එසැණ පුවත්

මත්කුඩු ජාවාරම්කරුවන් 5 දෙනෙකු බුස්ස බන්ධනාගාරයට

බන්ධනාගාර ගණනාවක රඳවා සිටි ප්‍රබල ගනයේ සංවිධානාත්මක පාතාල අපරාධකරුවන් මෙන්ම, මත්කුඩු ජාවාරම්කරුවන් 5 දෙනෙකු බුස්ස විශේෂිත බන්ධනාගාරයේ රඳවා තැබීම සඳහා එහි රැගෙන ගොස් ඇතැයි එම බන්ධනාගාර ආරංචි මාර්ග අනාවරණය කරයි.

17 July 2020

මහජන සෞඛ්‍ය පරීක්ෂකවරු රාජකාරීවලින් ඉවත්වෙති

සිය සේවා කටයුතුවලින් අද(17) සිට ඉවත්වූ බව මහජන සෞඛ්‍ය පරීක්ෂක සංගමයේ ගම්පහ දිස්ත්‍රික් ශාඛා සභාපති, පරිපාලන මහජන සෞඛ්‍ය පරීක්ෂක සමින්ද සමරදිවාකර මහතා පැවසීය.

17 July 2020

ඉන්දියාවේ කොරෝනා ආසාදිතයන් ගණන ලක්ෂ 10 පනී

ඉන්දියාවෙන් වාර්තා වන කොරෝනා වයිරස ආසාදිතයන් ගණන ලක්ෂ 10 ඉක්මවා ගොස් ඇත.

17 July 2020

හෝමාගම පොලිසියේ 41 ඇතුළු 73 ක් නිරෝධායනයට

හෝමාගම සහකාර පොලිස් අධිකාරී කාර්යාලයේ සේවය කළ කාන්තා පොලිස් කොස්තාපල්වරියකට නව කොරෝනා රෝගය වැළඳීමත් සමඟ පොලිස් නිලධාරීන් 41 දෙනකු ඇතුළු 73 දෙනෙකු අද (17) නිරෝධායන මධ්‍යස්ථාන වලට යොමු කළ බව නුගේගොඩ පොලිස් කොට්ඨාසයේ උසස් පොලිස් නිලධාරියකු පැවැසීය.

17 July 2020

මන්නාරම් ගිය තැපැල් දුම්රිය සෙනරගත්ගම දී පිලී පනී

කොළඹ කොටුව සිට මන්නාරම බලා ධාවනය වූ රාත්‍රී තැපැල් දුම්රිය උතුරු දුම්රිය මාර්ගයේ සෙනරගත්ගම දුම්රිය ස්ථානය අසළ දී ඊයේ (16) රාත්‍රී 11.30ට පමණ පිලී පැනීමකට ලක්ව ඇතැයි ගල්ගමුව පොලිසිය කියයි.

17 July 2020

ඇමෙරිකාවෙන් කොරෝනා වයිරස ආසාදිතයන් 77,000ක්

ඇමෙරිකා එක්සත් ජනපදයෙන් දිනක් ඇතුළත වාර්තා වූ වැඩිම නව කොරෝනා වයිරස ආසාදිතයන්ගේ ගණන වාර්තා වූ බව ’ද නිව්යෝක් ටයිම්ස්’ පුවත්පත වාර්තා කරයි.

17 July 2020

ඇමැතින්ගේ කාර්යභාරය ශ්‍රේණිගත කිරීමේ යෝජනාව

අපේ රටේ සාමාන්‍ය සිරිත දේශපාලනඥයන් විසින් රටේ නිලධාරීන් ඇතුළු ජනතාවගේ වැඩ අධීක්ෂණය කිරීමය. ඔවුන්ගේ සම්මත මිණුම් දඬු මත පිහිටා ජනතාවගේ කාර්යභාරය පවා තක්සේරුවකට ලක් කිරීමය. එහෙත් එයට වඩා හාත්පසින්ම වෙනස් අලු‍ත් ක්‍රමවේදයක් පිළිබඳව පිවිතුරු හෙළ උරුමයේ නායක උදය ගම්මන්පිල මහතා පසුගියදා අලු‍ත් අදහසක් ප්‍රකාශ කර තිබිණි. ඊට අනුව මීළඟට බලයට පත්වන ආණ්ඩුවේ ඇමැතිවරුන්ගේ කාර්යසාධනය මාස 3කට වරක් ශ්‍රේණිගත කිරීම සිදුවිය යුතුය.

