එසැණ පුවත්

මගීන් 99ක් රැගත් පකිස්ථානු ගුවන් යානයක් කඩා වැටෙයි

පාකිස්ථාන ජාත්‍යන්තර ගුවන් සේවයට අයත් යානයක් කරච්චි නුවරදී අනතුරට ලක්වී ඇතැයි වාර්තා වේ. මගීන් 99 දෙනකු රැගත් මෙම ගුවන් යානයේ කාර්ය මණ්ඩලය 8 දෙනෙකි. ගුවන් යානය පකිස්ථානයේ ලාහෝර් නුවරින් ගුවන්ගතවී ඇත.

22 May 2020

විභාගයට නොගත් නඩු කිහිපයක් සෙනසුරාදා කැඳවයි

කොරෝනා වසංගත තත්ත්වය නිසා පසුගිය මාස දෙකකට ආසන්න කාලයක් තිස්සේ අධිකරණයේ කැඳවීමට නොහැකි වූ නඩු විභාග කිහිපයක් ඉදිරි සෙනසුරාදා දිනවලදී යළි කැදවීමට ශ්‍රේෂ්ඨාධිකරණය තීරණය කර ඇත.

22 May 2020

පෞද්ගලික ඉඩමක සායනික අපද්‍රව්‍ය පිළිස්සීමට ගිය තිදෙනකු අත්අඩංගුවට

පල්ලම නාගවිල ප්‍රදේශයේ පෞද්ගලික ඉඩමකට නීති විරෝධි ලෙස සායනික අප ද්‍රව්‍ය රැගෙන විත් පිලිස්සිමේ චෝදනාවට වතු හිමිකරු ඇතුළු තිදෙනෙකු අත් අඩංගුවට ගත් බව පල්ලම පොලිසිය කියයි.

22 May 2020

මුහමාලේ කෑලෑවකින් මිනිස් අස්ථි කොටස් -ගිනි අවි -කොටි ඇඳුම් හමුවෙයි

පලෙයි මුහමාලේ ප‍්‍රදේශයේ කැළෑබද ප‍්‍රදේශයක තිබී දිරාගිය මිනිස් අස්ථි කොටස් කිහිපයක්, ටී 56 ගිනි අවි 3ක් සහ එල් ටී ටී ඊ සංවිධානයේ සාමාජිකයින්ගේ නිළ ඇදුම් කිහිපයක් සොයාගෙන ඇතැයි පොලිස් මාධ්‍ය කොට්ඨාසය පවසයි.

22 May 2020

මූල්‍ය ආයතනයක බදුල්ලේ ශාඛාවට සීල් තියයි

මේ වන විට මූල්‍ය අර්බුදයකට ලක්ව ඇති මූල්‍ය සමාගමක බදුල්ල ශාඛාවටද අද (22)මහ බැංකුව විසින් සීල් තබන ලදි. පසුව ගනුදෙනුකරුවෝ එම ස්ථානයට පැමිණ නොසන්සුන් ලෙස හැසිරෙමින් තමන්ගේ තැන්පතු මුදල් හා ගිවිසගත් පොලිසිය ඉල්ලා හඬ නැගූහ .

22 May 2020

මැතිවරණ දිනයට එරෙහි පෙත්සම් අඟහරුවාදාත් කැඳවයි

ජුනි මස 20 වන දා පාර්ලිමේන්තු මැතිවරණය පැවැත්වීම සඳහා නිකුත් කර තිබෙන ගැසට් නිවේදනය සහ ජනාධිපතිවරයා විසින් පාර්ලිමේන්තුව විසුරුවා හරිමින් නිකුත් කර තිබෙන ගැසට් නිවේදනය අභියෝගයට ලක්කරමින් ගොනු කර තිබෙන මූලික අයිතිවාසිකම් පෙත්සම් 6 වැනි දිනයටත් වැඩිදුර සලකා බැලීම ලබන අඟහරුවාදා උදෑසන 10 තෙක් කල් තැබීමට ශ්‍රේෂ්ඨාධිකරණය තීන්දු කළේය.

