එසැණ පුවත්

දිට්වා” සුළි කුණාටුව විවාදය 21

‘දිට්වා” සුළි කුනාටුවට මුහුණදීම සඳහා පූර්ව සූදානමක් නොමැති වීම සම්බන්ධයෙන් පූර්ණ අධ්‍යනයක් කර වාර්තා කිරීමටත් ඒ සඳහා සිය යෝජනා සහ නිර්දේශ ඉදිරිපත් කිරීමටත් වන විශේෂ කාරක සභාව පත්කිරීමේ යෝජනා සම්මතය ලබන 21 වැනිදා පාර්ලිමේන්තුවට අනුමැතිය සඳහා ඉදිරිපත් කිරීමට පාර්ලිමේන්තු කටයුතු පිළිබඳ කාරක සභාව තීරණය කළේය.

14 January 2026

මේ අවුරුද්දෙ අධ්‍යාපන වැඩ කෙරෙන විදිය ගැන නිවේදනයක්

මේ වසරේ පාසල් අධ්‍යාපනය පවත්වාගෙන යා යුතු ආකාරය ගැන අධ්‍යාපන අමාත්‍යාංශ ලේකම් නාලක කළුවැව මහතා විශේෂ නිවේදනයක් නිකුත් කර තිබේ.

14 January 2026

ඉන්දීය පාර්ලිමේන්තුවෙන් ලංකා පාර්ලිමේන්තුවට ආරාධනයක්

කථානායක වෛද්‍ය ජගත් වික්‍රමරත්න මහතාගේ නායකත්වයෙන් යුත් ශ්‍රී ලංකා පාර්ලිමේන්තුවේ නියෝජිත පිරිසක් ඉන්දීය පාර්ලිමේන්තුව විසින් කරන ලද ආරාධනයකට අනුව ඉන්දියාවේ නවදිල්ලියේ පැවැත්වෙන පොදුරාජ්‍ය මණ්ඩලීය කථානායකවරුන්ගේ සහ මුලසුන හොබවන නිලධාරීන්ගේ 28 වන සමුළුවට (CSPOC) සහභාගී වීම සඳහා බණ්ඩාරනායක ජාත්‍යන්තර ගුවන්තොටුපළෙන් පිටත්ව ගියහ.

14 January 2026

බීමත් රියදුරෝ 7000ක් අත්අඩංගුවට

ගතවූ දින 13ක ඇතුළත කාලය තුළ බීමත් රියදුරන් 7000කට වැඩි පිරිසක් අත්අඩංගුවට ගත් බව මාර්ග ආරක්ෂාව දිසාව භාර නියෝජ්‍ය පොලිස්පති ඩබ්ලිව්.පී.ජේ. සේනාධිර මහතා පවසයි.

14 January 2026

තවත් ලොක්කන් පහකට මැති සබයේ අනුමැතිය

උසස් නිලතල පිළිබඳ කාරක සභාව නව තානාපතිවරුන් තිදෙනෙකුගේ සහ නව මහ කොමසාරිස්වරයෙකුගේ නාමයෝජනා අනුමත කර ඇත

14 January 2026

මුහුදු සීමා කඩන ධීවරයින්ට දැඩි දඬුවමක්

විදෙස් මුහුදු සීමා නීතිවිරෝධී ලෙස උල්ලංඝනය කරන හෝ යාත්‍රා නිරීක්ෂණ පද්ධතිය (VMS) හිතාමතා ක්‍රියා විරහිත කරන බවට වරදකරු වන ඕනෑම යාත්‍රාවක නියමුවාට සහ සමස්ත කාර්ය මණ්ඩලයට පවතින නීති රෙගුලාසි යටතේ මාස හයක ධීවර තහනමක් ක්‍රියාත්මක කිරීමට තීරණය කර ඇතැයි ධීවර හා ජලජ සම්පත් දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා පැවැසීය.

