එසැණ පුවත්

ගාලු කොටුවේ බිත්තියක් කැඩූ අයෙක්ට අත්හිටවූ සිර දඬුවම්-දඩ

පුරාවිද්‍යා අධ්‍යක්ෂ ජනරාල්වරයාගේ නිසි අවසරයකින් තොරව ගාල්ල කොටුවේ පිහිටි පුරාවිද්‍යාත්මක වටිනාකමකින් යුත් ගොඩනැගිල්ලක බිත්තියක් කැඩීම සම්බන්ධයෙන් වරදකරුවු පුද්ගලයෙකුට ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා අද(18) බරපතල වැඩ සහිත වසරක සිර දඩුවමක් සහ රුපියල් පනස් දහසක දඩයක් නියම කොට සිර දඩුවම වසර පහකට අත් හිටුවනු ලැබිය.

18 September 2019

‘සාහිත්‍ය මාසය රස්සා දෙන මාසයක් වෙලා‘

රටේ සාහිත්‍ය මාසය ලෙස හඳුන්වන සැප්තැම්බර් මාසය ඉදිරියේ එන මැතිවරණයක් නිසා රටේ රස්සා දෙන මාසය බවට පත්ව ඇති බව ජනාධිපති මෛත්‍රිපාල සිරිසේන මහතා අද (18) කුරුණෑගලදී පැවැති උත්සවයකදී ප්‍රකාශ කළේය .

18 September 2019

තහනම නොතකා ආබාධිත රණවිරුවෝ ජනපති ලේකම් කාර්යාලයට

කොටුව දුම්රියපොළ අසළ උපවාසයේ යෙදී සිටින ආබාධිත රණවිරුවන්ගෙන් පිරිසක් ජනාධිපති ලේකම් කාර්යාලය දක්වා ගමන් කිරිම හේතුවන් ලෝටස් පාර තාවකාලිකව වසා දැමීමට පියවර ගත් බව පොලිසිය පවසයි.

18 September 2019

නෙළුම් කුළුණ ගැන විපක්ෂ නායකගෙන් නිවේදනයක්

නෙළුම් කුළුණ ඉදිකිරීමේ මුල් දිනයේ සිට අද දක්වාම සියලූ ගෙවිම් සිදුකර ඇත්තේ ඒලිට් සමාගමට නොව චයිනා නැෂනල් ඉලෙක්ට්‍රිකල්ස් සමාගමේ ගිණුමට බව අදාළ සමාගමේ ලියකියවිලි වලින් තහවුරු කරගත හැකි බව විපක්‍ෂනායක මහින්ද රාජපක්‍ෂ මහතා අද (18) නිවේදනයක් නිකුත් කරමින් කියා සිටී.

18 September 2019

‘ඇල්පිටිය තේරීම්භාර නිලධාරියා මාරු කිරීමේ කුමන්ත්‍රණයක්‘

ඇල්පිටිය ප‍්‍රාදේශීය සභා මැතිවරණයේ තේරීම්භාර නිළධාරිවරයා වශයෙන් කටයුතු කරන ගාල්ල දිසාපතිවරයාට ස්ථානමාරුවක් ලබාදීමට කැබිනට් පත‍්‍රිකාවක් ඉදිරිපත් කර තිබෙන බවට තොරතුරු වාර්තාවී ඇතැයි කුරුණෑගල දිස්ත‍්‍රික් පාර්ලිමේන්තු මන්ත‍්‍රී අනුර ප‍්‍රියදර්ශන යාපා මහතා අද (18) පැවැසීය.

18 September 2019

හිටපු ඇමැති මිත්‍රපාල අභාවප්‍රාප්ත වෙයි

හිටපු ඇමැති එච්. ආර්. මිත්‍රපාල මහතා අද (18) අභාවප්‍රාප්ත වී තිබේ. මිය යන විට මිත්‍රපාල මහතා 73 හැවිරිදි වියේ පසුවිය.