17 July 2020

මාස හයකට පසු චීන සිනමාහල් ඇරේ

කොවිඩ් නයින්ටීන් වසංගත තත්ත්වය හේතුවෙන් වසා දැමුණු චීනයේ සිනමා ශාලා ලබන සතියේ සිට නැවත විවෘත කිරීමට අවසර දී තිබේ.

17 July 2020

බ්‍රසීල ජනපතිට දෙවැනි වරටත් කොරෝනා

බ්‍රසීල ජනාධිපති ජායිර් බොල්සොනාරෝ මහතාට දෙවන වරටත් කොවිඩ් වයිරසය වැළඳී තිබේ.

17 July 2020

මැතිවරණ නීති උල්ලංඝනය කිරීමේ පැමිණිලි 3377 ක්

2020 මහ මැතිවරණයට අදාළව මේ දක්වා මැතිවරණ නීති උල්ලංඝනය කිරීම සම්බන්ධයෙන් පැමිණිලි 3377 ක් ලැබී ඇති බව මැතිවරණ කොමිසන් සභාව සඳහන් කරයි.

17 July 2020

ජාඇල පොලිස් ස්ථානාධිපතිට මාරුවීමක්

මැතිවරණ නීති උල්ලංඝනය කර ඇති බවට මැතිවරණ කොමිසමට විසින් පොලොන්නරුව හා ජාඇල පොලිස් ස්ථානාධිපතිවරුන්ට එරෙහිව මැතිවරණ කොමිසම වෙත කරන ලද පැමිණිල්ලකට අනුව ජාඇල පොලිස් ස්ථානාධිපතිවරයා පොලිස් මූලස්ථානය වෙත මාරුකර යැවීමට ජාතික මැතිවරණ කොමිසම තීරණය කර ඇත.

16 July 2020

ඉන්දියාවෙන් දිනකදී වයිරස ආසාදිතයන් 32,600ක්

ඉන්දියාවෙන් දිනක් ඇතුළත වාර්තා වූ වැඩිම නව කොරෝනා වයිරස ආසාදිතයන්ගේ ගණන අද (16) වාර්තා වූ අතර එම ගණන 32,695ක් ලෙස දැක්විණි.

16 July 2020

පදික වේදිකාවල නවත්වන වාහන වලට හෙට සිට දඬ

පදික වේදිකාවල සහ අනවසර ස්ථානවල නවත්වන වාහන වලට හෙට (17) සිට දඬ නියම කරන බව පොලිස් මූලස්ථානය පවසයි.

16 July 2020

බිහාරයට අඟුළු දමයි

නව කොරෝනා වයිරසය නැවත වරක් වේගයෙන් ව්‍යාප්ත වීමට පටන් ගැනීමත් සමඟ ඉන්දියාවේ ප්‍රාන්ත රැසක් මේ වනවිට දැඩි අර්බුදයකට මුහුණ පා ඇත.

16 July 2020

පී.සී.ආර්.පරීක්ෂණයට ලක්කළ රත්ගම 10 කට කොරෝනා නෑ

රත්ගම සෞඛ්‍ය වෛද්‍ය නිලධාරි කොට්ඨාශය තුළ පදිංචිකරුවන් 10 දෙනකු පී.සී.ආර්. පරීක්ෂණවලට ලක් කළබවත් අද (16) පස්වරුවේ ලැබුණු පී.සී.ආර්.පරීක්ෂණ වාර්තා අනුව ඉන් කිසිඳු අයෙකුට කොරෝනා වයිරසය ආසාදනය වී නොමැති බවට තහවුරුවී ඇති බව රත්ගම සෞඛ්‍ය වෛද්‍ය නිලධාරී වෛද්‍ය කමල් කොඩිකාර මහතා පවසයි.

16 July 2020

කොරෝනා ආසාදිත රෝගීන් ගණන 2687 ක් දක්වා ඉහළට

කොරෝනා ආසාදිත සමස්ථ රෝගීන් ගණන 2687 ක් දක්වා ඉහළ ගොස් ඇත.

