එසැණ පුවත්

කාලගුණයෙන් අනතුරු ඇඟවීමක්

ඉදිරි පැය 36 තුළ දිවයිනේ ප්‍රදේශ කිහිපයකට තද වැසි සහ තද සුළං ඇති විය හැකි බවට කාලගුණ විද්‍යා දෙපාර්තමේන්තුව අනතුරු ඇඟවීමක් නිකුත් කළේය.

30 May 2025

සුළඟින් නාගොඩටත් බර හානි

නාගොඩ වඳුරඹ යටලමත්ත මාපලගම ප්‍රදේශ හරහා අද සවස හමා ගිය දැඩි සුළඟකින් ගාල්ල නාගොඩ ප්‍රාථමික විද්‍යාලය ඉදිරිපිට තිබූ විශාල ප්‍රමාණයේ ගස් දෙකක් ගොඩනැගිල්ලකට සහ පාසල් ප්‍රධාන බැම්මට කඩා වැටීම හේතුවෙන් දැඩි ලෙස අලාභ හානි සිදු වී තිබූ ආකාරය දක්නට ලැබිණි.

30 May 2025

උඩරට දුම්රිය මාර්ගයේ දුම්රිය ධාවනයට බාධා

ගලබඩ සහ වටවල දුම්රිය ස්ථාන අතර දුම්රිය මාර්ගයට ගස් කඩා වැටීම නිසා උඩරට මාර්ගයේ දුම්රිය ධාවනයට මේ වන විට බාධා මතුව ඇති බව දුම්රිය දෙපාර්තමේන්තුව උසස් නිලධාරියෙක් අද (30) රාත්‍රී පැවසීය.

30 May 2025

කෝටි 1000ක් වංචා කළ කතක රිමාන්ඩ්

ලක්‍ෂ පහකට රැකියා ලබා දෙන බවට ප්‍රචාරය කරමින් රැකියා විරහිත තරුණ තරුණියන් රවටා රුපියල් කෝටි දාහකට ආසන්න මුදලක් වංචා කළේ යැයි කියන පිළිමතලාවේ ප්‍රොකෙයාර් පුද්ගලික සමාගමේ අධ්‍යක්ෂවරියක ලබන 02 දින දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් තනුජා ලක්මාලී මහත්මිය මහත්මිය අද(30) නියෝග කළාය.

30 May 2025

බැංකු මුදල් අයකැමි බැංකුවේ කෝටි 13ක් ඩේලි පොලියට දීලා

රාජ්‍ය බැංකුවක කඩුවෙල ශාඛාවේ මුදල් අයකැමිවරයකු බැංකුවේ තිබූ රුපියල් කෝටි දහතුනහමාරක මුදලක් දෛනික පොලී ලබා ගැනීමේ අරමුණින් විවිධ බැංකුවල ගිණුම් සදහා මුදල් බැර කිරීමේ සිද්ධියක් සම්බන්ධයෙන් අත්අඩංගුවට ගත් බව කඩුවෙල පොලිසිය පවසයි.

30 May 2025

සෙවනගල උක් ගොවීන්ගේ තිත්ත කතාව

සෙවනගල ලංකා සීනි සමාගමේ කර්මාන්ත ශාලාවට උක් අස්වැන්න මිලදී නොගැනීමෙන් උක් ගොවිතැනේ නියැලෙන ගොවි පවුල් 4000 සාමාජිකකයන් 10,000 අධික ප්‍රමාණයක් දැඩි දැඩි අසීරුතාවයට පත්වී සිටින බව උක් ගොවීහු පවසති.

30 May 2025

වර්ෂාවෙන් පුද්ගලයන් 1757ක් අමාරුවේ

අධික වර්ෂාව සහ දැඩි සුළං තත්වය හේතුවෙන් දිස්ත්‍රික්ක 9 ක පවුල් 485 කට අයත් පුද්ගලයන් 1,757 ක් ආපදාවට පත්ව ඇතැයි ආපදා කළමනාකරණ මධ්‍යස්ථානය අද (30) පැවසීය.