18 September 2019

පාස්කු ප්‍රහාරය ගැන සොයන කාරක සභාවේ කාලය මසකින් දිගු කරයි

පාස්කු ප්‍රහාරය පිළිබඳ සෙවීම සඳහා පත්කර ඇති පාර්ලිමේන්තු විශේෂ කාරක සභාවේ අවසන් වාර්තාව ඉදිරිපත් කිරීමට ලබා දී ඇති කාලය ඔක්තෝබර් 31 දක්වා දීර්ඝ කිරීමට පාර්ලිමේන්තු අනුමැතිය හිමිවිය.

18 September 2019

'අලි නඩුව' විභාග කරන්න මහාධිකරණයට බලයක් නැතැයි මුලික විරෝධතාවයක්

වනජීවී දෙපාර්තමේන්තුවේ තිබු අලි ලියාපදංචි කරන පොත කූට ලෙස වෙනස්කර බලපත‍්‍ර නොමැති අලි 5 දෙනෙකු ළඟ තබා ගත් බවට චෝදනා කරමින් නීතීපති පවරා ඇති නඩුව විභාග කිරීමට ත‍්‍රිපුද්ගල මහාධිකරණ විනිසුරු මඩුල්ලට බලයක් නොමැති බව විත්තිකරුවන් වෙනුවෙන් පෙනී සිටි ජනාධිපති නීතීඥ අනුජ පේ‍්‍රමරත්න මහතා අද (18) මුලික විරෝධතාවයක් ඉදිරිපත් කළේය.

18 September 2019

විරෝධතාවක් නිසා ටවුන්හෝල් අවට වාහන තදබදයක්

විශ්ව විද්‍යාල අනධ්‍යන සේවක විරෝධතාවක් හේතුවෙන් පුරහල හා අවට ප්‍රදේශවල දැඩි රථ වාහන තද බදයක් හටගෙන ඇත.

18 September 2019

ලෝටස් පාර වහයි

ලංගම සේවකයින්ගේ විරෝධතා පා ගමනක් ජනාධිපති ලේකම් කාර්යාලය බලා යාමට ගත් උත්සාහක් වළක්වමින් පොලීසිය ලෝටස් වටරවුම මාර්ග බාධක යොදා වසා දමා තිබේ.

18 September 2019

කිංස්බරි බෝම්බකරුගේ හිස වළලන්න නියෝගය

කොළඹ කිංස්බරි හෝටලයේ මරාගෙන මැරෙන බෝම්බකරු වූ අසාම් මොහොමඩ් මුඛාරක් යන අයගේ හිස කොටස බොරැල්ල කනත්තේදී භූමදානය කරන ලෙස කොළඹ කොටුව මහෙස්ත්‍රාත් රංග දිසානායක මහතා අද තිඹිරිගස්යායා ප්‍රාදේශිය ලේකම්වරයාට නියෝග කළේය.

18 September 2019

ආබාධිත රණවිරුවන්ගේ උපවාසයට තහනම් නියෝගයක්

උපවාසයේ යෙදෙන ආබාධිත රණවිරුවන්ට ජනාධිපති මන්දිරය, ගාලුපාර, අලියගහ මන්දිරය ,ලෝටස් පාර, ආරක්ෂක අමාත්‍යංශය,අගමැති කාර්යාලය සහ අගමැති ලේකම් කාර්යාලය යන ස්ථානයන්ට ඇතුළු වීම වළක්වාලමින් කොළඹ කොටුව මහෙස්ත්‍රාත් රංග දිසානායක මහතා අද ( 18) තහනම් නියෝගයක් නිකුත් කළේය.

18 September 2019

පෙට්‍රල් ආනයනය සඳහා දිගුකාලීන කොන්ත්‍රාත්තුවකට එළඹීමට කැබිනට් අනුමැතිය

පෙට්‍රල් ආනයනය කිරිම සඳහා දිගුකාලීන කොන්ත්‍රාත්තුවකට එළඹීමට අමාත්‍ය මණ්ඩල අනුමැතිය හිමිව තිබේ.

18 September 2019

ලක්ෂ 90ක බීඩී කොළ තොගයක් කල්පිටි මුහුදු තීරයෙන් අත්අඩංගුවට

දකුණ ඉන්දියවේ සිට බෝට්ටු 03 හොර රහසේ කල්පිටිය මුහුදු තීරයට ගෙනවිත් ප්‍රවාහනයට සුදානම් කර තිබූ ලක්ෂ 90 ක් පමණ වටිනාකමකින් යුක්ත බව කියන බීඩි කොළ තොගයක් සමඟ එක් සැකකරුවකු සහ ලොරි රථය අත් අඩංගුවට ගත් බව කල්පිටිය පොලීස කියයි.