22 May 2020

ගෙවන්න නියම කළ ලක්ෂ 10න් ගෙවා ඇත්තේ ලක්ෂයයි

පාස්කු ඉරිදා ප්‍රහාරයන්ට ගොදුරුව මියගිය කොළඹ ප්‍රදේශයේ පදිංචි පුද්ගලයන් 23 දෙනෙකුට ප්‍රාදේශීය ලේකම් කාර්යාලය විසින් අවමංගල්‍ය කටයුතු කර ගැනීම වෙනුවෙන් රුපියල් ලක්‍ෂය බැගින් දීමනා ලබා දී ඇතැත් ඔවුන්ට රුපියල් ලක්‍ෂ 10 බැගින් දීමනාවක් ලබා දීමට රජය තීරණය කළත් මෙතෙක් එම මුදල් ගෙවා නැති බවත් එම දීමනා ලබා දීමට අවශ්‍ය ලේඛන හානිපූර්ණ කාර්යාලයට ඉදිරිපත් කොට ඇති බවත් කොළඹ ප්‍රාදේශීය ලේකම් සුරංගි කාංචනා ගුණසේකර මහත්මිය පාස්කු ඉරිදා ප්‍රහාරය සම්බන්ධයෙන් සොයා

22 May 2020

අත්අඩංගුවට ගත් රක්ෂණ සංස්ථාවේ රහස්‍ය ලේකම්වරියට ඇප

ජාතික ආරක්ෂාව සහ මහජන සාමය කඩවන අයුරින් ආන්දෝලනාත්මක ලිපියක් සමාජ මාධ්‍ය ඡාලා මගින් ප‍්‍රචාරය වීමට සැලැස්වීයැයි අපරාධ පරීක්ෂණ දෙපාර්තමේන්තුව අත්අඩංගුවට ගත් ශ්‍රී ලංකා රක්ෂණ සංස්ථාවේ රහස්‍ය ලේකම්වරියක රුපියල් ලක්ෂ 5ක ශරීර ඇපයක් මත මුදා හැරිමට කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය නියෝග කළාය.

22 May 2020

තායිලන්තයේ සෞඛ්‍ය සම්බන්ධ හදිසි තත්ත්වය ජුනි අවසානය දක්වා දීර්ඝ කරයි

කොරෝනා වයිරස ව්‍යාප්තිය මැඩ පැවැත්වීම සඳහා පනවා ඇති හදිසි තත්ත්වය ජුනි මස අවසානය දක්වා පවත්වාගෙන යෑමට තායිලන්ත බලධාරීහු තීරණය කර තිබේ.

22 May 2020

කොළඹ කොටස් වෙළෙඳපොළේ ඓතිහාසික පිබිදීමක්

කොළඹ කොටස් වෙළෙඳපොළේ ‘එස් ඇන්ඩ් පී ශ්‍රී ලංකා 20’ මිල දර්ශකය ඊයේ (21) ඓතිහාසික වර්ධනයක් පෙන්නුම් කළේය.

22 May 2020

කතුන් තිදෙනාගේ මරණය ශ්වසන පද්ධතිය සිරවීමෙන් බව මරණ පරීක්ෂණයෙන් හෙළි වෙයි

කෝටිපති ව්‍යාපාරිකයකු බෙදා දීමට රැගෙන ආ රුපියල් දහසේ මුදල් ආධාර ලබා ගැනීමට ගොස් මියගිය කාන්තාවන් තිදෙනාම මියගොස් ඇත්තේ තෙරපීම නිසා ශ්වසන පද්ධතිය සිර වීමෙන් බව අධිකරණ වෛද්‍ය නිලධාරී රාවුල් හක් මහතා පශ්චාත් මරණ පරීක්ෂණයෙන් අනතුරුව තීරණය ලබා දුන් බව මාලිගාවත්ත පොලිසිය කියයි .

