එසැණ පුවත්

රන්ජන් රූපවාහිනීය-පත්තර බලමින්

රිමාන්ඩ් භාරයේ පසුවන පාර්ලිමේන්තු මන්ත්‍රී රන්ජන් රාමනායක මහතා මැගසින් බන්ධනාගාරයේ ජී වාට්ටුවේදී රූපවාහිනිය නරඹමින් දිනපතා සහ සති අන්ත පුවත් පත් බලමින් කාලය ගතකරන බව එම බන්ධනාගාර ආරංචි මාර්ග අනාවරණය කරයි.

26 January 2020

දරිද්‍රතාව තුරන් කරන්න කාර්ය සාධක බළකායක්

ජනාධිපති ගෝඨාභය රාජපක්ෂ මහතා විසින් දරිද්‍රතාවය තුරන් කිරීම සහ ජීවනෝපාය සංවර්ධනය සඳහා කාර්ය සාධක බළකායක් පිහිටුවා තිබේ.

26 January 2020

චීනයේ වූහාන් නගරයේ ලාංකික සිසු සිසුවියෝ 30 ක්

නව කොරෝනා වෛරසය ව්‍යාප්ත වෙමින් පවතින චීනයේ වූහාන් නගරයේ රැදී සිටිනුයේ ලාංකික සිසු සිසුවියන් 25ක් හෝ 30 ත් අතර පිරිසක් පමණක් යැයිද විදේශ සබඳතා අමාත්‍යාංශ ආරංචි මාර්ග සඳහන් කර සිටී.

26 January 2020

මක්කම වන්දනා ගාස්තු රජයේ මැදිහත්වීමෙන් අඩුකෙරේ

මෙතෙක් පෞද්ගලික සංචාරක සංවිධාන ආයතන මගින් සංවිධානය කරන ලද මක්කම හජ් වන්දනා කටයුතු ඉතා අඩු මුදලකට මේ වසරේ සිට රජයේ මෙහෙයවීමෙන් සංවිධානය කිරීමට ශ්‍රී ලංකා හජ් වන්දනා කමිටුව පියවර ගෙන ඇත.

26 January 2020

“ප්‍රධාන පක්ෂ දෙකෙන් කුමක් බලයට ආවත් හොරුන්ට දඬුවම් ලැබෙන්නෑ”

“ප්‍රධාන පක්ෂ දෙකේම නායකයෝ හොඳ මිතුරෝ. ඒ අයට ඩීල් තියෙනවා. ඒ නිසා නිසා ඔය පක්ෂ දෙකෙන් කොයි එක බලයට ආවත් කිසිම හොරෙකුට, මීනිමරුවෙකුට දඬුවම් ලැබෙන්නේ නැහැ” යැයි එක්සත් ජාතික පක්ෂයේ පාර්ලිමේන්තු මන්ත්‍රිනී හිරුණිකා ප්‍රේමචන්ද්‍ර මහත්මිය අද (26) පැවසුවාය.

26 January 2020

ඇතැම් විමර්ශනවලට දේශපාලන බලපෑම් එල්ලවූ බව හිටපු පොලිස්පති කියයි

සමහර සිද්ධීන් සම්බන්ධයෙන් පොලිසිය කරන විමර්ශන වලදී අනවශ්‍ය දේශපාලන බලපෑම් එල්ල වූ අවස්ථා ඇතැයි අනිවාර්ය නිවාඩු ගන්වා සිටින පොලිස්පති පුජිත් ජයසුන්දර මහතා පාස්කු ප්‍රහාරය සම්බන්ධයෙන් සොයා බැලීමට පත් කළ ජනාධිපති විමර්ශන කොමිෂන් සභාව හමුවේ සාක්කි දෙමින් පැවසීය.