18 September 2019

27 වැනිදා අලුයම 5 ට සීගිරිය විවෘත කරයි

ලෝක සංචාරක දිනය නිමිතිකර ගෙන මේ මස 27 වන දින සීගිරිය නැරඹීම සඳහා අලුයම 5 ට සංචාරකයන්ට විවෘත කිරීමට මධ්‍යම සංස්කෘතික අරමුදල තීරණය කර තිබේ .

18 September 2019

තොරතුරු මාසයක් ප්‍රකාශයට පත්කෙරේ

‘ජාත්‍යන්තර තොරතුරු දැනගැනීමේ අයිතිවාසිකම් දිනය’ මෙම මස 28 වැනිදාට යෙදී ඇති අතර ඒ නිමිති කරගනිමින් ඉකුත් 15 වැනිදා සිට ලබන මස 15 වැනිදා දක්වා මාසය ‘තොරතුරු මාසය’ ලෙස ප‍්‍රකාශයට පත්කිරීමට රජය තීරණය කර තිබේ.

18 September 2019

සහරාන්ගේ කල්ලිය වළ දමා තිබූ ආයුධ තොගයක් හමුවෙයි

සහරාන්ගේ කල්ලිය විසින් අම්පාර ඔලුවිල පාලමුනේ ප්‍රදේශයේ වළ දමා තිබූ පුපුරණ ද්‍රව්‍ය ඇතුළු ආයුධ තොගයක් අද (18) සොයා ගනු ලැබීය.

18 September 2019

තාවකාලික, අනියම්, කොන්ත්‍රාත්‍ සේවකයින්ට ස්ථිර පත්වීම් සඳහා අනුමැතිය

රාජ්‍ය ආයතන සදහා තාවකාලික, අනියම් (දෛනික) , ආදේශක, කොන්ත‍්‍රාත් හෝ සහන පදනම මත බදවාගෙන සිටින සේවකයන්ට ස්ථිර පත්වීම් ලබාදීම සදහා අමාත්‍ය මණ්ඩල අනුමැතිය හිමිව තිබේ.

18 September 2019

කැළණිවැලි මාර්ගයේ දුම්රියක් පිලිපනී

කැළණිවැලි දුම්රිය මාර්ගයේ පුවක්පිටිය උප දුම්රිය ස්ථානය ආසන්නයේදී අද (18) දුම්රියක් පීලි පැනීමෙන් එම මාර්ගයේ ධාවනය වූ දුම්රිය රැසක් ප‍්‍රමාදව ධාවනය වූ බව දුම්රිය දෙපාර්මේන්තුව පවසයි.

18 September 2019

ආසියා ශාන්තිකර කලාපයේ අන්තර් රාජ්‍ය උපදේශක කමිටු සභාපති ධූරය ලංකාවට

එක්සත් ජාතීන්ගේ ආසියා ශාන්තිකර කලාපීය ආර්ථික හා සමාජ කොමිසමේ අන්තර් රාජ්‍ය උපදේශක කමිටුවේ සභාපති ධුරය ශ්‍රී ලංකාවට හිමිව ඇත.

17 September 2019

විද්වත් වෘත්තිකයින්ගේ සංගමයේ වාර්ෂික සම්මේලනය ජනපති ප්‍රධානත්වයෙන්

ශ්‍රී ලංකා විද්වත් වෘත්තිකයන්ගේ සංගමයේ වාර්ෂික සම්මේලනයේ සමාරම්භක සැසිය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් කොළඹ සිනමන් ලේක්සයිඞ් හෝටලයේදී අද (17) පස්වරුවේ පැවැත්විණි.

17 September 2019

ලක්ෂ 2 ක මාසික දීමනාව යළිත් වරක් ප්‍රතික්ෂේප කෙරෙයි

සංවර්ධන කමිටුවල සභාපතිවරුන් ලෙස කටයුතු කරන පාර්ලිමේන්තු මන්ත්‍රීවරුන්ට රුපියල් ලක්ෂ දෙකක මාසික දීමනාවක් ගෙවීමට අනුමැතිය ඉල්ලා ඉදිරිපත් කළ යෝජනාව අද (17) පැවැති කැබිනට් රැස්වීමේදී දෙවන වරටත් ප්‍රතික්ෂේප වී ඇත.