14 January 2026

සජබෙන් විරෝධයක්

නිදහස් අධ්‍යාපනය රැකගන්නා ලෙසට බල කරමින් සහ වැඩි කිරිමට යන විදුලි බිල විරෝධය පාමින් නාවලපිටිය නගරයේ දී අද දින සජබ ආධාරකරුවෝ පිරිසක් උද්ගෝෂණයක නිරත වූහ.

14 January 2026

වැටුප් - විශ්‍රාම වැටුප් කොමිෂන් සභාව පිහිටුවීම කඩිනම් කරයි

මෙවර අයවැය මගින් යෝජිත වැටුප් හා විශ්‍රාම වැටුප් කොමිෂන් සභාව පිහිටුවීමේ කටයුතු කඩිනම් කරන බව රාජ්‍ය පරිපාලන පළාත් සභා හා පළාත් පාලන අමාත්‍ය මහාචාර්ය චන්දන අබයරත්න මහතා පැවසීය.

14 January 2026

අධිවේගයේ ඉදිකිරීම් කළ දොඹකරය දුම්රිය මැදිරියකට වැටේ

තායිලන්ත අගනුවර සිට උබොන් රට්චතානි පළාත දක්වා ගමන් කරමින් තිබු දුම්රියක් මතට දොඹකරයක් කඩා වැටීමෙන් පුද්ගලයින් 28කු මියගොස් තවත් 64 දෙනකු තුවාල ලබා ඇති විදෙස් මාධ්‍ය වාර්තා කරයි. තුවාල කරුවන් හත් දෙනකුගේ තත්වය බරපතල බවද සඳහන් වේ.

14 January 2026

වාහන 400ක් රේගුවේ හිරවෙලා

පෞද්ගලිකව ආනයනය කළ සුඛෝපභෝගී වාහන 400 ක පමණ සංඛ්‍යාවක් හම්බන්තොට සහ කොළඹ යන වරායන් දෙකේ මාස කීපයක සිට නිදහස් කිරීමෙන් තොරව තිබෙන බවත් එම වාහන වැඩි සංඛ්‍යාවක් රේගු දෙපාර්තමේන්තුව නිදහස් නොකිරීම නිසා එසේ සිරවී ඇති බවත් ආනයනකරුවෝ පවසති.

14 January 2026

කොවිඩ් සහ පාස්කුවෙන් වැටුණු ව්‍යවසායකයන් රැසක් කබලෙන් ලිපට

පාස්කු ප්‍රහාරයෙන් හා කොවිඩ් වසංගතය හේතුවෙන් කඩා වැටුණු සුළු හා මධ්‍ය පරිමාණ ව්‍යාපාර යළි නැංවීම සඳහා කර්මාන්ත අමාත්‍යාංශය ලබාදී ඇති නිර්දේශ වානිජ බැංකු ප්‍රතික්ෂේප කිරීම නිසා රට පුරා ව්‍යවසායකයන් රැසක් කබලෙන් ලිපට වැටී ඇතැයි දිස්ත්‍රික් ඒකාබද්ධ ව්‍යවසායක සංවිධානය සඳහන් කරයි.

14 January 2026

සමෘද්ධියේ පඩි ගැන මුදල් කමිටුවෙන් විමර්ශනයක්

සමෘද්ධි සංවර්ධන දෙපාර්තමේන්තුව සිදුකරන සියලුම සුබ සාධන සහ සවිබලගැන්වීමේ වැඩසටහන් ඇතුළුව සියලු සුබ සාධන ව්‍යාපෘති පිළිබඳව ස්වාධීන ඇගයීමක් කරන ලෙස රජයේ මුදල් පිළිබඳ කාරක සභාව එහි නිලධාරීන්ට නිර්දේශ කළේය.