26 January 2020

අයි.ඩී.එච්. රෝහලට තවත් දෙදෙනෙක්

චීනයේ සිට මෙරටට පැමිණි, උණ සහ සෙම්ප්‍රතිශයාව වැනි රෝග ලක්ෂණ සහිත චීන කාන්තාවන් දෙදෙනාට අමතරව, තවත් රෝගීන් දෙදෙනෙකු මේ වනවිට අයි.ඩී.එච්. (උණ රෝහලේ) විශේෂ ඒකකයේ රඳවා ප්‍රතිකාර සහ පරීක්ෂණ සිදුකරන බව එම රෝහලේ අධ්‍යක්ෂ වෛද්‍ය හසිත අත්තනායක මහතා ලංකාදීපයට පැවසීය.

26 January 2020

චීන කතක් ඇතුළු කතුන් දෙදෙනෙකු අයි.ඩී.එච්. රෝහලට

කොරෝනා වෛරසය ඇති බවට සැකකරන කාන්තාවන් දෙදෙනෙකු කොළඹ අයිඩීඑච් උණ රෝහලට ඇතුළත් කර තිබේ.

26 January 2020

රස පරීක්ෂක වාර්තා ප්‍රමාදයෙන් සැකකරුවෝ 6,000 ක් බන්ධනාගාරයේ

රස පරීක්ෂක වාර්තා ප්‍රමාදයකින් මත්කුඩු චෝදනා මත සැකකරුවන් 6,000 ක් පමණ බන්ධනාගාරගතවී සිටින බව බන්ධනාගාර ආරංචිමාර්ග කියයි.

26 January 2020

භාණ්ඩ ප්‍රවාහන දුම්රියක් පීලි පනී:උඩරට මඟේ ගමනාගමනයට බාධා

මහනුවර සිට බදුල්ල දක්වා ධාවනය වූ භාණ්ඩ ප්‍රවාහන දුම්රියක් පීලිපැනීමෙන් උඩරට දුම්රිය ධාවනයට බාධා පැමිණ ඇති බව නාවලපිටිය දුම්රිය පාලක මැදිරිය පවසයි.

26 January 2020

කොළඹට එන සියලු දෙනාට මුඛ ආවරණ පළඳින්නැයි ඉල්ලයි

කොරෝනා වෛරසය හේතුවෙන් කොළඹට පැමිණෙන සියලුම ජනතාවට මුඛ ආවරණයක් (මාස්ක්) පළඳින ලෙස ඉල්ලා සිටින බව කොළඹ ප්‍රධාන සෞඛ්‍ය වෛද්‍ය නිලධාරී වෛද්‍ය රුවන් විජේමුණි මහතා පැවසීය.

26 January 2020

චීනයේ වෙසෙන ලාංකික සිසුන් ගෙන්වන්නැයි ජනපතිගෙන් උපදෙස්

කොරෝනා වෛරසයෙන් වසා දැමුණු චීනයේ වූහාන් නගරයේ මේ වන විට සිටින ශ්‍රී ලාංකික සිසුන් සියලු දෙනා ගෙන්වා ගැනීමට පියවර ගන්නැයි ජනාධිපති ගෝඨාභය රාජපක්ෂ මහතා බලධාරීන්ට උපදෙස් දී තිබේ.

26 January 2020

විශේෂ අවශ්‍යතා සහිත දරුවන් සඳහා ජාතික මධ්‍යස්ථානයක්

විශේෂ අවශ්‍යතා සහිත දරුවන් සඳහා සායනික ප්‍රතිකාර පිණිස වන මෙරට ප්‍රථම ජාතික මධ්‍යස්ථානය රාගම වෛද්‍ය පීඨ පරිශ්‍රයේදී ජනාධිපති ගෝඨාභය රාජපක්ෂ මහතා අතින් අද (25) විවෘත කෙරිණි.

25 January 2020

'වැදි භාෂාව' කෘතිය එළිදකි

මහියංගන දඹාන ගුරුකුල විදුහලේ ආචාර්ය දඹානේ ගුණවර්ධන මහතා විසින් රචිත ’වැදි භාෂාව’ නැමති කෘතිය දොරට වැඩුම බදුලු ජාත්‍යන්තර පොත් වසන්ත ප්‍රදර්ශනයේදි අද (25) සවස සිදුවිය.