16 July 2020

බූස්ස බන්ධනාගාරයේ රැඳවියන් පිරිසකට සිරකුටිවලින් පිටත රැඳි සිටීමට අවසර

බූස්ස විශේෂ බන්ධනාගාරයේ රඳවා සිටින විශේෂ ගණයේ පාතාල හා මත්ද්‍රව්‍ය ජාවාරම්කරුවන් පිරිසට උදෑසන සහ සවස පැය දෙක බැගින් සිරකුටිවලින් පිටත සිර වාට්ටුවේ රැඳී සිටීමට අවසර ලබාදී ඇතැයි එම බන්ධනාගාර ආරංචි මාර්ග සඳහන් කරයි.

16 July 2020

අනුරාධපුර පිච්චමල් පූජාව මෙවර නොපැවැත්වේ

කොළඹ, බෞද්ධාලෝක මාවතේ, සේරුවිල බෞද්ධ මධ්‍යස්ථානයේ ශාන්ති පදනම මගින් අනුරාධපුරයේදී වාර්ෂිකව පවත්වනු ලබන ‘ජාතික පිච්චමල් පූජාව’ මෙවර නොපැවැත්වීමට තීරණය කර ඇතැයි ශාන්ති පදනම පවසයි.

16 July 2020

පාස්කු ප්‍රහාරයෙන් පසු ඇතැම් බුද්ධි අංශ නිලධාරීන්ට ජනාධිපති සම්මාන පිරිනමලා

පාස්කු ඉරුදින ප්‍රහාර මාලාවෙන් පසු ඇතැම් බුද්ධි අංශ නිලධාරීන්ට ජනාධිපති සම්මාන පිරිනමා ඇති බව වැඩ තහනමකට ලක්ව සිටින, පොලිස් ත්‍රස්ත විමර්ශන කොට්ඨාසයේ හිටපු ප්‍රධානී, හිටපු නියෝජ්‍ය පොලිස්පති නාලක ද සිල්වා මහතා පාස්කු ඉරුදින බෝම්බ මාලාව සම්බන්ධයෙන් විමර්ශනය කරන ජනාධිපති කොමිසම හමුවේ සාක්ෂි දෙමින් අද(16) පැවසීය.

16 July 2020

රාජ්‍ය ආයතනවලට භාණ්ඩ හා සේවා දේශීය ආයතනවලින්

රාජ්‍ය ආයතනවලට භාණ්ඩ හා සේවා සපයා ගැනීමේ ප්‍රසම්පාදන කටයුතුවලදී දේශීය ආයතනවලින් පමණක් මිලදී ගැනීම සඳහා අග්‍රාමාත්‍ය මහින්ද රාජපක්‍ෂ මහතා ඉදිරිපත් කළ යෝජනාවකට මාත්‍ය මණ්ඩල අනුමැතිය හිමිවූ බව කැබිනට් ප්‍රකාශක තොරතුරු හා සන්නිවේදන තාක්‍ෂණ, උසස් අධ්‍යාපන, තාක්‍ෂණ හා නවෝත්පාදන අමාත්‍ය, ආචාර්ය බන්දුල ගුණවර්ධන මහතා පැවසීය.

16 July 2020

කොස්ගොඩ තාරකගේ මත්ද්‍රව්‍ය ජාවාරම මෙහෙයවූ ප්‍රබලයින් දෙදෙනකු අත්අඩංගුවට

බස්නාහිර පළාතට මහාපරිමාණයෙන් මත්ද්‍රව්‍ය බෙදාහරින ජාවාරමක නිරත වු කාන්තාවක සහ තවත් පුද්ගලයකු පැලියගොඩ විශේෂ අපරාධ විමර්ශන ඒකකයේ නිලධාරීන් විසින් අත්අඩංගුවට ගනු ලැබ තිබේ.

16 July 2020

අනුර කුමාර ගොනු කළ රීට් පෙත්සම සළකා බැලීමට දින නියම කරයි

දේශපාලන පළිගැනීම් පිළිබඳ සොයා බැලීමට පත් කළ ජනාධිපති කොමිසම හමුවේ තමන්ට එරෙහිව සිදු කෙරෙන විමර්ශනය අත්හිටුවන ලෙසත් , ඒ සම්බන්ධයෙන් එම කොමිසම නිකුත් කළ නොතීසි බලරහිත කරන ලෙස ඉල්ලා ජනතා විමුක්ති පෙරමුණේ නායක හිටපු පාර්ලිමේන්තු මන්ත්‍රී අනුර කුමාර දිසානායක මහතා විසින් ගොනුකර තිබෙන රිට් පෙත්සම ලබන 20 වැනිදා කැදවීමට අභියාචනාධිකරණය දින නියම කළේය.

