එසැණ පුවත්

අධිකරණයෙන් පැන ගිය සැකකරුවකු පොලිස් වෙඩිපහරින් මරුට

සැකකරුවකු පොලිසියෙන් මිදී පලායාමට තැත්කිරීමේදී පොලිස් නිලධාරීන්ගේ වෙඩි තැබීමකින් අද(13) මිය ගොස් ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී රුවන් ගුණසේකර මහතා පැවසීය.

12 November 2019

නවක වදය දුන් සිසුන් 10 දෙනා රිමාන්ඩ්

ඌව වෙල්ලස්ස විශ්වවිද්‍යාලයේ සිසුන් පිරිසක නවකවදයට ලක් කළැයි සැකපිට අත්අඩංගුවට ගෙන සිටි එම විශ්වවිද්‍යාලයේ තෙවන වසරේ සිසුන් 10 දෙනා ලබන 13 වනදා දක්වා රක්ෂිත බන්ධනාගාර ගතකිරීමට අද(12) බදුල්ල මහේස්ත්‍රාත් අධිකරණයට ඉදිරිපත් කිරීමෙන් පසු වැඩබලන මහේස්ත්‍රාත් හේමින්ද දයාංවශ මහතා නියෝග කළේය.

12 November 2019

ජනාධිපතිධූර අපේක්ෂකයන් 35දෙනාම මැතිවරණ කොමිසමට කැඳවති

ජනාධිපති ධූර අපේක්ෂකයන් 35 දෙනාම හෙට(13) උදෑසන මැතිවරණ කොමිසමට කැඳවා ඇත.

12 November 2019

විශේෂ කාර්ය බළකායේ 3500 ක් ආරක්ෂක රාජකාරීවල

ජනාධිපතිවරණය පැවැත්වෙන ලබන 16 වැනිදා පොලිස් විශේෂ කාර්ය බළකායේ නිලධාරීන් 3500 ක් ආරක්ෂක කටයුතු සඳහා යෙදවීමට මැතිවරණ කොමිසම තීරණය කර ඇත.

12 November 2019

උපවාසයේ යෙදෙන හිමි නමට ෂෙයි ජින් නිකායේ විරෝධය

ජනාධිපති අපේක්ෂක ගෝඨාභය රාජපක්ෂ මහතාගේ පුරවැසිභාවය සම්බන්ධයෙන් උපවාසයක නිරත වන ඉඟුරුවත්තේ සුමංගල හිමියන්ගේ ක්‍රියාකලාපය තමන්වහන්සේ අනුමත නොකරන බවත්, තම නිකායේ දැඩි විරෝධය පළකරන බවත්, ෂෙයි ජින් නිකායේ මහනායක ඉඟුරුවත්තේ පියනන්ද හිමියෝ පැවැසූහ.

12 November 2019

කෝටි එකහමාරක කේරළ ගංජා සමඟ දෙදෙනෙකු අත්අඩංගුවට

කිලිනොච්චිය මුලන්කාවිල් ප්‍රදේශයේදී රුපියල් කෝටි එකහමාරකට අධික වටිනාකමින් යුත් කේරළ ගංජා සමඟ පුද්ගලයන් දෙදෙනෙකු අද(12) අත්අඩංගුවට ගත් බව පොලිස් මත්ද්‍රව්‍ය කාර්යාංශය කියයි.

12 November 2019

දේශපාලකයන් ප්‍රවාහනයට ගන්නා ගුවන් හමුදා යානා ගැන සොයන්නැයි මැතිවරණ කොමිසමට ඉල්ලීමක්

ගුවන් හමුදාවට අයත් හෙලිකොප්ටර් යානා මැතිවරණ ප්‍රචාරණ රැස්වීම්වලට ප්‍රවාහන පහසුකම් සඳහා යොදාගැනීමේදී මැතිවරණ කොමිසමේ නියෝග ඒ ආකාරයෙන්ම ක්‍රියාත්මක වන්නේදැයි ට්‍රාන්ස්පේරන්සි ශ්‍රී ලංකා ආයතනය මැතිවරණ කොමිසමෙන් ඉල්ලීමක් කර ඇත.

11 November 2019

ජනාධිපතිවරණය ගැන ඉන්දියාව විමසිල්ලෙන්

තවත් දින පහකින් පැවැත්වෙන ජනාධිපතිවරණය දෙස ඉන්දියාව විමසිල්ලෙන් බලා සිටී. චීනය සමඟ වැඩි හිතවත්කම් පවත්වන ගෝඨාභය රාජපක්ෂ මහතාත් වත්මන් පාලක පක්ෂය වන එක්සත් ජාතික පක්ෂයේ නියෝජ්‍ය නායක අමාත්‍ය සජිත් ප්‍රේමදාස මහතාත් ජනාධිපතිවරණයට ඉදිරිපත්ව සිටින අපේක්ෂකයෝ 35 දෙනෙක් අතුරින් ඉදිරියට පැමිණ සිටිති.

