එසැණ පුවත්

ලුතිනන් කමාන්ඩර්වරයා හෙට දක්වා රිමාන්ඩ්

කොටහේන ප්‍රදේශයේ පුද්ගලයින් දෙදෙනකු අතුරුදන් කිරීමේ සිද්ධියට අදාළව අත්අඩංගුවට ගත් නාවික හමුදා බුද්ධි අංශ ලුතිනන් කමාන්ඩර් සම්පත් දයානන්ද මහතා හෙට (25) දක්වා රක්ෂිත බන්ධනාගාරගත කිරීමට කොළඹ අතිරේක මහෙස්ත්‍රාත් කේසර සමරදිවාකර මහතා අද (24) නියෝග කළේය.

24 October 2018

ලුතිනන් කමාන්ඩර් සම්පත් දයානන්ද අත්අඩංගුවට

කොටහේන ප්‍රදේශයේ පුද්ගලයින් දෙදෙනකු අතුරුදන් කිරීමේ සිද්ධියට අදාළව නාවික හමුදා බුද්ධි අංශ ලුතිනන් කමාන්ඩර් සම්පත් දයානන්ද මහතා අද (24) අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබේ.

24 October 2018

ව්‍යාජ බලපත් - මත්ද්‍රව්‍ය සමඟ අයෙක් ගල්කිස්සෙන් අත්අඩංගුවට

ගල්කිස්සේ නිවසක සඟවා තිබූ මත්ද්‍රව්‍ය, ව්‍යාජ වාහන අංක තහඩු, රියදුරු බලපත්‍ර, ආදායම් බලපත්‍ර, කොටස් එකලස් කරන ලද මෝටර් රථයක් සමඟ පුද්ගලයෙකු අත්අඩංගුවට ගත් බව පොලිස් විශේෂ කාර්ය බලකායේ රාජගිරිය බුද්ධි අංශය පවසයි.

24 October 2018

ක්‍රීඩකයන් භාවිත නොකළයුතු තහනම් උත්තේජක පිළිබඳ ගැසට්ටුව පාර්මේන්තුවට

ක‍්‍රීඩකයින් විසින් භාවිතා නොකළ යුතු තහනම් උත්තේජක හා තහනම් ක‍්‍රම ඇතුළත් අති විශේෂ ගැසට් පත‍්‍රය පාර්ලිමේන්තුවට ඉදිරිපත් කිරීමට අමාත්‍ය මණ්ඩල අනුමැතිය හිමිවී තිබේ.

24 October 2018

විග්නේෂ්වරන් අලුත් පක්ෂයක් පිහිටුවයි

තම නායකත්වය යටතේ දෙමළ ජනතා සන්ධානය (තමිල් මක්කල් කූට්ටනි) නමින් නව දේශපාලන පක්ෂයක් පිහිටුවා ගන්නා බව උතුරු පළාත් ප්‍රධාන අමාත්‍ය සී.වී.විග්නේෂ්වරන් මහතා පැවසීය.

24 October 2018

මන්නාරම් මිනීවලේ කැනීම්වලින් සිරුරු කොටස් 192 ක්

මන්නාරම, පැරණි සතොස ගොඩනැඟිල්ල පැවති ස්ථානයෙන් හමුවූ සමූහ මිනීවලේ කැනීම් වලින් අද(24) උදෑසන වන විට සිරුරු කොටස් 192 ක් හමුවී ඇති බව කැනීම් පිළිබඳව පරීක්ෂණ මෙහෙයවන විශේෂඥ අධිකරණ වෛද්‍ය නිලධාරී ශමින්ද රාජපක්ෂ මහතා පැවසීය.

24 October 2018

බන්ධනාගාර බස්රියේ වෑන් රිය වැදීමෙන් දෙදෙනෙක් මරුට

මහව, අඹගස්වැවදී බන්ධනාගාර බස් රියක් හා කුඩා වෑන්රියක් එකිනෙකට ගැටී සිදු වූ අනතුරින් වෑන් රියෙහි ගමන්ගත් දෙදෙනකු මිය ගොස් තවත් සිව් දෙනකු තුවාල ලබා රෝහල්ගත කර තිබේ.