25 January 2020

විදුලිය අරපිරිමැස්මෙන් පාවිච්චි කරන්න

මේ වන විට ජල විදුලිබල උත්පාදනය ඉතා සීඝ්‍රයෙන් පහළ වැටී ඇති හෙයින් විදුලිබලය අරපිරිමැස්මෙන් පාවිචිචි කරන්නැයි රටේ ජනතාවගෙන් ඉල්ලීමක් කරන බව විදුලිබල අමාත්‍ය මහින්ද අමරවීර මහතා අද (25) පැවසීය.

25 January 2020

බස් - ටිපර් අනතුරකින් 11කට තුවාල

කිළිනොච්චියේ කණ්ඩාවලෙයි මුරුසමුට්ටේයි ප්‍රදේශයේදී අද (25) දහවල් පෞද්ගලික බස් රථයක ටිපර් රථයක් ගැටීම නිසා පුද්ගලයින් 11 දෙනෙකු තුවාල ලබා ඇති බවට කිලිනොච්චිය ධර්මපුරම් පොලීසිය පවසයි.

25 January 2020

දරුවාට පහරදී පාලම යටට දමන්න හැදූ පියා අත්අඩංගුවට

සිය 3 හැවිරිදි දරුවාට කුරීරු ලෙස පහර දීමට තැත්කළ පියෙකු මේ මස (28) වැනිදා දක්වා රක්ෂිත බන්ධනාගාර ගත කරන ලෙස බලන්ගොඩ වැඩ බලන මහෙස්ත්‍රාත් එමි.එන්.එස්. මැණිකේ මහත්මිය අද (25) නියෝග කළාය.

25 January 2020

තුර්කියේ භූමිකම්පාවකින් 21 ක් මියගොස් 1000 කට තුවාල

නැගෙණහිර තුර්කියේ සිදුවූ භූමිකම්පාවකින් 21 දෙනකු මියගොස් 1000 කට වැඩි පිරිසක් තුවාල ලබා තිබේ. කඩා වැටුණු ගොඩනැඟිලි අතර තවත් සිරවී සිටින අය ඇත්ද යන්න සහන කණ්ඩායම් සොයමින් සිටිති.

25 January 2020

'කසළ කළමනාකරණයට ආයෝජනය කරන්න රටවල් රැසකින් ඉල්ලීම් තියෙනවා'

කැනඩාව, කොරියාව සහ ජපානය යන රටවල්වල ආයෝජකයින් විශාල පිරිසක් මෙරට කසළ කළමනාකරණය සඳහා විශාල වශයෙන් ආයෝජනය කිරීමට සූදානමින් සිටින බව ආයෝජන ප්‍රවර්ධන රාජ්‍ය අමාත්‍ය ආචාර්ය කෙහෙළිය රඹුක්වැල්ල මහතා කීය.

25 January 2020

භාවිතයට නුසුදුසු තිරිඟුපිටි ඇසුරුම්කළ ගබඩාවක් වටලයි

ගුල්ලන් පණුවන් සහ වෙනත් කෘමීන් ගහන ව පැවැති තිරිඟු පිටි තොගයක් කෘමිනාශක ස්ප්‍රේ කිරීමකින් පසුව සල්ලඩ කොට නැවත වෙළඳ පලට යැවීමට ඇසුරුම් කරමින් තිබූ දඹුල්ල ආර්ථික මධ්‍යස්ථානය ආසන්නයේ ගබඩාවක් සොයා ගැනීමට දඹුල්ල නගරාධිපති ජාලිය ඕපාත මහතාට අද (25) හැකිවී තිබේ.

25 January 2020

අහසින් වැටෙන දියබිඳ පොළව අභ්‍යන්තරයටම

මෙරට ඇති වී තිබෙන දේශගුණ කාලගුණ වෙනස්වීම මත මහ පොළොව අභ්‍යන්තරයේ ඇති ජලය ප්‍රමාණය විශාල වශයෙන් අවම වීම හේතුවෙන් අහසින් ලැබෙන ජලය කෘතිමව නැවත මහ පොළොවේ තැන්පත් කිරීමේ නව ක්‍රමවේදයක් වයඹ පළාත් භූගත ජල අංශය මගින් ආරම්භකර තිබේ.