30 May 2025

ලොකු පැටීගේ ගිනි අවියක් සොයා ගනී

පුද්ගල ඝාතන , ගිනි අවි සන්තකයේ තබා ගැනීම සහ මත්ද්‍රව්‍ය ජාවාරම ඇතුළු අපරාධ රැසකට සම්බන්ධව විදෙස් ගතව සැඟව සිටියදි අත්අඩංගුවට ගත් සංවිධානාත්මක අපරාධකරුවකු වන ලන්තුවා හන්දි සුජීව රුවන් කුමාරද සිල්වා නොහොත් ලොකු පැටි නමැත්තා ගෙන් සිදුකළ ප්‍රශ්න කිරීමේදී විදේශ රටක නිෂ්පාදිත පිස්තෝල ගිනි අවියක් සහ උන්ඩ 5 සොයා ගත් බව බස්නාහිර පළාත දකුණ දිසාව අපරාධ කොට්ඨාසය කියයි

30 May 2025

පාසල් සිසුන්ට බඹර ප්‍රහාරයක්

මුලතිව් ඔඩ්ඩුසුඩාන් මහ විද්‍යාලයේ ක්‍රීඩා තරඟයක් අතරතුර බඹරුන් දෂ්ඨ කිරීම හේතුවෙන් සිසුන් සහ ගුරුවරුන් ඇතුළු 43 දෙනකු අද දහවල් රෝහල්ගත කොට ඇතැයි මුලතිව් ආපදා කළමනාකරණ ඒකකය පවසයි.

30 May 2025

’’අපරාධ රාජ්‍යය’’ හොඳ රටක් කරනවා

දේශපාලන රැකවරණය මත ගොඩනැගී තිබූ අපරාධ රාජ්‍ය වෙනුවට ලංකාව ලෝකය හමුවේ යහපත් රටක් කරන වගකීම දිවි හිමියෙන් ඉටු කරන බව ජනාධිපති අනුර කුමාර දිසානායක මහතා පැවසීය.

30 May 2025

ඩී.අයි.ජීට දුන් බලය ඒ.එස්.පීට මාරුකරයි

ජාතික පොලිස් කොමිෂන් සභාව පොලිස්පතිවරයාගේ ඉල්ලීමකට අනුව නියෝජ්‍ය පොලිස්පතිවරුන්ගේ 2023 වසරේ ජූලි මස පැවරූ එම කොමිසම සතු බලතල සංශෝධනය කරමින් අතිවිශේෂ ගැසට් නිවේදන දෙකක් අද (30) ප්‍රසිද්ධ කළේය.

30 May 2025

කොලොන්නාවේ වැසි සුළං ආපදාවලට කඩිනම් සහන

වැසි හා සුළි සුළං හේතුවෙන් කොලොන්නාව ප්‍රදේශයේ ආපදාවන්ට ලක්ව ඇති ස්ථාන නිරීක්ෂණය කිරීම සඳහා කොලොන්නාව ප්‍රාදේශීය සම්බන්ධීකරණ කමිටු සභාපති, තරුණ කටයුතු නියෝජ්‍ය අමාත්‍ය එරංග ගුණසේකර මහතා අද එහි ගියේය.

30 May 2025

කොළඹ ’’ඇළ’’ ලස්සන කරන වැඩ අරඹයි

ජගත් පරිසර දිනයට සමගාමීව “ක්ලීන් ශ්‍රී ලංකා” වැඩසටහන හා එක්ව කොළඹ සහ අවට ප්‍රදේශවල ඇළ මාර්ග හා ඒ ආශ්‍රිත පරිසරය පිරිසිදු කිරීමේ වැඩසටහනේ සමාරම්භය නාගරික සංවර්ධන, ඉදිකිරීම් හා නිවාස අමාත්‍ය අනුර කරුණාතිලක මහතාගේ ප්‍රධානත්වයෙන් පැවැත්විණි.

30 May 2025

රජ්‍ය සේවක වැටුප් එන වසරේ අනිවාර්යෙන් වැඩි කරනවා‘‘

රජ්‍ය සේවක වැටුප් ලබන වසරේදී අනිවාර්යයෙන්ම වැඩි කරන බව වෘත්තීය අධ්‍යාපන නියෝජ්‍ය ඇමති නලින් හේවගේ මහතා පවසයි.

30 May 2025

මහින්දානන්ද නලින් හිරගෙදර මුද්‍රණ වැඩට?

බරපතළ වැඩ සහිතව සිර දඬුවම් නියම කෙරුණු මහින්දානන්ද අලුත්ගමගේ සහ නලින් ප්‍රනාන්දු හිටපු අමාත්‍යවරුන් බොහෝ දුරට බන්ධනාගාරයේ මුද්‍රණ අංශයේ සේවයේ යෙදවෙනු ඇතැයි බන්ධනාගාර ආරංචි මාර්ගවලින් දැනගන්නට ඇත.