14 January 2026

කලාඔයේ ගසාන ගිය බසයේ රියැදුරා යළි රිමාන්ඩ්

කලාඔය පිටාර ගලද්දී මගීන් 68 දෙනකුගේ ජීවිත අවධානමකට දමා කලාඔය පාලමින් බස් රථය ධාවනය කළ බව කියන එම බස් රථයේ රියැදුරා යළි මෙම මස 21 වැනි දා තෙක් රිමාන්ඩ් බාරයේ තබන්නැයි නොච්චියාගම මහේස්ත‍්‍රාත් පී ආර් අයි ජමීල් මහතා නියෝග කළේය.

14 January 2026

නාමල් - ලිමිනි බුද්ධගයාවේ

පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා ඉන්දියාවේ බුද්ධගයා සංචාරයක නිරත විය.

14 January 2026

කුණුවලට මුවාවී වරායේ කෝටි ගණනක වැලිවලට විදලා

කොළඹ වරායේ අදානි පර්යන්තයේ අබිලි ද්‍රව්‍ය ඉවත්කරන්නේ යැයි හඟවමින් එම පර්යන්ථයේ ගොඩගසා ඇති රජයට අයත් මුහුදු වැලි බලපත්‍ර නොමැතිව වංචනික ලෙස විකිණිමේ ජාවාරමක් හෙළිවී ඇති බවත් එම ජාවාරම්කරුවන් මාස අටකට අධික කාලයක් රුපියල් කෝටි 100 කට අධික වටිනාකමින් යුත් වැලි බාහිර පාර්ශවලට අළෙවි කරන්නට ඇතැයි අනුමාන කළ හැකි බවත් වරාය සේවකයෝ පවසති.

14 January 2026

මත් කිලෝ 11ක් සමග දෙකක් මාට්ටු

මත්ද්‍රව්‍ය කිලෝ 11ක් සමග දෙදෙනකු මාතර ගොඩගම පාලටුව අධිවේගී අන්තර් හුවමාරුවේදී අද දහවල් අත්අඩංගුවට ගත් බව පොලිසිය කියයි.

14 January 2026

කොළඹ නගර සභාවේ මුදල් කමිටුවේ බලය විපක්‍ෂයට

කොළඹ මහ නගර සභාවේ ප්‍රධානම කමිටුව වන මුදල් කාරක සභාවේ බලය පිහිටුවීමට සමඟි ජනබලවේගය ප්‍රමුඛ ඒකාබද්ධ විපක්‍ෂය අද (14) සමත් විය.

14 January 2026

මන්ත්‍රී ’’පැන්ෂන්’’ කපන කෙටුම්පත මැතිසබේ න්‍යාය පුස්තකයට

පාර්ලිමේන්තු මන්ත්‍රීවරුන්ගේ විශ්‍රාම වැටුප් ඉවත් කිරීමේ පනත් කෙටුම්පත පාර්ලිමේන්තුවේ අලුත්ම න්‍යාය පුස්තකයට ඇතුළත් කරනු ලැබ ඇත.

14 January 2026

විවාහා පොරොන්දු දී මුදල් වංචා කළ ගුවන් සෙබළා අත්අඩංගුවට

ඔස්ට්‍රියාවේ පදිංචිව සිටින ලාංකික කාන්තාවක හදුනාගෙන ඇය විවාහ කරගන්නා බවට පොරොන්දුවී වී රුපියල් එක්කෝටි දාහත්ලක්ෂ තිස් හතර දහස් අසූ එකක මුදලක් වංචා කළ බව කියන ගුවන් හමුදා සෙබළකු අත්අඩංගුවට ගත් බව තෙල්දෙණිය පොලිසිය පවසයි.

14 January 2026

විශ්‍රාමික නාවික වෛද්‍ය සහායක අල්ලස් දැලේ පැටලෙයි

කොළඹ විශාකා විද්‍යාලට මේ වසරේ පළමු ශ්‍රේණියට ඇතුළත් කරදීම සදහා අවශ්‍ය කටයුතු සලසාදීමට රුපියල් ලක්ෂ 3 ක මුදලක් අල්ලස් වශයෙන් ගත් බව කියන විශ්‍රාමික නාවික හමුදා වෛද්‍ය සහායකයකු අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව පවසයි.