22 May 2020

මුදල් බෙදන්න ගිය කෝටිපති ව්‍යාපාරිකයා ඇතුළු පුද්ගලයන් 7 දෙනා රිමාන්ඩ්

රාමසාන් උපවාසය නිමිත්තෙන් කෝටිපති ව්‍යාපාරිකයකු මාලිගාවත්ත ජුම්මා මස්හිද් පාරේ ගබඩා සංකීර්ණයක මුදල් බෙදා දීමට යාමේදී කාන්තාවන් තිදෙනෙක් තෙරපී මියයාම සම්බන්ධයෙන් අත්අඩංගුවට ගත් කෝටිපති ව්‍යාපාරිකයා ඇතුළු පුද්ගලයන් 7 දෙනා කොළඹ අලුත්කඩේ අංක 4 අධිකරණය වෙත ඉදිරිපත් කිරීමෙන් අනතුරුව ලබන මස 04 වෙනිදා දක්වා රිමාන්ඩ් බාරයේ තබන ලෙස අතිරේක මහේස්ත්‍රාත් කාංචනා නෙරංජි ද සිල්වා මහත්මිය නියෝග කළාය.

22 May 2020

මැතිවරණය තියන්න හැකි බව සෞඛ්‍ය සේවා අධ්‍යක්ෂ ජනපති ලේකම්ට දැනුම් දුන්නැයි උසාවියට කියයි

රටේ පවතින වත්මන් තත්ත්වය හමුවේ මැතිවරණ ක්‍රියාදාමය ආරම්භ කළ හැකි බවට සෞඛ්‍ය සේවා අධ්‍යක්ෂ ජනරාල් අනිල් ජාසිංහ මහතා විසින් තම සේවාදායක ජනාධිපති ලේකම්වරයාට දැනුම් දී තිබෙන බව ජනාධිපති නීතීඥ රොමේෂ් ද සිල්වා මහතා අද (22) ශ්‍රේෂ්ඨාධිකරණ පංච පුද්ගල විනිසුරු මඩුල්ල හමුවේ කරුණ දක්වමින් කියා සිටියේය.

22 May 2020

මැයි 24-25 රටටම ඇඳිරි නීතිය

මැයි 24 ඉරිදා සහ 25 සඳුදා දෙදින දිවයින පුරා ඇඳිරි නීතිය ක්‍රියාත්මක කෙරෙන බව ජනාධිපති මාධ්‍ය අංශය නිවේදනයක් නිකුත් කරමින් පවසයි.

22 May 2020

ගත වූ පැය 24 දී ඇඳිරිය කඩ කළ 528 ක් අත්අඩංගුවට

අද සිකුරාදා(22) උදෑසන හයෙන් අවසන්වූ ගතවූ පැය 24ක කාලය තුළ ඇඳිරිනීතිය උල්ලංඝනය කිරීම සම්බන්ධයෙන් පුද්ගලයින් 528 ක් අත්අඩංගුවට ගෙන වාහන එකසිය පනහක් පොලිස් භාරයට ගත් බව පොලිස් මාධ්‍ය ප්‍රකාශක කාර්යාලය පවසයි.

22 May 2020

කොරෝනා නීති කඩා රෝන්දෙ යන අමනයෝ

නිරෝධායන නීති උල්ලංඝනය කරමින් යතුරුපැදි දෙකකින් කොළඹ සිට කතරගමට පැමිණ කතරගම ප්‍රදේශයේ සැරිසරමින් සිටිය දී කතරගම පොලිසිය විසින් අත්අඩංගුවට ගනු ලැබූ සිව්දෙනකු තිස්සමහාරාම අධිකරණයට ඉදිරිපත් කිරීමෙන් පසු එක් අයකුට රුපියල් 3000 බැගින් රුපියල් 12000ක දඩයක් නියම කළ දිසා විනිසුරු හා මහේස්ත්‍රාත් කාංචනමාලී සුසන්තා ගුණසේකර මහත්මිය කතරගම සෞඛ්‍ය නිලධාරීන්ගේ අධීක්ෂණය මත දින 21 ක් නිරෝධායනයේ යෙදෙන ලෙසට ද නියම කළ පුවතක් අප පුවත්පත ඉකුත් දා වාර්තා කළේය.