30 May 2025

‘මැතිසබේ කෑම අපිට එපා’

වැඩි කෙරැණු මාසික කෑම බිල තමන්ට දරා ගත නොහැකි හෙයින් පාර්ලිමේන්තුවෙන් මින් ඉදිරියට කෑම නොගැනීමට තීරණය කර ඇතැයි සේවකයන් පිරිසක් එහි ප්‍රධානීන්ට ලිඛිතව දැනුම් දී ඇත.

30 May 2025

මරදාන දුම්රිය ස්ථානයේ වහල සුළඟට යයි

දෙපාර්තමේන්තුවේ ප්‍රාදේශීය ප්‍රවාහන කොළඹ කාර්යාලයේ වහලයක කොටසක් සුළගින් කැඩියාම හේතුවෙන් මරදාන ප්‍රවේශපත් නිකුත් කරන කාර්යාලට ජලය පතිත වීමෙන් මරදාන ප්‍රවේශපත් කාර්යාලයේ කටයුතුවලට බාධා පැමිණ තිබේ.

30 May 2025

කෝටි 47ක විදේශ දුම්වැටි විනාශ කරයි

නීති විරෝධීව මෙරටට රැගෙන ඒමට තැත් කිරීමේදී ශ්‍රී ලංකා අත්අඩංගුවට ගත් රුපියල් මිලියන 473 ක් හේවත් රුපියල් කෝටි 47 කට අධික වටිනා විදේශීය දුම්වැටි ලක්‍ෂ 31 ක් අද (30) විනාශ කළේය.

30 May 2025

ප්‍රධාන - කැලණිවැලි මාර්ගවල දුම්රිය ප්‍රමාදයක්

බේස්ලයින් හා නාරාහේන්පිට දුම්රිය ස්ථාන අතර දුම්රිය මාර්ගයට ගස් දෙකක් ස්ථාන දෙකකදී කඩා වැටීම හේතුවෙන් කැළණිවැලි මාර්ගයේ දුම්රිය ධාවනයට බාධා ඇති වී තිබෙන බව දුම්රිය දෙපාර්තමේන්තුවේ උසස් නිලධාරියෙක් අද (30) පැවසීය.

30 May 2025

ජාතික සෞඛ්‍ය සංවර්ධන කමිටුව රැස්වේ

නිදහස් සෞඛ්‍ය සේවාවේ අනාගත ප්‍රගමනය වෙනුවෙන් ජාතික සෞඛ්‍ය ප්‍රතිපත්ති සහ උපාය මාර්ග සංවර්ධනය සහ මඟපෙන්වීම සඳහා අවශ්‍ය සැලසුම් සකස් කර ගැනීම පිණිස පවත්වනු ලබන ’’ජාතික සෞඛ්‍ය සංවර්ධන කමිටුව’’ (NHDC) අද (30) සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් ශ්‍රී ලංකා පදනම් ආයතන ශ්‍රවණාගාරයේ දී රැස්විය.

30 May 2025

තුසිත හල්ලොලුව රිමාන්ඩ්

ජාතික ලොතරැයි මණ්ඩලයෙන් දී තිබු රුපියල් ලක්‍ෂ 4 1/2කට අධික වටිනාකමැති සන්නිවේදන භාණ්ඩ කීපයක් සාවද්‍ය පරිහරණය කළැයි කියන සිද්ධියක් සම්බන්ධයෙන් ඇප මත මුදාහැර සිටි ජාතික ලොතරැයි මණ්ඩලයේ හිටපු ක්‍රියාකාරි අධ්‍යක්‍ෂවරයකු වු තුසිත හල්ලොලුව මහතාගේ ඇප අවලංගු කළ කොටුව මහේස්ත්‍රාත් නිලුපුලී ලංකාපුර මෙනවිය ජුනි 02 වැනිදා දක්වා ඔහු රිමාන්ඩ් බාරයේ රඳවා තැබීමට අද (30) නියම කළාය.

30 May 2025

දෙමටගොඩ චමින්දට තවත් නඩුවක්

පුද්ගලයෙකුට වෙඩි තබා ඝාතනය කිරීම සම්බන්ධයෙන් චෝදනා ලැබ මරණීය දණ්ඩනය නියම වී සිටින මහා පරිමාණ මත්ද්‍රව්‍ය ජාවාරම්කාරයකු යැයි කියන චමින්ද රවී ජයනාත් හෙවත් දෙමටගොඩ චමින්දට අයථා අන්දමින් මුදල් ඉපවූයේ යැයි සඳහන් කරමින් කොළඹ වංචා විමර්ශන ඒකකය කොළඹ අතිරේක මහේස්ත්‍රාත් මංජුල රත්නායක මහතා ඉදිරියේ අද (30) නඩු පැවරීය.

