එසැණ පුවත්

කොළඹ හිටපු ප්‍රධාන අධිකරණ වෛද්‍ය නිලධාරීට අධි චෝදනා ගොනු කරයි

රගර් ක්‍රීඩක වසීම් තාජුදීන් ඝාතනයේ සාක්කි වසන් කළැයි සැකකරුවකු ලෙස නම් කර සිටින කොළඹ හිටපු ප්‍රධාන අධිකරණ වෛද්‍ය නිලධාරී ආනන්ද සමරසේකර මහතාට එරෙහිව නීතීපතිවරයා අද කොළඹ මහාධිකරණය ඉදිරියේ අධිචෝදනා ගොනු කර තිබේ.

07 August 2019

දකුණු පළාත් ආණ්ඩුකාරවරයා ලෙස හේමාල් වැඩ බාර ගනී

දකුණු පළාත් සභාවේ 10වන ආණ්ඩුකාරවරයා ලෙස හේමාල් ගුණසේකර මහතා අද (07) වැඩ බාර ගත්තේය.

07 August 2019

ගුණතිලක - කරන්නාගොඩ ඉහළම තනතුරු ලබති

විශ්‍රාමික ගුවන් හමුදාපති එයාර් චීෆ් මාර්ෂල් රොෂාන් ගුණතිලක මහතා ගුවන් හමුදාවේ මාර්ෂල් වරයා (මාර්ෂල් ඔෆ් ද එයාර් ෆෝස්) ලෙස උසස් කරනු ලැබ ඇත.

07 August 2019

චන්දිමාල් - අකිල ටෙස්ට් සංචිතයට

නවසීලන්තයට එරෙහිව ලබන 14 වැනිදා ආරම්භ වන තරග දෙකකින් සමන්විත ටෙස්ට් ක්‍රිකට් තරගාවලියට සහභාගි වන ශ්‍රී ලංකා සංචිතයට හිටපු නායකයකු වන දිනේෂ් චන්දිමාල් සහ පිට දඟ පන්දු යවන ක්‍රීඩක අකිල ධනංජය ඇතුළත්ව සිටිති.

07 August 2019

කඩු - පිහි බාරදුන් පොලිස් ස්ථානාධිපතිගේ වැඩ තහනම්

නඩු භාණ්ඩ ලෙස තිබූ, ලේඛන ගතකර තිබූ මන්නා පිහි 76ක් සහ අත්පොරව 13ක් ආපසු බාරදීමට සූදානම් වූ වෙලම්බඩ පොලිසියේ වැඩ බලන ස්ථානාධිපති පොලිස් පරීක්ෂණ බන්දුල බණ්ඩාර යන අයව මහනුවර පොලිස් ස්ථානය වෙත ස්ථාන මාරු කර, රාජකාරි වැඩ තහනම් කළ බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පැවසීය.

07 August 2019

ඇට වර්ගයක් විස වී ළමුන් 7ක් රෝහලේ‍

මඩොල්සිම කොකාගල වතුයායේ කෝවිලකදී කිසියම් ඇට වර්ගයක් ආහාරයට ගත් කුඩා ළමුන් හත්දෙනෙකු බරපතල අසාධ්‍ය තත්වයෙන් මැටිගහතැන්න දිසා රෝහලට ඇතුළත්කිරීමෙන් පසු බදුල්ල මහ රෝහලට මාරුකර යවා ඇතයි මඩොල්සිම පොලීසිය පවසයි.

07 August 2019

රනිල් - සජිත් රහසේ හමුවෙති

එක්සත් ජාතික පක්ෂයේ නායක අගමැති රනිල් වික්‍රමසිංහ හා එම පක්ෂයේ නියෝජ්‍ය නායක අමාත්‍ය සජිත් ප්‍රේමදාස යන මහත්වරුන් අතර රහසිගත සාකච්ඡාවක් අද (06) රාත්‍රීයේ පැවැත්වුණු බව දේශපාලන ආරංචි මාර්ගවලින් පැවැසේ.

06 August 2019

රුහුණු සරසවියේ සිසුවෙකුට නවක වධය දුන් සිසුන් 19 ක් රිමාන්ඩ්

රුහුණ විශ්වවිද්‍යාලයේ පළමු වසරේ සිසුවෙකුට ලිංගික අඩත්තේට්ටම් සිදු කර පහර දී අමානුෂික ලෙස නවක වධය දුන් බව කියන එම විශ්වවිද්‍යාලයේ මහා ශිෂ්‍ය සංගමයේ සභාපති ඇතුළු ජ්‍යෙෂ්ඨ සිසුන් 19 දෙනෙකු ලබන 19 වැනිදා තෙක් රිමාන්ඩ් භාරයේ තබන ලෙස මාතර ප්‍රධාන මහේස්ත්‍රාත්ඉසුරු නෙත්තිකුමාර මහතා අද (06) නියෝග කළේය.