14 January 2026

මහ මුහුදේ මත් ජාවාරම් මඩින්න පනත් දෙකක්

විෂවර්ග, අබිං සහ අන්තරායදායක ඖෂධ වර්ග (සංශෝධන) සහ අධිකරණ සංවිධාන (සංශෝධන) පනත් කෙටුම්පත් දෙක පිළිබඳ ආංශික අධීක්ෂණ පාර්ලිමේන්තු කාරක සභාවේදී දීර්ඝ ලෙස සාකච්ඡා කෙරිණ.

14 January 2026

විමල්ට වරෙන්තු

හිටපු අමාත්‍ය විමල් විරවංස මහතා අත්අඩංගුවට ගැනීමට කොළඹ මහාධිකරණ විනිසුරු මොහොමඩ් මිහාල් මහතා අද (14) වරෙන්තු නිකුත් කළේය.

14 January 2026

මත් කරල් සමඟ අයෙක් අත්අඩංගුවට

ජාවාරම් කිරීම සදහා මත්කරල් 6700 ක් සනත්කයේ තබාගෙන සිටි ජාවාරම්කරුවකු වැල්ලම්පිටිය, මීතොටමුල්ල ප්‍ර දේශයේදී අත්අඩංගුවට ගත් පොලිස් විශේෂ කාර්ය බළකාය පවසයි.

14 January 2026

බදුල්ල දිස්ත්‍රික් කම්කරු කාර්යාලයටත් බෝම්බ බියක්

බදුල්ල දිස්ත්‍රික් කම්කරු කාර්යාලයේ බෝම්බ තුනක් ඇති බවට ආ නිර්නාමික දුරකතන ඇමැතුමක් අනුව වහාම ක්‍රියාත්මක වූ පොලිසිය එහි සේවකයන් ඉවත් කර ක්ෂණික මෙහෙයුමක් ආරම්භ කර ඇත.

14 January 2026

අමරකීර්ති නඩුවේ තීන්දුව කල් යයි

පොලොන්නරුව දිස්ත්‍රික්ක පාර්ලිමෙන්තු මන්ත‍්‍රී අමරකීර්තීී අතුකෝරල මහතා සහ ආරක්‍ෂක නිලධාරියාට පහරදී ඝාතනය කළ බවට විත්තිකරුවන් 41 දෙනාට නඩුවේ තීන්දුව පෙබරවාරි මස 11 වැනිදා ප‍්‍රකාශයට පත් කරන බව ගම්පහ ත‍්‍රිපුද්ගල මහාධිකරණ විනිසුරු මඩුල්ල අද දැනුම් දුන්නේය.

14 January 2026

මත් සැකකරුවෝ 816 ක්

’’රටම එකට’’ ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍ය වැරැදි වලට සම්බන්ධ සැකකරුවන් 816 ක් ඊයේ (13) කළ මෙහෙයුම් වලදී අත්අඩංගුවට ගත් බව පොලිස් මාධ්‍ය කොට්ඨාශය කියයි.

14 January 2026

ජනපති හෙට - අනිද්දා උතුරේ

ජනාධිපති අනුර කුමාර දිසානායක මහතා හෙට (15) සහ අනිද්දා (16) උතුරේ සංචාරයක නිරත වීමට නියමිතය.

14 January 2026

රනිල් අ’පුර වන්දනාවේ

හිටපු ජනාධිපති රනිල් වික්‍රමසිංහ මහතා ඓතිහාසික අනුරාධපුර පූජා නගරයට ගොස් රුවන්වැලි චෛත්‍ය වන්දනා කළේය.

14 January 2026