11 November 2019

ආණ්ඩුකාරවරු සිව්දෙනෙක් 18 තෙක් නිවාඩු ගන්වන්නැයි මහින්ද දේශප්‍රිය ජනපතිගෙන් ඉල්ලයි

ආණ්ඩුකාරවරුන් සිව්දෙනෙකු පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාගේ ජනාධිපතිවරණ ව්‍යාපාරය වෙනුවෙන් ප්‍රසිද්ධියේ කටයුතු කරන බැවින් ඔවුන් සිවුදෙනා ලබන 18 වැනිදා තෙක් තාවකාලිකව නිවාඩු ගන්වන්නැයි මැතිවරණ කොමිසන් සභාවේ සභාපති මහින්ද දේශප්‍රිය මහතා ජනාධිපති මෛත්‍රීපාල සිරිසේන මහතාගෙන් ඉල්ලීමක් කර ඇත.

11 November 2019

ජනපති-ඇමැති පෞද්ගලික කාර්යමණ්ඩල ස්ථිර කරන කැබිනට් පත්‍රිකා ඉවත් කරගනී

ජනාධිපතිවරයාගේ සහ අමාත්‍ය කැබිනට් නොවන අමාත්‍ය රාජ්‍ය සහ නියෝජ්‍ය අමාත්‍යවරුන්ගේ පෞද්ගලික කාර්ය මණ්ඩල ස්ථිර කිරිම අනුමැතිය ඉල්ලා ඉදිරිපත් කළ කැබිනට් පත්‍රිකා දෙකක් ජනාධිපති මෛත්‍රීපාල සිරිසේන මහතා විසින් අද (11) ඉවත් කරගනු ලැබීය.

11 November 2019

ජනතාව වෙනුවෙන් වැඩ කරන්න දැක්වූ සහයට ජනපතිගෙන් ඇමැති මණ්ඩලයට ස්තූතිය

ආණ්ඩුවේ ඇතැමුන් සමඟ මත ගැටුම් තිබුණද ගත වූ වසර පහකට ආසන්න කාලය තුළ ජනතාව වෙනුවෙන් කටයුතු කරන්නට දැක්වූ සහය පිළිබඳව ජනාධිපති මෛත්‍රීපාල සිරිසේන මහතා අද (11) පැවැති අවසන් කැබිනට් රැස්වීමේදී ඇමැති මණ්ඩලයට ස්තුතිය පළකර ඇත.

11 November 2019

‘‘තම ධූර කාලය තුළ ස්ත‍්‍රී දූෂකයන්ට - මිනී මරුවන්ට සමාවක් නෑ ‘‘

උසාවි මගින් වැරදිකරුවන් වී අච්චු කරනු ලැබූ ත‍්‍රස්තවාදීන්ට, කුඩු ජාවාරම්කරුවන්ට, මිනී මරුවන්ට, ස්ත‍්‍රී දූෂකයන්ට හා ළමා අපචාරකරුවන්ට සිය ධූර කාලය ඇතුළත කුමන ආකාරයකටවත් ජනාධිපති සමාව නොදෙන බව නව ප‍්‍රජාතන්ත‍්‍රවාදී පෙරමුණේ ජනාධිපති අපේක්ෂක සජිත් පේ‍්‍රමදාස මහතා ගල්ගමුවේදී පැවසීය.

11 November 2019

ශ්‍රී ලංකා ගුරු උපදේශන සේවාව නමින් වෙනමම සේවාවක්

‘‘ශ්‍රී ලංකා ගුරු උපදේශන සේවාව‘‘ නමින් වෙනම සේවාවක් ස්ථාපිත කිරීමට කැබිනට් මණ්ඩල අනුමැතිය හිමි වී තිබේ.අධ්‍යාපන අමාත්‍ය අකිල විරාජ් කාරියවසම් මහතා මේ සම්බන්ධයෙන් ඉදිරිපත් කර තිබූ කැබිනට් පත්‍රිකාවට අද (11) පැවැති කැබිනට් මණ්ඩල රැස්වීමේදී අනුමැතිය හිමි වී ඇත.