22 May 2020

කොරෝනා ආසාදිතයින් 1055 දක්වා ඉහළට

කොරෝනා අසාදිත මුළු රෝගීන් සංඛ්‍යාව 1055 ක් වන බව වසංගත රෝග විද්‍යා අංශය සඳහන් කරයි.

22 May 2020

78 අම්මාත් - 60 පුතාත් වස බී මියයති

කල්පිටිය පොලිස් බල ප්‍රදේශයේ මුසල්පිටිය ග්‍රාමයේ, මුස්ලිම් ජාතික 78 හැවිරිදි මවක හා ඇගේ 60 හැවිරිදි වැඩිමහල් පුතා අද (21 ) සන්ධ්‍යාවේ වස පානය කොට මිය ගොස් ඇතැයි කල්පිටිය පොලිසිය පවසයි. මිය ගොස් ඇති පුතා මඩ කළපුවේ පදිංචි විවාහකයෙකු වන අතර,ඔහු අද දින (21)උදෑසන සිය මෑණියන් දකින්නට මුසල්පිටිය පැමිණ ඇත.

21 May 2020

ට්‍රම්ප්ට එරෙහිව විරෝධතා

ඇමෙරිකා එක්සත් ජනපද ජනාධිපති ඩොනල්ඩ් ට්‍රම්ප් සහ එම පරිපාලනය ‘නව කොරෝනා වයිරසය’ හෙවත් ‘කොවිඩ්-19’ ගෝලීය වසංගතයට ප්‍රතිචාර දැක්වූ ආකාරය විවේචනය කරමින් එරට සිවිල් හා දේශපාලන සහ වැසියෝ පිරිසක් එකතු වී ඊයේ (20) ධවල මන්දිරය ඉදිරියේදී විරෝධතාවක නිරත වූහ.

21 May 2020

පොළොන්නරුවේ පමණක් වී කිලෝ කෝටි 20ක් තියෙනවා

යල කන්නයේ වීඅස්වනු නෙළන තෙක් අවශ්‍ය තරම් වී තොග රට තුළ තිබෙන බවත් එම නිසා රටින් සහල් ගෙන්වීමේ කිසිම අවශ්‍යතාවයක් නැතැයි ශ‍්‍රී ලංකා පොදුජන පෙරමුණේ පොළොන්නරුව දිස්ත‍්‍රික් හිටපු පාර්ලිමේන්තු මන්ත‍්‍රී රොෂාන් රණසිංහ මහතා අද(21) ප‍්‍රකාශ කළේය.

21 May 2020

’5000 දීමනාවේ මැයි මාසයට අදාළ මුදල ඉදිරි සතියේදී ලබාදෙනවා’

දෛනික ආදායම් අහිමි වූ පිරිස් වෙත ලබා දෙන රුපියල් 5000 දීමනාවේ මැයි මාසයට අදාළ මුදල ඉදිරි සතිය තුළ ලබා දීමට කටයුතු කරනු ලබන සෞඛ්‍ය ඇමැතිනී පවිත‍්‍රා වන්නිආරච්චි මහත්මිය පැවසුවාය.

21 May 2020

ලොව පුරා කොරෝනා ආසාදිතයන් සංඛ්‍යාව පනස් ලක්ෂය ඉක්මවයි

ලොවපුරා කොරෝනා ආසාදිතයන්ගේ සංඛ්‍යාව අද (21) පනස් ලක්ෂය ඉක්මවා ගියේය.

21 May 2020

වැලිසර කඳවුරේ සිටි 2193 ක් නිරෝධායනයට

වැලිසර නාවික හමුදා කඳවුර තුළ කොවිඞ් 19 වයිරසය ව්‍යාප්තිය පාලනය කිරීම සඳහා ආසාදිත සෙබළුන් සමීපව ඇසුරු කළ කඳවුර තුළ රැදී සිටි නාවික හමුදා සාමාජිකයින් 2193 දෙනකු නිරෝධායන මධ්‍යස්ථාන වෙත යොමු කර ඇතැයි යුද හමුදාපති ලූතිනන් ජනරාල් ශවේන්ද්‍ර සිල්වා මහතා අද (21) පැවසීය.