24 October 2018

අල්ලස් ගත්තැයි ගුවන්තොටුපොළ පොලිසියේ දෙදෙනෙක් අත්අඩංගුවට

කටුනායක බණ්ඩාරනායක ජාත්‍යන්තර ගුවන්තොටුපොළින් පිටතටදී රන් අාභරණ ව්‍යාපාරිකයෙකුගෙන් රුපියල් ලක්ෂ 25 ක අල්ලසක් ලබා ගත්තේ යැයි පැවසෙන සිද්ධියකට අදාළව ගුවන්තොටුපළ පොලීසියේ නිලධාරින් දෙදෙනෙකු පෑලියගොඩ කොට්ඨාස අපරාධ විමර්ශන ඒකකයේදී සැකපිට අත්අඩංගුවට ගෙන තිබේ.

24 October 2018

අඹ සොරකමට වරද පිළිගනී

අසල්වැසි නිවසකින් අඔ ගෙඩි 19ක් සොරකම් කර ඒවා සිය සන්තකයේ තබා ගත් බවට අධිකරණය හමුවේ චෝදනා ලැබ සිටි වියපත් කාන්තාවක් තමාට එරෙහිව පවතින එම චෝදනාවන්ට වරද පිළි ගන්නා බව විවෘත අධිකරණය හමුවේ ප්‍රකාශ කළාය.

24 October 2018

වතු කම්කරුවෝ ලෝටස් පාර අවහිර කරති

උද්ඝෝෂණයක් හේතුවෙන් ගාලුමුවදොර මාර්ගය කොළඹ කොටුව ලෝටස් වට රවුම අසළින් වසා දමා ඇතැයි පොලීසිය කියයි.

24 October 2018

ඇල්ල- වැල්ලවාය මාර්ගයේ නායයාමේ අවදානමක්

ඇල්ල වැල්ලවාය මාර්ගයේ කිලෝමීටර් 24 - 25 කණු අතර එක් ස්ථානයක ප්‍ර‍ධාන මාර්ගයේ පැති බැම්ම කඩා වැටී මාර්ගය ගිලා බැස නායයාමේ දැඩි අවදානමකට ලක්ව තිබේ.

24 October 2018

කැපුම් තුවාලකරු රෝහලට ගෙනයද්දී ආයෙත් ඇවිත් පිහියෙන් අනී

නාවලපිටිය, කුරුඳුවත්ත පොලිස් බල ප්‍රදේශයට අයත් මල්ගොල්ල ගම්මානයේ පුද්ගලයෙකු තියුණු ආයුධයකින් කපා කොටා ඝාතනය කර ඇතැයි කුරුඳුවත්ත පොලීසිය පවසයි.

24 October 2018

වීරකැටියේ වෙඩි තැබීමකින් පුද්ගලයෙක් මරුට

වීරකැටිය උඩයාල ප්‍රදේශයේදී අද (24) අලුයම සිදුවූ වෙඩි තැබීමකින් එක් පුද්ගලයෙකු මියගොස් ඇතැයි වීරකැටිය පොලිසිය කියයි.

24 October 2018

වසර 2400ක් පැරණි නැවක් මුහුදු පත්ලේ තිබී සොයා ගනි

වසර 2400කට වඩා පැරණි ග්‍රීක වෙළඳ නැවක් කළු මුහුදේ බල්ගේරියානු වෙරළට නුදුරින් තිබි සොයාගෙන ඇතැයි වාර්තා වේ.

23 October 2018

රාජ්‍ය ත්‍රාන්තික මෙහෙයුමකට පාඨලීගෙන් යෝජනාවක්

ශ්‍රී ලංකාවට එරෙහිව එක්සත් ජාතීන්ගේ මානව හිමිකම් කොමිෂන් සභාව හමුවේ ඇති යෝජනාව ඉවත් කර ගැනීමට රාජ්‍ය තාන්ත්‍රික මෙහෙයුමක් ක්‍රියාත්මක කළ යුතු බව මහනගර හා බස්නාහිර සංවර්ධන ඇමැති පාඨලි චම්පික රණවක මහතා අද (23) කැබිනට් රැස්වීමේදී ප්‍රකාශ කර ඇතැයි වාර්තාවේ.

