(පුෂ්පකුමාර ජයරත්න)
නාරම්මල ප්රදේශයේ ප්රසිද්ධ පාසලක් තුළ පසුගිය සිකුරාදා (31) පාසල් වේලාවෙන් පසුව බීමත්ව සිටි බවට සැකපිට එම පාසලේ ගුරුවරු සිවු දෙනෙක් නාරම්මල පොලිසිය විසින් අත්අඩංගුවට ගනු ලැබූහ.
එම පාසලට සම්බන්ධ කිසිවකු විසින් 119 පොලිස් හදිසි ඇමතුම් දුරකතන අංකයට කළ දැනුම්දීමකින් පසුව නාරම්මල පොලිසියේ නිලධාරින් පිරිසක් පැමිණ බීමතින් සිටි බව කියන ගුරුවරුන් සිවු දෙනා අත්අඩංගුවට ගෙන ඇත.
පසුව ඔවුන් පොලිසියට රැගෙන ගොස් ප්රශ්න කිරීමේදී බීමත්ව සිටින බවට ඔවුන් පිළිගෙන ඇති අතර පාසල ඇරුණු පසුව නාරම්මල නගරයට පැමිණ මත්පැන් පානය කර තම ගමන්මලූ ගැනීම සඳහා සවස 4.00ට පමණ ආපසු පාසලට ගිය බව එම ගුරුවරුන් සිවුදෙනා පොලිසියට පවසා තිබේ.
මේ අවස්ථාවේදී එම පාසලේ විදුහල්පතිනිය පාසල නිමවීම හේතුවෙන් පාසලෙන් බැහැරව ගොස් සිටි බවද මෙම ගුරුවරුන් සිවුදෙනා බීමත්ව සිටි ආකාරය ඒ අවස්ථාවේ පාසලේ රැඳී සිටි දෙමාපියන් සහ සිසුන් බොහෝ දෙනෙකු දැක ඇති බවද වාර්තාවේ.
වරද පිළිගැනීම හේතුවෙන් එම ගුරුවරුන් සිවුදෙනා පොලිස් ඇප මත මුදා හැරීමට පියවර ගෙන ඇත.
මේ පිළිබඳව විමසීමේදී වයඹ පළාත් අධ්යාපන අමාත්ය සන්ධ්යා කුමාර රාජපක්ෂ මහතා පැවැසුවේ මෙම සිද්ධිය පිළිබඳව විමර්ශනය සිදුකර ඒ පිළිබඳව වාර්තාව ජාතික පාසල් අධ්යක්ෂවරයා වෙත යැවීමට ගිරිඋල්ල කලාප අධ්යාපන අධ්යක්ෂවරයාට උපදෙස් දුන් බවය.
පාසල් වේලාවෙන් පසුව වුවද ගුරුවරුන් මේ ආකාරයට පාසල් භුමිය තුළ බීමතින් සිටීම වරදක් සහ නොසුදුසු දෙයක් බවද අමාත්යවරයා පෙන්වා දුන්නේය. නාරම්මල පොලිස් ස්ථානාධිපති ප්රධාන පොලිස් පරීක්ෂක නාමල් පෙරේරා මහතා සිද්ධිය පිළිබව පරීක්ෂණ පැවැත්වූයේය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
පාසල ඇරුණු පසු බීමත්ව රැඳී සිටි ගුරුවරු සිවු දෙනෙක් අත්අඩංගුවට
sakunthala Monday, 03 April 2017 04:56 AM
පොලිසිය තම නිල ඇඳුම පිටින්ම මත් පැන් පානය කරන බව සමාජයට නොරහසකි. එත් ගුරුවරු ද මනුෂ්යයන් බව සැවොටම අමතකය.
nimal Monday, 03 April 2017 05:27 AM
ළමයි පාසලට පෙර ගුරුවරු පාසලට පසු අනේ ගිය කලක්
mahee Monday, 03 April 2017 08:43 AM
මේ ගොල්ල මොකක්ද කළ වරද?
kalpa Monday, 03 April 2017 09:14 AM
මෙවැනි අවස්ථාවල අමාත්යාංශ මට්ටමින් කල යුතුදේ ආයතන සංග්රහයේ සඳහන් වනවා
srimali Monday, 03 April 2017 11:26 AM
රාජකාරි වේලාවෙන් පසුවත් බොන්න බෑ කියල තියෙන්නේ ලංකාවේ මොන නීතියේද ?