30 May 2025

කුඩා යාත්‍රාවලට ධීවර කටයුතු තහනම්

හලාවත සිට කොළඹ හරහා ගාල්ල දක්වා සහ කන්කසන්තුරේ සිට මුලතිව් හරහා ත්‍රිකුණාමලය දක්වා වූ මුහුදු ප්‍රදේශවල කුඩා යාත්‍රාවලට ධීවර කටයුතු කිරීම තවදුරටත් තහනම් බවත් ධීවර හා ජලජ සම්පත් දෙපාර්තමේන්තුවේ අධ්‍යක්‍ෂ ජනරාල් සුසන්ත කහවත්ත මහතා පැවසීය.

30 May 2025

අබුඩාබි ’’තෙල් ලොක්කෝ’’ බලශක්ති ඇමති හමු ⁣වෙති

අබුඩාබි ජාතික තෙල් සමාගමේ (Abu Dhabi National Oil Company) නියෝජිතයන් සහ බලශක්ති අමාත්‍ය කුමාර ජයකොඩි, කම්කරු අමාත්‍ය සහ ආර්ථික සංවර්ධන නියෝජ්‍ය අමාත්‍ය අනිල් ජයන්ත ප්‍රනාන්දු යන මහත්වරුන් අතර සාකච්ඡාවක් අද (30) ජනාධිපති ලේකම් කාර්යාලයේදී පැවැත්විණි.

30 May 2025

ඖෂධ සැපයුම් බාධා අඩු කර ගන්න නව තීරණයක්

ඖෂධ සැපයුම් ජාලයේ පවතින ගැටලු නිසා ඇතිවන ඖෂධ සැපයීම්, බාධා අවම වන තෙක් හිඟ ඖෂධ ලබා ගැනීම සඳහා විදේශ රජයන්ගේ සහාය ඍජුවම ලබා ගැනීමට සෞඛ්‍ය හා ජනමාධ්‍ය අමාත්‍යංශය තීරණය කර ඇත.

30 May 2025

ගෘහස්ථ නොවන විදේශ රැකියා ලියාපදිංචියට නව නීතියක්

ගෘහස්ථ නොවන රැකියා සඳහා (Non Domestic Sector) ස්වයං මාර්ගයෙන් විදේශ ගතවීමේදී ශ්‍රි ලංකා විදේශ සේවා නියුක්ති කාර්යාංශයේ ලියාපදිංචිය ලබාගැනීමට පෙර එම රැකියා ගිවිසුම අදාල රටේ ශ්‍රී ලංකා තානාපති කාර්යාලය මගින් සහතික කිරීම අනිවාර්ය කිරීමට කාර්යාංශයේ අධ්‍යක්ෂක මණ්ඩලය විසින් තීරණය කර ඇති බව කාර්යාංශයේ සභාපති කෝශල වික්‍රමසිංහ මහතා පැවසීය.

30 May 2025

ගමේ පාසල් හතරක් ජනපති කාර්යාලයට

හෙවනකුඹුර, බද්දේගම, පොළොන්නරුව සහ වෑකන්දවෙල ප්‍රදේශයන්හි පාසල් හතරක ශිෂ්‍ය ශිෂ්‍යාවෝ පිරිසක් ජනාධිපති ලේකම් කාර්යාලය සහ ජනාධිපති මන්දිරය නැරඹීම සඳහා අද (30) පැමිණියහ.

30 May 2025

කෝටි ගණන් වංචා කළැයි පිරමීඩ සමාගමක අධ්‍යක්ෂක රිමාන්ඩ්

ජනතා මුදල් කෝටි ගණනින් වංචා කළේ යැයි කියන ’’ෆූගෝ ඔලින්’’ (Fruugo oline) නැමැති නීති විරෝධී පිරමීඩාකාර සමාගමේ මාස පහක කාලයක් අධ්‍යක්ෂක ධූරය දැරූ මනම්පිටියේ තරුණයකු ලබන 06 දින දක්වා රක්ෂිත බන්ධනගාරගත කිරීමට කොළඹ ප්‍රධාන මහේස්ත්‍රාත් තනුජා ලක්මාලී මහත්මිය අද (30) නියෝග කළාය.

30 May 2025