්ෂක අධිකාරිය සකස් කළ වාර්තාවේ නිර්දේශ වසරකට වැඩි කාලයක් තිස්සේ ක්‍රියාත්මක කර නැතැයි එහි අභ්‍යන්තර ආරංචි මාර්ග සඳහන් කරයි.

17 March 2019

වර්ණ සංකේත ක්‍රමය අප්‍රේල් 2 වැනි දා සිට අනිවාර්යයි

ආහාර හා බීම වර්ගවල ඇති ලුණු හා තෙල් ප්‍රමාණය සඳහන් වර්ණ සංකේත ක්‍රමය අප්‍රෙල් 2 වැනි දා සිට අනිවාර්ය කරන බව සෞඛ්‍ය අමාත්‍යංශය පවසයි.

17 March 2019

මල්වතු පාර්ශ්වයෙන් කතානායකට ගෞරව සම්මානයක්

කතානායක කරූ ජයසූරිය මහතා වෙත විශේෂ ගෞරව සම්මානයක් පිරිනැමීමට මල්වතු මහා විහාර පාර්ශවයේ මහනායක හිමියන් ඇතුළු කාරක මහා සංඝ සභාව තීරණය කර තිබේ. එම ගෞරව සම්මානය මල්වතු මහා විහාරස්ථ උපෝසථාගාරයේ දී ලබන අඟහරුවාදා (19) පිරිනැමේ.

17 March 2019

පොලිසියේ නිලධාරීන් 26 දෙනෙකුට මාරුවීම්

ජාතික පොලිස් කොමිසමේ අනුමැතිය පරිදි සේවයේ අවශ්‍යතා මත ජ්‍යෙෂ්ඨ පොලිස් අධිකාරිවරුන් දෙදෙනෙකුට පොලිස් අධිකාරිවරුන් පස් දෙනෙකුට හා සහකාර පොලිස් අධිකාරිවරුන් 14 දෙනෙකුට ප්‍රධාන පොලිස් පරීක්ෂක තිදෙනෙකුට හා පොලිස් පරීක්ෂක දෙදෙනකුට ස්ථාන මරුවීම් ලබාදී ඇතැයි පොලිස් මාධ්‍ය ප්‍රකාශ පොලිස් අධිකාර රුවන් ගුණසේකර මහතා පැවසීය.

17 March 2019