06 August 2019

කෝටි 15ක් වංචා කළැයි සණස කළමනාකාරිනිය සැකපිට අත්අඩංගුවට

බලංගොඩ මොරහැල උඩවෙල සණස බැංකුවෙන් රුපියල් කෝටි 15ක මුදලක් රැගෙන පළා ගිය බව කියන එහි හිටපු කළමනාකාරිනිය මාස අටකට පමණ පසු අද (06) සවස අත්අඩංගුවට ගත් බව පින්නවල පොලිසිය කියයි.

06 August 2019

ජනපතිගෙන් විදුලි ඇමති රවීට නියෝගයක්

තුර්කි සමාගමකට අයත් විදුලි බලාගාර දෙකකින් විදුලිය මිලදී ගැනීම සම්බන්ධයෙන් නීතිපති වාර්තාව සහ මහජන උපයෝගිතා කොමිසන් සභාවෙන් අනුමැතිය දී ඇති වාර්තාව කැබිනට් මණ්ඩලයට ඉදිරිපත් කරන්නැයි ජනාධිපති මෛත්‍රීපාල සිරිසේන මහතා විදුලි බල හා බලශක්ති ඇමැති රවී කරුණානායක මහතාට අද (06) පෙරවරුවේ දී දැනුම් දී ඇත.

06 August 2019

රත්නපුර කෝටි තුනේ කොල්ලයට ගුරුවරු දෙදෙනකු ඇතුළු 5ක් සැකපිට

රත්නපුර පැල්මඩුල්ලේ ව්‍යාපාරික ස්ථානයක සේප්පුවක් කඩා රුපියල් කෝටි තුනකට අධික වටිනාකමකින් යුත් මැණික් හා ස්වර්ණාභරන සොරා ගත්තේයැයි සැකපිට ගුරුවරුන් දෙදෙනකු , යුද හමුදාවේ හිටපු සාමාජිකයන් දෙදෙනකු ඇතුළු පස් දෙනකු රුපියල් එක්කෝටි හැත්තෑ හතර ලක්ෂයක මැණික්, ස්වර්ණාභරණ සහ මුදල් සමඟ අත්අඩංගුවට ගත් බව පැල්මඩුල්ල පොලිසිය කියයි.

06 August 2019

මන්ත්‍රීවරුන්ට තවත් ලක්ෂ 2 ක් ඉල්ලූ යෝජනාව ජනපති ප්‍රතික්ෂේප කරයි

රුපියල් ලක්ෂ හතරකට වැඩි මුදලක් පාර්ලිමේන්තු මන්ත්‍රීවරුන්ට මාසිකව ලැබෙමින් තිබියදී තවත් අතිරේක දීමනාවක් ලෙස රුපියල් ලක්ෂ දෙකක් ලබාදීම සඳහා කැබිනට් මණ්ඩලයට ගෙනා යෝජනාවකට අත්සන් කිරීම තමා ප්‍රතික්ෂේප කළේ යැයි ජනාධිපති මෛත්‍රීපාල සිරිසේන මහතා අද (06) කොළඹදී පැවැසීය.

06 August 2019

ගාල්ල බන්ධනාගාර අධිකාරිවරයාට හදිසි මාරුවක්

ගාල්ල බන්ධනාගාර අධිකාරි ජගත් චන්දන වීරසිංහ මහතා අද (6) සිට වහා ක්‍රියාත්මක වන පරිදි බන්ධනාගාර මුලස්ථානය වෙත ස්ථාන මාරු කර ඇත.

06 August 2019

සහනදායී වාහන බලපත්‍ර නොලැබුණු මන්ත්‍රීන් වෙනුවෙන් කැබිනට් පත්‍රිකාවක්

දැනට පවතින සහ විසුරුවා හැර ඇති පළාත් සභා වල සිටි මන්ත්‍රීවරුන් කොටසකට පමණක් හිමි වූ තීරු බදු රහිත වාහන බලපත්‍ර සෙසු මන්ත්‍රීවරුන්ටත් ලබා දීම සඳහා වන කැබිනට් පත්‍රිකාවක් ඉදිරියේදී ඉදිරිපත් කරන බව අභ්‍යන්තර හා ස්වදේශ කටයුතු පළාත් සභා හා පළාත් පාලන අමාත්‍ය වජිර අබේවර්ධන මහතා පාර්ලිමේන්තුවේදී අද (06) පැවැසීය.