23 October 2018

ජල ගාස්තු වැඩි කරන්න ඇමැති හකීම් අනුමැතිය ඉල්ලයි

ජල ගාස්තු සියයට 65කින් පමණ ඉහළ දැමීමට ජල සම්පාදන හා නගර සැලසුම් ඇමැති රාවුෆ් හකීම් මහතා කැබිනට් අනුමැතිය ඉල්ලා ඇත.

23 October 2018

දේශීය ආදායම් කොමසාරිස් තනතුරට සී.ජේ.පී. සිරිවර්ධන

දේශීය ආදායම් දෙපාර්තමේන්තුවේ නව කොමසාරිස් ජනරාල්වරයා ලෙස ශ්‍රී ලංකා මහ බැංකුවේ නියෝජ්‍ය අධිපති සී.ජේ.පී සිරිවර්ධන මහතා පත්කර තිබේ.

23 October 2018

හකීම් - බදියුදීන් කැබිනට් රැස්වීමේදී ගැටෙති

ජල සම්පාදන හා නගර සැලසුම් ඇමැති රාවුෆ් හකීම් මහතා ඔහුගේ මාධ්‍ය ඒකකයේ 30 දෙනෙකුගෙන් පමණ යුත් පිරිසක් තෝරාගෙන තමාට එරෙහිව ප්‍රචාර ගෙන යන බවට කර්මාන්ත හා වාණිජ කටයුතු ඇමැති රිෂාඩ් බදියුදීන් මහතා අද (23) පැවැති කැබිනට් රැස්වීමේදී ප්‍රකාශ කර ඇතැයි රජයේ ආරංචි මාර්ග කියයි.

23 October 2018

‘‘රට රැකගන්න දේශපාලනඥයෙක් නොවන රටට ආදරය කරන පුද්ගලයෙක් සොයා ගත යුතුයි‘‘

විදේශීය බලවේගවලින් රට රැකගැනීම සදහා දේශපාලනඥයින් කෙරෙහි විශ්වාසය තැබීමට නොහැකි නිසා දේශපාලනඥයෙක් නොවන රටට ආදරය කරන පුද්ගලයෙක් අප සොයා ගත යුතුයැයි ත්‍රිකුණාමලයේ ආනන්ද අමරපුර ශ්‍රී ධම්මරක්ෂික මහා නිකායේ මහානාහිමියෝ අද (23) පැවැසූහ.

23 October 2018

ශ්‍රී ලංකාවට ලකුණු 219 ක ජයක්

එංගලන්තයට එරෙහිව කොළඹ ආර් ප්‍රේමදාස ක්‍රීඩාංගණයේදී අද (23 වැනිදා) පැවැති පස්වැනි සහ අවසන් එක්දින තරගයේදී ලකුණු 219 ක දැවැන්ත ජයක් වාර්තා කිරීමට ශ්‍රී ලංකා පිල සමත්විය. මෙම තරගයටත් වර්ෂාවෙන් බාධා පැමිණි අතර ඩක්වර්ත් ලුවිස් න්‍යාය මත තරගයේ ජයග්‍රහණය ශ්‍රී ලංකා පිලට හිමිවිය. කෙසේ වෙතත් තරග 5 කින් සමන්විත එක්දින තරගාවලියේ ජය 3-1 ක් ලෙසින් එංගලන්තයට හිමිවිය.

23 October 2018

නාලක ද සිල්වාගෙන් පැය 7 ක් ප‍්‍රශ්න කරයි

ජනාධිපතිවරයා සහ හිටපු ආරක්ෂක ලේකම් ගෝඨාභය රාජපක්ෂ යන මහත්වරුන් ඝාතනය කිරීමට කුමන්ත‍්‍රණය කළ බව කියන සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව විසින් නියෝජ්‍ය පොලිස්පති නාලක ද සිල්වා මහතාගෙන් අද (23) සිව් වන දිනටත් පැය 8 කට ආසන්න කාලයක් ප‍්‍රශ්න කර ප‍්‍රකාශ සටන් කරගත් බව අපරාධ පරීක්ෂණ දෙපාර්මේන්තු ආරංචි මාර්ග කියයි.

