IMG-LOGO

අලි රොෂාන් නඩුවේ 4 ක් නිදොස් කොට නිදහස්

(මනෝප්‍රිය ගුණසේකර)

වනජීවී දෙපාර්තමේන්තුවේ අලි ඇතුන් ලියාපදිංචි අංශය බාරව සිටි ලිපිකාරිනිය හා ඇත්ගොව්වන් තිදෙනෙකු විත්ති වාචක නොකැඳවාම නිදොස් කොට නිදහස් කිරීමට ත්‍රිපුද්ගල මහාධිකරණ විනිසුරු මඩුල්ල අද (22) නියම කළේය.

වනජීවී දෙපාර්තමේන්තුවේ තිබු අලි ලියාපදිංචි කරන පොත කූට ලෙස වෙනස් කොට බලපත්‍ර නොමැතිව අලි පස්දෙනෙකු ළඟ තබා ගත් බවට ඔවුහු චෝදනා ලැබ සිටියහ.

ඒ අනුව විත්ති වාචක ඉදිරිපත් කිරීමට සමරප්පුලිගේ නිරාජ් රොෂාන් හෙවත් අලි රෝෂාන් නමැත්තාට අමතරව වනජීවී දෙපාර්තමෙන්තුවේ සහකාර අධ්‍යක්‍ෂ (නීතී) පැස්කුවල් ෆොන්සේකාලාගේ උපාලි පද්මසිරි, සමරප්පුලි හේවගේ උචිත නිශාන් ධම්මික, පලිහපිටිය ගමගේ ජයලත්, යන වනජීවී දෙපාර්තමේන්තුවේ නිලධාරීන්  ඇතුළු සිව් දෙනෙකුට නියම කෙරිණි.

නඩුව ඉදිරියට පවත්වාගෙන යෑමට තරම් ප්‍රමාණවත් සාක්කි නොමැති බවට තීරණය කරමින් මෙලෙස නිදහස් කරන ලද්දේ වන ජීවී දෙපාර්තමෙන්තුවේ අලි ඇතුන් ලියාපදිංචි අංශය බාරව සිටි ලිපිකාරිණී එච්. ප්‍රියංකා සංජීවනී, ඇත්ගොව්වන් වන රණසිංහලාගේ දමිත් චතුරංග, කඩුපිටියගේ චන්දන කුමාර, සෂික චානුක ගම්ලත් නමැත්තන්ය.


වනජීවී දෙපාර්තමෙන්තුවේ තිබු අලි ලියාපදංචි කරන පොත කූඨ ලෙස වෙනස් කොට බලපත්‍ර නොමැති අලි පස්දෙනෙකු ලඟ තබා ගත් බවට චෝදනා කරමින් නීතීපතිවරයා පවරා ඇති නඩුව විභාග කරන කොළඹ මහාධිකරණ විනිසුරුවරුන් වන විකුම් කළුආරච්චි (සභාපති) ධම්මික ගනේපොළ සහ ආදිත්‍ය පටබැඳි යන මහත්වරුන්ගෙන් සමන්විත ත්‍රිපුද්ගල මහාධිකරණ විනිසුරු මඩුල්ල එලෙස නියම කළේය.

2014 ජුලි මසයත් 2015 අගොස්තු මාසයත් අතර කාලයේ මහරගම, ඇරව්වල, නාවල, බත්තරමුල්ල හා ඔරුවල යන ප්‍රදේශවලදී පැමිණිල්ල නොදත් අය සමඟ එක්ව සොරකම් කළ අලි බව දනිමින් වංචනිකව එම අලි ජාවාරම් කිරීමට කුමන්ත්‍රණය කිරීම, ඒ අනුව අලි ජාවාරම් කිරීම, එම අලි නීතීවීරෝධී අන්දමින් ලඟ තබාගැනීම ඇතු`ථ චෝදනා යටතේ විත්තිකරුවන්ට එරෙහිව අපරාධ නඩු විධාන සංග්‍රහ පනත යටතේ සහ පොදු දේපළ පනත යටතේ අධි චෝදනා 33ක් යටතේ නීතීපතිවරයා විසින් නඩු පවරා ඇත.