21 May 2020

බොලිවියානු සෞඛ්‍ය ඇමැති ධූරයෙන් ඉවතට

ඉහළ මිලක් ගෙවමින් ස්වසන සංවාතන යන්ත හෙවත් හුස්ම ගැනීම පහසු කරවන ‘වෙන්ටිලේටර්’ යන්ත්‍ර මිලදී ගැනීම සම්බන්ධයෙන් චෝදනා එල්ල වී ඇති සෞඛ්‍ය අමාත්‍ය මර්සෙලෝ නවාස් එම ධුරයෙන් නෙරපා දැමීමට බොලිවියානු නිලධාරීන් පියවර ගෙන ඇත.

21 May 2020

තෙරපීමෙන් මිය ගිය තිදෙනාගේ පශ්චාත් මරණ පරීක්ෂණය සම්බන්ධ වාර්තාවක් ඉදිරිපත් කරන්නැයි නියෝග

මාලිගාවත්ත ජුම්මා මස්ජිඞ් පාරේ නිවසක් අසල මුදල් බෙදා දීමේ සිද්ධියකදී තෙරපීමෙන් මිය ගිය කාන්තාවන් තිදෙනාගේ මෘත දේහ සම්බන්ධයෙන් පශ්චාත් මරණ පරීක්ෂණය සිදුකර ඒ සම්බන්ධයෙන් වාර්තාවක් ඉදිරිපත් කරන ලෙස කොළඹ අතිරේක මහේස්ත‍්‍රාත් කාංචනා නේරංජලා ද සිල්වා මහත්මිය කොළඹ ප‍්‍රධාන අධිකරණ වෛද්‍ය නිලධාරිවරයා වෙත අද (21) නියෝග කළාය.

21 May 2020

තරුණිය බේරාගන්න ජලාශයට පැන්න දෙදරු පියාගේ සිරුර හමුවෙයි

ඉහළ කොත්මලේ ජලාශයට පැන සිය දිවි හානි කර ගැනිමට තැත් කළ තරුණිය බේරා ගැනිමට උත්සහ කළ දෙදරු පියාගේ සිරුර එම ජලාශයේම තිබි (21) දින පස්වරුවේ පොලිස් ජිවිත ආරක්ෂක භටයින් සහ ප්‍රදේශවාසින් විසින් සොයා ගෙන ඇත.

21 May 2020

නගරාන්තර දුම්රිය දෙකක් හෙට ධාවනය කරයි

කොළඹ මහනුවර සහ බෙලිඅත්ත දක්වා නගරාන්තර දුම්රිය දෙකක් හෙට (22) පස්වරුවේ ධාවනය කිරීමට දුම්රිය දෙපාර්තමේන්තුව පියවර ගෙන ඇතැයි නියෝජ්‍ය සාමාන්‍යාධිකාරී වී.එස්. පොල්වත්තගේ මහතා පවසයි.

21 May 2020

රන්ජන් රාමනායක හෙට අපරාධ පරීක්ෂණ දෙපාර්තමේන්තුවට කැඳවයි

බුදු දහමට අපහාස වන අයුරින් අන්තර්ජාලය ඔස්සේ මාධ්‍ය සාකච්ඡාවක් පැවැත්වීමේ සිද්ධියක් සම්බන්ධයෙන් ප‍්‍රකාශයක් ලබා දීම සදහා හිටපු පාර්ලිමේන්තු මන්ත්‍රී රන්ජන් රාමනායක මහතාට හෙට (22) අපරාධ පරික්ෂණ දෙපාර්තමේන්තුව හමුවේ පෙනී සිටින ලෙසට දැනුම් දී ඇත.

21 May 2020