23 October 2018

හිටපු ඇමැති මර්වින් ජනාධිපතිවරණයට ඉදිරිපත් වෙන්න සැරසෙයි

තමන් ජනාධිපතිවරණයට ඉදිරිපත් වන බව හිටපු අමාත්‍ය මර්වින් සිල්වා මහතා අද (23) අනුරාධපුරයේදී පැවසීය.

23 October 2018

රුපියලේ අගය ආරක්ෂා කර ගන්න විදේශ සංචිත මුදා හරින්නේ නෑ

රුපියල අවප්‍රමාණය වීම බරපතල ආර්ථික ප්‍රශ්නයක් හෝ රට කඩා වැටීමක් නොවන බව මුදල් හා ජනමාධ්‍ය ඇමැති මංගල සමරවීර මහතා පැවැසීය.

23 October 2018

ජමාල් කෂොක්ජිගේ සිරුරේ කොටස් තුර්කියෙන් පිටතට රැගෙන ගිහින්

ඝාතනය කළ මාධ්‍යවේදී ජමාල් කෂොක්ජිගේ සිරුරේ කොටස් තුර්කියෙන් පිටතට රැගෙන ගොස් ඇතැයි එරට බලධාරිහු බිය පළ කරති.

23 October 2018

පළමු වසරට ළමයි ගන්න පරීක්ෂණයේ ලකුණු වෙනස් කර ඇතැයි පැමිණිලි

2019 වසරේ පළමු ශ්‍රේණියට සිසුන් ඇතුළත් කර ගැනීම සඳහා පැවැති සම්මුඛ පරීක්ෂණ වලදී සිසුන්ට හිමි වූ ලකුණු ප්‍රමාණය තාවකාලික පොරොත්තු ලේඛණවලට ඇතුළත් කිරීමේදී වෙනස්කර ඇති බවට පැමිණිලි ලැබී ඇතැයි අධ්‍යාපන අමාත්‍යාංශය සඳහන් කරයි.

23 October 2018

ත‍්‍රස්ත විරෝධී පනත් කෙටුම්පත ගැන කථානායකවරයාටත් ජනාධිපතිවරයාටත් දන්වනවා

පාර්ලිමේන්තුවේ අනුමැතිය සඳහා ඉදිරිපත් කර ඇති ත‍්‍රස්ත විරෝධී පනත් කෙටුම්පත ව්‍යවස්ථානුකූල ද නැද්ද යන්න සම්බන්ධයෙන් කඩිනමින් පාර්ලිමේන්තු කථානායකවරයාට සහ ජනාධිපතිවරයාට දන්වා යවන බව ශ්‍රේෂ්ඨාධිකරණය අද (23) ප‍්‍රකාශ කළේය.

23 October 2018

කෂෝක්ජි ඝාතනය කළ අයකුගෙන් සල්මාන් කුමරුට ඇමැතුම් 7 ක්

ජමාල් කෂෝක්ජි ඝාතනය කළ දිනයේදී එම ඝාතනයට සම්බන්ධ යැයි කියන අයකු සෞදි අරාබියේ ඔටුන්න හිමි මොහොමද් බින් සල්මාන් කුමරුගේ කාර්යාලයට අවස්ථා හතකදී දුරකතන ඇමතුම් ලබා දී ඇතැයි ආරංචි මාර්ග සඳහන් කරයි.

23 October 2018

ශ්‍රී ලංකාව කඩුලු 6 ට 366 යි

එංගලන්තයට එරෙහිව කොළඹ ආර් ප්‍රේමදාස ක්‍රීඩාංගණයේදී අද (23 වැනිදා) පැවැත්වෙන පස්වැනි සහ අවසන් එක්දින තරගයේදී පළමුවෙන් පන්දුවට පහර දුන් ශ්‍රී ලංකා කණ්ඩායම ඕවර 50 ක් අවසානයේදී කඩුලු 6 ක් දැවී ලකුණු 366 ක් ලබාගත්තේය. එකම පිතිකරුවකු හෝ ශතකයක් ලබා නොගත් කණ්ඩායමක් විසින් එක්දින තරගයකදී ලබාගත් තුන්වැනි වැඩිම ලකුණු සංඛ්‍යාව වන්නේද මෙයයි.

23 October 2018