16 July 2020

වැලිකඩ කාන්තා අංශයට පිටතින් තහනම් භාණ්ඩ පාර්සල් 18 ක් හමුවෙයි

වැලිකඩ බන්ධනාගාරයේ කාන්තා අංශයේ තාප්පයට පිටතින් වනාතමුල්ල , සීවලි පටුමග දෙසින් තහනම් භාණ්ඩ ඇතුළත් පාර්සල් 18 ක් දමා තිබියදී බන්ධනාගාර නිලධාරීන් විසින් සොයාගෙන ඇත .

16 July 2020

අඟුලානේ කලබලයට 10 ක් අත්අඩංගුවේ

අඟුලාන පොලිසියට ගල් මුල් ප්‍රහාර එල්ල කළ බව කියන තවත් පුද්ගලයන් 10 දෙනෙක් අත්අඩංගුවට ගත් බව ගල්කිස්ස කොට්ඨාස භාර ජ්‍යෙෂ්ඨ පොලිස් අධිකාරී රොහාන් ප්‍රේමරත්න මහතා පැවසීය.

16 July 2020

දිස්ත්‍රික්ක 10කට අධි තාක්ෂණ විශ්ව විද්‍යාල

මෙරට ජාතික විශ්ව විද්‍යාලයක් නොමැති සෑම දිස්ත්‍රික්කයකම ලබන වසර වන විට අධිතාක්‍ෂණ විශ්ව විද්‍යාල පිහිටුවීමට අමාත්‍ය මණ්ඩල අනුමැතිය හිමිව ඇතැයි කැබිනට් ප්‍රකාශක තොරතුරු හා සන්නිවේදන තාක්‍ෂණ, උසස් අධ්‍යාපන, තාක්‍ෂණ හා නවෝත්පාදන අමාත්‍ය, ආචාර්ය බන්දුල ගුණවර්ධන මහතා පැවසීය.

16 July 2020

වැටුපෙන් අඩක් ගෙවීම සැප්තැම්බරය දක්වා

කොරෝනා වසංගත තත්ත්වය හේතුවෙන් රාජකාරී සඳහා නොගෙන්වන පෞද්ගලික අංශ සේවකයින්ට වැටුපෙන් 50% ක් හෝ රුපියල් 14,500ක් ගෙවීමට හාම්පුතුන්ගේ සංගම් සමඟ ඇතිකරගත් එකඟතාවය සැප්තැම්බර් දක්වා දීර්ඝ කිරීමට රජය තීරණය කර තිබේ.

16 July 2020

පිළියන්දල 113 දෙනෙකු පීසීආර් පරීක්ෂණයට

කන්දකාඩු නිරෝධායන මධ්‍යස්ථානයේ රාජකාරියේ නිරත , යුද හමුදා නිලධාරියකු නිවාඩු පැමිණීමෙන් පසුව කොරෝනා වෛරසය වැළඳුණු බවට තහවුරු වීමත් සමඟ ඔහු සංචරණය කළ පිළියන්දල සමීපතමයින් හා සංචරණයට ලක් වූවක් 113 දෙනෙකු අද (16) පී.සී.ආර් පරීක්ෂණයට යොමු කළ බව පිළියන්දල සෞඛ්‍ය වෛද්‍ය නිලධාරී වෛද්‍ය ඉන්දික එල්ලාවල මහතා පැවසීය .

16 July 2020

විදේශයන්හිදී ලංකාවේ 40ක් කොරෝනා වැළඳී මරුට

රැකියා සඳහා විදේශගත වූවන් 40 දෙනෙකු ලොව විවිධ රටවල දී කෝවිඞ්-19 වයිරසය වැළඳී මියගොස් ඇතැයි වාර්තා වූ බව ශ්‍රී ලංකා විදේශ සේවා නියුක්ති කාර්යංශයේ සභාපති කමල් රත්වත්තේ මහතා ප්‍රකාශ කළේය. මේ වනවිට 1800 කට අධික පිරිසකට එම වයිරසය වැළඳි ඇතැයි ද සභාපතිවරයා කීය.

16 July 2020