06 August 2019

ලංකාදීප අභිවර්ධිත ස්වරූපය පාඨකයන් වෙතට

ලංකාදීප පුවත් පතේ පළවන ප්‍රවෘත්ති සහ ඊට අදාළ වීඩියෝ නැරඹීමේ පහසුකම ලංකාදීපයට ලැදි පාඨකයන් වෙත පිරිනැමීමට විජය පුවත් පත් සමාගම කටයුතු යොදා තිබේ.

06 August 2019

ජල සම්පාදන මණ්ඩලයේ කෝටි 40 වංචාවක්

ජාතික ජල සම්පාදන හා ජලාපවාහන මණ්ඩලය මගින් කි‍්‍රයාත්මක කෙරෙන කොළඹ නැගෙනහිර නගර සඳහා වූ ‘‘විශේෂ ජල ව්‍යපෘතියෙන්’’ එම මණ්ඩලයේ සභාපතිවරයා සහ ව්‍යාපෘති අධ්‍යක්ෂකවරයා විසින් රුපියල් කෝටි 40කට අධික මුදලක් වංචා කළැයි කියන සිද්ධියක් සම්බන්ධයෙන් මූල්‍ය අපරාධ විමර්ශන කොට්ඨාසය මොරටුව මහේස්ත‍්‍රාත් අධිකරණය හමුවේ කරුණු වාර්තා කර ඇත.

06 August 2019

සෞඛ්‍ය අමාත්‍යංශයේ වාහන අතුරුදන්වීම ගැන විමර්ශන ඇරැඹේ

සෞඛ්‍ය, පෝෂණ හා දේශීය වෛද්‍ය අමාත්‍යංශය සතු වාහන 575ක් සොයා ගැනීමට නොහැකි වී ඇති බවට සෞඛ්‍ය අමාත්‍යංශයේ ලේකම්වරිය කළ දැනුම් දීමක් අනුව විමර්ශන ආරම්භ වී ඇතැයි පොලිස් මූලස්ථානයේ ආරංචි මාර්ග කියයි.

06 August 2019

‘‘කසල දැමීමට තැනක් සොයාගන්නැයි කොළඹ නගර සභාවට කීවේ ඉකුත් සැප්තැම්බරයේ‘‘

කෙරවලපිටිය කසල අංගනයේ ධාරිතාව ඉක්මවා ගොස් ඇති නිසා කසල දැමීමට විකල්ප ස්ථානයක් සොයා ගන්නා ලෙස කොළඹ නගර සභාවට දැනුම් දුන්නේ ඉකුත් වසරේ සැප්තැම්බර් මාසයේදී බව මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පාර්ලිමේන්තුවේදී අද (06) පැවැසීය.

06 August 2019

පාර්ලිමේන්තු මහ ලේකම් කොමිසමෙන් කල් ඉල්ලයි

රජයේ ආයතනවල සිදුවී ඇතැයි කියන දූෂණ වංචා සෙවීමේ ජනාධිපති කොමිෂන් සභාවේ විභාගය වන කෘෂිකර්ම අමාත්‍යාංශය පවත්වාගෙන යන බත්තරමුල්ලේ පිහිට පෞද්ගලික ගොඩනැගිල්ල පිළිබඳ පැමිණිල්ලට අදාළව යොමු කර තිබෙන ලිඛිත ප‍්‍රශ්න 15 ක පිළිතුරු ලබා දීමට පාර්ලිමේන්තු මහ ලේකම්වරයා අද (6) එම කොමිසමෙන් තව දින තුනක් කාලයක් කල් ඉල්ලා ඇත.

06 August 2019

ක්‍රිකට් වලට සිදුවූ හානිය පුහුණුකරු ඉවත් කිරීමෙන් වළක්වා ගත නොහැකියි

ක‍්‍රිකට් පරිපාලනය ක්‍රිකට් ක්‍රීඩාවට කළ විනාශය පුහුණුකරු චන්දික හතුරුසිංහ මහතා පිට පැටවීම සාධාරණ නැතැයි හිටපු ක‍්‍රිකට් නායක සහ ප‍්‍රවාහන හා සිවිල් ගුවන්සේවා අමාත්‍ය අර්ජුන රණතුංග මහතා කොළඹදී පැවසීය.