11 November 2019

ජූඩ් ශ්‍රමන්තට ජනපති සමාව දීම ගැන ජනාධිපති අපේක්ෂකයන්ගෙන් අදහස් විමසයි

ස්විඩන් ජාතික ඉවොන් ජොන්සන් නැමැති 19 හැවිරිදි තරුණිය ඝාතනය කිරිමේ චෝදනාවට වරදකරු වී ජීවිතාන්තය දක්වා සිර දඬුවම් විඳිමින් සිටි ජූඩ් ශ්‍රමන්ත ජයමහ නමැත්තාට ජනාධිපති සමාව දීම සම්බන්ධයෙන් සිරකරු අයිතිවාසිකම් සුරැකීමේ කමිටුව සියලුම ජනාධිපති අපේක්ෂකයන්ගෙන් ලිඛිතව තම මතය විමසා සිටින බව එහි සභාපති නීතිඥ සේනක පෙරේරා මහතා ‘ලංකාදීප’ යට අද (11) පැවැසීය.

11 November 2019

ආණ්ඩුකාරවරු ජනපති හමුවෙති

ජනාධිපති මෛත්‍රීපාල සිරිසේන මහතා සහ පළාත් ආණ්ඩුකාරවරුන් අතර සාකච්ඡාවක් ජනාධිපති කාර්යාලයේදී හමුවී ඇතැයි වාර්තාවේ.

11 November 2019

වැලිකඩ - අඟුණුකොලපැලැස්ස - බූස්ස බන්ධනාගාර නොසන්සුන්

රෝයල් පාර්ක් මිනීමැරුමේ මරුණ දඩුවම නියම වූ විත්තිකරුට දුන් ජනාධිපති සමාව තමන්ටද ලබාදෙන ලෙසට වැලිකඩ බන්ධනාගාරයේ සිරුකරුවන් දෙදෙනෙකු වහලයට නැඟීමත් සමඟම වැලිකඩ , අඟුණුකොලපැලැස්ස සහ බූස්ස බන්ධනාගාරවල ද මේ වන විට නොසන්සුන්තාවයක් හටගෙන ඇතැයි වාර්තාවේ.

11 November 2019

ජනාධිපතිවරණය වෙනුවෙන් පොලිස් නිලධාරීන් 60,175 ක්

ජනාධිපතිවරණයේ ආරක්ෂක රාජකාරි හා සමාන්‍ය රාජකාරි සඳහා පොලිස් නිලධාරීන් 60,175 දෙනකු යොදවා ඇති බව පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරි රුවන් ගුණසේකර මහතා පවසයි.

11 November 2019

වසන්ත කරන්නාගොඩ ඇතුළු 14 දෙනාගේ නඩුව විභාග කරන්න ත්‍රිපුද්ගල විනිසුරු මඬුල්ලක් ඉල්ලයි

කොළඹ කොටහේන හා තදාසන්න ප්‍රදේශ වල තරුණයින් 11 දෙනෙකු කප්පම් ලබාගැනීම සඳහා පැහැරගෙන ගොස් අතුරුදන් කිරීම සම්බන්ධයෙන් හිටපු නාවික හමුදාපති වසන්ත කරන්නාගොඩ මහතා ඇතුළු නාවික හමුදා නිලධාරීන් 14 දෙනෙකුට එරෙහි කොළඹ මහාධිකරණය හමුවේ නඩු පැවරූ නීතීපතිවරයා එම නඩුව විභාග කිරීම සඳහා ත්‍රිපුද්ගල මහාධිකරණ විනිසුරු මඬුල්ලක් පත් කරන ලෙස අගවිනිසුරුවරයාගෙන් අද (11) ඉල්ලීමක් කළේය.

11 November 2019

පොලිස් පරීක්ෂක වරුණී බෝගහවත්තගෙන් මැතිවරණ කොමිසමට පැමිණිල්ලක්

මාතර කොට්ඨාස ළමා හා කාන්තා කාර්යාංශයේ ස්ථානාධිපතිනිය ලෙස කටයුතු කළ පොලිස් පරීක්ෂක වරුණී බෝගහවත්ත මහත්මිය හදිසියේ ස්ථානමරු කර යවා ඇති බවට එම මහත්මිය විසින් මැතිවරණ කොමිසමට අද (11) පැමිණිල්ලක් ඉදිරිපත් කර තිබේ.

11 November 2019

‘‘ගෝඨාභය රාජපක්ෂට මගේ කනගාටුව‘‘

ශ්‍රී ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාට අපහාස වන ආකාරයෙන් කෝට්ටේ ප්‍රදේශයේ අත් පත්‍රිකාවක් බෙදීමේ සිදුවීම ගැන තමා ගෝඨාභය රාජපක්ෂ මහතාට කණගාටුව පළ කරන්නේ යැයි පොදු සැපයුම් හා ආර්ථික ප්‍රතිසංස්කරණ ඇමැති හර්ෂ ද සිල්වා මහතා ‘ලංකාදීප’ යට අද (11) පැවැසීය.