17 September 2019

රජයේ විධායක නිලධාරීන්ට විශේෂ දීමනාවක් ගෙවීමට යෝජනාවක්

ශ්‍රී ලංකා පරිපාලන සේවය ඇතුළු රජයේ විධායක ශ්‍රේණියේ නිලධාරීන් සඳහා රුපියල් 15,000 සිට 50,000 දක්වා මාසික දීමනාවක් ගෙවීමේ යෝජනාවක් අද (17) පැවැති කැබිනට් රැස්වීමට ඉදිරිපත් කරනු ලැබීය.

17 September 2019

ත්‍රස්තවාදය වැළැක්වීමේ පනත වෙනුවට ප්‍රතිතස්ත පනතක්

ත්‍රස්තවාදය වැළැක්වීමේ පනත අහෝසි කර ඒ වෙනුවට නව ප්‍රතිතස්ත පනතක් පාර්ලිමේන්තුවට ඉදිරිපත් කිරීමට රජය තීරණය කර ඇත.

17 September 2019

ගාමිණී ජයවික‍්‍රම ජනපති කොමිසම හමුවේ සාක්කි දෙයි

මහපොළ අරමුදල සතුව තිබූ මාළඹේ තොරතුරු තාක්ෂණ ආයතනය බදු ගිවිසුමකින් පෞද්ගලික සමාගමට පවරන අවස්ථාවේදී එම ගිවිසුමේ වැරදි තිබුණේ නම් එවකට අරමුදලේ සභාපති වශයෙන් සිටි හිටපු අගවිනිසුරු කේ.ශ්‍රී පවන් මහතාට එහි අඩුපාඩු පෙන්වා දිය යුතුව තිබූ බව අමාත්‍ය ගාමිණී ජයවික‍්‍රම පෙරේරා මහතා අද (17) ජනාධිපති කොමිසම හමුවේ සාක්කි දෙමින් පැවසීය.

17 September 2019

වැඩවර්ජනයට රජයේ වෛද්‍ය නිලධාරීන්ගේ සංසදයේ සහය නෑ

රජයේ වෛද්‍ය නිලධාරීන්ගේ සංගමය මගින් ක්‍රියාත්මක කරන වැඩවර්ජනයට රජයේ වෛද්‍ය නිලධාරීන්ගේ සංසදයේ කිසිඳු වෛද්‍යවරයකු සහභාගී නොවන බව එම සංසදයේ සභාපති වෛද්‍ය රුක්ෂාන් බෙල්ලන මහතා නිවේදනයක් නිකුත් කරමින් සඳහන් කරයි.

17 September 2019

ශ්‍රී ලන්කන් සමාගම ගොඩගන්න කැබිනට් රැස්වීමේදී අදහස් ඉල්ලයි

දැඩි මූල්‍ය අර්බුදයකට ලක්ව තිබෙන ශ්‍රී ලන්කන් ගුවන් සමාගම ගොඩනැගීමට යෝජනා ඇත්නම් ඉදිරිපත් කරන්නැයි ජනාධිපති මෛත්‍රීපාල සිරිසේන මහතා අද (17) පැවැති කැබිනට් රැස්වීමේදී ඇමැතිවරුන්ගෙන ඉල්ලීමක් කර ඇත.

17 September 2019

‘‘බලයට පත්වී වසරක් යන්නට පෙර අලුත් ව්‍යවස්ථාවක් ගේනවා‘‘

බලයට පත්ව වසරක් යන්නට මත්තෙන් උතුරු නැගෙනහිර අර්බුදයට විසඳුමක් සහිත නව ආණ්ඩුක්‍රම ව්‍යවස්ථාවක් නිසැකවම ගෙන එන බවට අග්‍රාමාත්‍ය රනිල් වික්‍රමසිංහ මහතා දෙමළ ජාතික සන්ධානය හමුවේ අද (17) ප්‍රකාශ කර තිබේ.

17 September 2019