06 August 2019

විදුලිබල සංශෝධන පනත් කෙටුම්පත විවාදයට පෙර ඉල්ලා අස්කරගනී

පාර්ලිමේන්තුවේදී අද (6) විවාදයට ගැනීමට නියමිතව තිබූ ශ්‍රී ලංකා විදුලිබල සංශෝධන පනත් කෙටුම්පත සභානායක ඇමති ලක්ෂ්මන් කිරිඇල්ල මහතා විසින් ඉල්ලා අස්කරගැනීම හේතුවෙන් පාර්ලිමේන්තුව පැය එක හමාරකට සීමා විය.

06 August 2019

පල්ලිවලින් ගත් කඩු - පිහි ආපසු දෙයි

පාස්කු දා සිදු වූ ප්‍රහාරය සමඟ මුස්ලිම් පල්ලිවල තිබී පොලිසිය බාරයට ගත් කඩු සහ පිහි, එම පල්ලිවලින් කළ ඉල්ලීමක් සමඟ උඩුනුවර වෙළම්බෝඩ පොලිසිය මඟින් නැවත පල්ලිවලට දී ඇත.

06 August 2019

‘ප්‍රතිපත්තියක් ඇති ඕනෑම සන්ධානයක නායකයකුට සහය දෙනවා’

එක්සත් ජාතික පක්ෂයේ ජනාධිපති අපේක්ෂකයා කවුද කියා අදාළ නොවන බවත් අදාළ වෙන්නේ සන්ධානයක් එක්ක හරි ප‍්‍රතිපත්තියක් ඇතිව ආණ්ඩුවක් හදන්න පුළුවන් පුද්ගලයෙක් පමණක් බවත් ප‍්‍රවාහන හා සිවිල් ගුවන්සේවා අමාත්‍ය අර්ජුන රණතුංග මහතා කොළඹදී පැවසීය.

06 August 2019

දේශපාලන පළිගැනීමට ලක්වූවන්ට වන්දි

දේශපාලන පළිගැනීම් හේතුවෙන් සහ මහනුවර දිගනදී ඇති වූ නොසන්සුන්කාරී සිද්ධි වලින් පීඩාවට පත් ජනතාවට වන්දි ප්‍රදානය අගමැති රනිල් වික්‍රමසිංහ මහතා ගේ ප්‍රධානත්වයෙන් කොළඹ අරලියගහ මන්දිරයේදී අද ( 06 ) සිදු කෙරිණි.

06 August 2019

පොහොට්ටුව - අලියා හැර ශ්‍රීලනිපයට ඕනෑ තරම් විකල්ප තියෙනවා

ශ‍්‍රී ලංකා නිදහස් පක්ෂයට පොදුජන පෙරමුණ හා එජාපය හැර විකල්ප ඕන තරම් තිබෙනවා යැයි ශ්‍රී ලංකා නිදහස් පක්ෂයේ මහ ලේකම් දයාසිරි ජයසේකර මහතා අද (6) පැවසීය.

06 August 2019

සබරගමු සරසවිය වීඩියෝ කළ තරුණයාට ඇප

සබරගමු විශ්වවිද්‍යාල පරිශ්‍රය අනවසරෙන් වීඩියෝ කළ තරුණයා රුපියල් ලක්ෂය බැගින් වූ ශරීර ඇප දෙකක් මත මුදා හැරීමට බලන්ගොඩ මහෙස්ත්‍රාත් ජයරුවන් දිසානායක මහතා අද (06) නියෝග කළේය.

06 August 2019

දරුවාට කිරි දෙන්න නම් කුඩු දෙන්නැයි මවක් පොලිසිය පෙරළයි

මත් කුඩු ලබා දෙන්නේ නම් පමණක් දරුවාට මව් කිරි ලබා දෙන බව පවසමින්පොලිස් අත්අඩංගුවේ සිටි මවක් පොලීසිය දෙවනත් කරමින් කෑ ගෑසු පුවතක් අද (06) මින්නේරිය පෙලීසියෙන් වාර්තා විය.

06 August 2019

ටෙක්සාස්හි වෙඩිතැබීමෙන් මිය ගිය ගණන 22 දක්වා ඉහළට

ඇමෙරිකාවේ ටෙක්සාස්හි අගෝස්තු 4 වැනි දින සිදු වූ වෙඩිතැබීමෙන් තුවාල ලබා රෝහල් ගත කර ප්‍රතිකාර ලබමින් සිටි පුද්ගලයන් දෙදෙනෙකු ඊයේ(05) මිය ගොස් ඇතැයි ද, ඒ අනුව ටෙක්සාස් ප්‍රහාරයෙන් මිය ගිය සංඛ්‍යාව 22 දක්වා ඉහළ ගොස් ඇතැයි ද, පොලිසිය කියයි.

06 August 2019