25 January 2020

කැලණියේ ටයර් වෙළඳ සැලක ගින්නක්

කැලණිය 4 කණුව මන්සන්දියේ විශාල ටයර් වෙළඳසැලක් මීට ටික වේලාවකට පෙර ඇති වූ ගින්නකින් විනාශයට පත්විය.

24 January 2020

රන්ජන් බලන්න අමුත්තෝ නොපැමිණෙති

රිමාන්ඩ් භාරයේ පසුවන පාර්ලිමේන්තු මන්ත්‍රී රන්ජන් රාමනායක මහතා බැලීමට කොළඹ මැගසින් බන්ධනාගාරයට අමුත්තන් කිසිවෙකුත් නොපැමිණෙන බව එම බන්ධනාගාර ආරංචි මාර්ග අනාවරණය කරයි.

24 January 2020

‘ශ්‍රීලනිපය පොහොට්ටුවට විරුද්ධ නෑ’

එළඹෙන මහ මැතිවරණයේ දී ‘පොහොට්ටුව’ ලකුණින් තරඟ කරනවාට ශ්‍රී ලංකා නිදහස් පක්‍ෂය විරුද්ධ නැතැයි ශ්‍රී ලංකා නිදහස් පක්‍ෂ මධ්‍යම කාරක සභික පාර්ලිමේන්තු මන්ත‍්‍රී ශාන්ත බණ්ඩාර මහතා පැවසීය.

24 January 2020

හිටපු නාවික හමුදා මාධ්‍ය ප්‍රකාශක ඇතුළු 13 දෙනාට ඇප

කොළඹ කොටහේන හා තදාසන්න ප්‍රදේශ වල තරුණයින් 11 දෙනෙකු කප්පම් ලබාගැනීම සඳහා පැහැරගෙන ගොස් අතුරුදන් කිරීම සම්බන්ධයෙන් හිටපු නාවික හමුදා මාධ්‍ය ප්‍රකාශක ඩී.කේ.පී. දසනායක මහතා ඇතුළු නාවික හමුදා නිලධාරීන් 13 දෙනෙකුට එරෙහි අධිචෝදනා පත්‍ර බාරදුන් ත්‍රිපුද්ගල මහාධිකරණ විනිසුරු මඩුල්ල ඔවුන් කොන්දේසි සහිත ඇප මත මුදාහැරීමට අද (24) නියම කළේය.

24 January 2020

ජනාධිපතිවරයා තෝරා ගැනීමේ පනත සංශෝධනය කළ යුතුයි

එකම අදහස ඇති වගන්ති නිසා සිදුවන අර්බුද වළක්වා ගැනීමටත් වගන්තිවල ඇති පරස්පරතාව මඟ හරවා ගැනීමටත් ජනාධිපතිවරයා තෝරා පත් කරගැනීමේ පනත සංශෝධනය කළ යුතු යැයි යුරෝපා සංගම් මැතිවරණ නිරීක්ෂණ දූත කණ්ඩායම කොළඹදී අද (24) ප්‍රකාශ කළේය.

24 January 2020

නව විදුලි බලාගාර ඉදිනොකිරීම නිසා ලංවීමට දිනකට කෝටි 25 ක් පාඩුයි

පසුගිය රජය සමයේදී කිසිඳු නව විදුලි බලාගාරයක් ඉදිනොකිරීම නිසා ලංකා විදුලි බල මණ්ඩලයට දිනකට රුපියල් කෝටි 25ක පමණ පාඩුවක් සිදුවන බව මගී ප්‍රවාහන කළමනාකරණ, විදුලිබල හා බලශක්ති අමාත්‍ය මහින්ද අමරවීර මහතා ලංකාදීපයට පැවසීය.

24 January 2020

විදුලි සැර වැදී 17 හැවිරිදි තරුණයා මරුට

මහරගම වාහන සේවා ස්ථානයක සේවය කළ 17 හැවිරිදි තරුණයෙකුට විදුලි සැර වැදී අද (24) මියගොස් ඇතැයි මහරගම පොලිසිය පවසයි.

24 January 2020