අලි ජාවාරම්කරුවකු බව කියන සමරප්පුලිගේ නිරාජ් රොෂාන් හෙවත් අලි රෝෂාන් නමැත්තාට අමතරව වනජීවී දෙපාර්තමෙන්තුවේ සහකාර අධ්‍යක්‍ෂ (නීතී)පැස්කුවල් ෆොන්සේකාලාගේ උපාලි පද්මසිරි, වන ජීවී දෙපාර්තමෙන්තුවේ අලි ඇතුන් ලියාපදිංචි අංශය බාරව සිටි ලිපිකාරිණී එච්. ප්‍රියංකා සංජීවනී, සමරප්පුලි හේවගේ උචිත නිශාන් ධම්මික, කඩුපිටියගේ චන්දන කුමාර, සෂික චානුක ගම්ලත්, පලිහපිටිය ගමගේ ජයලත්, රණසිංහලාගේ දමිත් චතුරංග යන වනජීවී දෙපාර්තමෙන්තුවේ නිලධාරීන් ඇතු`ථ පුද්ගලයින් අට දෙනෙකුට එරෙහිව මෙලෙස නඩු පවරා ඇත.

රටේ වන අලි සම්පත විනාශයට ලක් කළ මෙම ජාවාරම හේතූවෙන් සාමාජීය වශ්‍යයෙන් කැළබීමක් සිදු වු හෙයින් මෙම නඩුව ත්‍රිපුද්ගල මහාධිකරණ විනිසුරු මඩුල්ලක් හමුවේ විභාග කිරීම යෝ්‍යග බව සඳහන් කරමින් ඒ සඳහා අවසර දෙන්නැයි නීතීපති, ජනාධිපති නීතීඥ දප්පුල ද ලිවේරා මහතා අගවිනිසුරු ජයන්ත ජයසුරිය මහතාගෙන් කළ ඉල්ලීමකට අනුව නඩුව විභාග කිරීම සඳහා මෙම ත්‍රිපුද්ගල මහාධිකරණ විනිසුරු මඩුල්ල පත් කෙරිණි.

මෙම නඩුව කැඳවනු ලැබු අවස්ථාවේදී විත්තිකරුවෝ 08 දෙනාම අධිකරණයේ පෙනී සිටියහ.

පැමිණිල්ලේ සාක්කි විභාගය අවසානයේදී විත්තිකරුවන් සිව්දෙනෙකු නිදොස් කොට නිදහස් කළ විනිසුරු මඩුල්ල ලබන ජුලි මස 25 වැනිදා සිට විත්තියේ සාක්කි විභාගය ආරම්භ කිරීමට නියම කළේය.



අදහස් (5)

අලි රොෂාන් නඩුවේ 4 ක් නිදොස් කොට නිදහස්

ගෙවිඳු Monday, 22 June 2020 02:39 PM

අලි රොෂාන්ලාව නිදොස්කොට නිදහස් කෙරුවා නම් අලි පැටියෙක් තියන් උන්නු නඩුකාර උත්තමයාට සහ පන්සල ලඟ මිදුලේ දාලා ගියපු අලි පැටියෙක්ව හදපු උන්වහන්සේත් නිදොස් කොට නිදහස් වේවා..!!! එක රටක්.. එක නීතියක්.

:       66       101

PereraTuesday, 23 June 2020 04:11 AM

අලි රොෂාන්ව නිදහස් කරලා නැහැ. ඔහු ඇතුළු තව තුන් දෙනෙකුට විත්ති වාචක ගොනුකරන්න කියලා තියෙන්නේ... එක ලිපිකාරිනියෙකුයි ඇත්ගොව්වෝ තුන්දෙනෙකුයි විත්ති කැඳවන්නේ නැතිව නිදහස් කරලා...

:       0       1

Perera Monday, 22 June 2020 06:50 PM

ඔය ජාවාරමට සම්බන්ධ නඩුකාරයින්ට මොකක්ද වුණේ? නාදොස් කොට නිදහස් වුණාද?

:       0       0

koraalage Tuesday, 23 June 2020 04:15 AM

කැලේ හිටපු අහිංසක අලියෙක්ට... තාම අලි පැටියාව දරු බලාගෙන ඉන්න බැරි වෙච්ච කාලයකුත් ඒ දවස්වල තිබුණානේ. ආයිමත් ඉස්සරහට එහෙම කාලයක් එයිද? පව් අහිංසක කැලේ සත්තු...

:       0       144

rana Tuesday, 23 June 2020 06:57 AM

මහා දේශපාලකයින්ගේ මාලිගවල තිබෙන ඇත් දල අහසින් වැටුණාවත්ද?

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 68 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 277 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 128 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site