11 November 2019

ජනාධිපති ආරක්ෂක අංශයේ රථගාලේ ගින්න ගැන සීඅයිඩීයෙන් පරීක්ෂණ

කොටුව පිහිටි ජනාධිපති ආරක්ෂක අංශයේ නිලධාරීන්ගේ බැරැක්කයට අයත්, පොද්ගලික රථගාලේ සිදු වූ ගින්න සම්බන්ධයෙන් පරීක්ෂණ පැවැත්වීමට අපරාධ පරීක්ෂණ දෙපාර්තමේන්තුවට පවරා ඇත.

11 November 2019

කොටුව-මහනුවර සතිඅන්ත දුම්රිය හෙටත්

සතිඅන්තයේ ප.ව. 5.20ට කොළඹ කොටුව සිට මහනුවර බලා යන අංක 1033 දරණ දුම්රිය හෙට(12) දිනයේද එම වේලාවටම කොටුව දුම්රිය ස්ථානයෙන් ගමන් ආරම්භ කරන බව දුම්රිය දෙපාර්තමේන්තුව පවසයි.

11 November 2019

ඇමැති පාඨලීගෙන් රාජපක්ෂවරුන්ට අභියෝගයක්

වත්මන් රජය බලයට පත්වීමෙන් පසු රටේ බිම් අඟලක් හෝ විදේශීකයින්ට සින්නක්කරව ලබාදී ඇත්නම් ඒ බව ඔප්පු කරන්නැයි තමන් රාජපක්‍ෂවරුන්ට අභියෝගය කරන බව ජාතික හෙළ උරුමයේ මහලේකම්, මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.

11 November 2019

ඔක්තෝබර් 14 සිට නොවැම්බර් 8 තෙක් අපේක්ෂකයින්ගේ වියදම කෝටි 169 ක්

ජනාධිපතිවරණ අපේක්ෂකයන් සිය ප්‍රචාරක කටයුතු වෙනුවෙන් ඉකුත් ඔක්තෝබර් 14 සිට නොවැම්බර් 8 දක්වා කාලය තුළ රුපියල් කෝටි 169 ක් වැය කර ඇතැයි මැතිවරණ ප්‍රචණ්ඩ ක්‍රියා නිරීක්ෂණ මධ්‍යස්ථානය (CMEV) පවසයි.

11 November 2019

ක්‍රීඩා වැරදි වැළැක්වීමේ පනත් කෙටුම්පත සම්මතයි

ක්‍රීඩාවලට සම්බන්ධව වැරදි වැළැක්වීමේ පනත් කෙටුම්පත පාර්ලිමේන්තුවේදී අද(11) සංශෝධන රහිතව සම්මත විය.

11 November 2019

මන්ත්‍රීවරු පාර්ලිමේන්තුව මගහරිති

හදිසි රැස්වීමක් කැඳවා තිබුණද, පාර්ලිමේන්තු ආණ්ඩු පක්ෂයේ හා විපක්ෂයේ බොහෝ ආසන හිස්ව පවතිනු අද(11) දක්නට ලැබිණි.

11 November 2019

ජනපතිවරණය නිරීක්ෂණයට විදේශීය කණ්ඩායම් හෙට සහ අනිද්දා ලංකාවට

ලබන 16 දා පැවැත්වෙන ජනාධිපතිවරණය නිරීක්ෂණය කිරිම සඳහා 17 දෙනෙකුගෙන් සමන්විත විදේශීය නිරික්ෂක කණ්ඩායමක් හෙට (12) සහ අනිද්දා (13) මෙරටට පැමිණෙන බව මැතිවරණ කොමසාරිස් ජනරාල් සමන් ශ්‍රී රත්නායක මහතා පැවසීය.

11 November 2019

එස්.බී.ගේ ආරක්ෂක නිලධාරීන් තවදුරටත් රිමාන්ඩ්

තරුණයන් දෙදෙනෙකුට වෙඩිතබා තුවාල කළේ යැයි කියන සිද්ධියක් සම්බන්ධයෙන් සැකපිට අත්අඩංගුවට ගෙන රක්ෂිත බන්ධනාගාර ගත කළ, මහනුවර දිස්ත්‍රික් පාර්ලිමේන්තු මන්ත්‍රී එස්.බී. දිසානායක මහතාගේ ආරක්ෂක නිලධාරීන් දෙදෙනා නොවැම්බර් 25 දක්වා යළිත් රක්ෂිත බන්ධනාගාර කිරීමට අද (11) හැටන් දිසා විනිසුරු සහ මහෙස්ත්‍රාත් ජෙ.ස්ට්‍රොස්කි මහතා අද නියෝග කළේය.

11 November 2019