(නිමල කොඩිතුවක්කු)
එක්සත් ජාතික පක්ෂයේ පළමු මැතිවරණ රැස්විම ඩිජිටල් තාක්ෂණය ඔස්සේ පිටකෝට්ටේ සිරිකොත පක්ෂ මූලස්ථානයේ දී පක්ෂ නායක රනිල් වික්රමසිංහ මහතාගේ ප්රධානත්වයෙන් අනිද්දා (28) පස්වරු 4.00 ට ආරම්භ කිරීමට නියමිතය.
සිරිකොත එක්සත් ජාතික පක්ෂ මූලස්ථානයේ දී පවත්වෙන එම රැස්විමට සමගාමීව සෑම මැතිවරණ කොට්ඨාසයකදීම අපේක්ෂකයන් විසින් තවත් මැතිවරණ රැළි 160ක් පවත්වන බවද මාතර දිස්ත්රික් හිටපු පාර්ලිමේන්තු මන්ත්රී සාගල රත්නායක මහතා පැවසීය.
එම සෑම රැළියක්ම මැතිවරණ කොමිසමේ උපදෙස් මත උපරිමය සිය දෙනෙකුගේ සහභාගීත්වයෙන් පවත්වන බවද සිරිකොත එක්සත් ජාතික පක්ෂ මූලස්ථානයේ අද (26) පැවති මාධ්ය හමුවකට එක්වෙමින් ඔහු පැවසීය.
ඒ අනුව මැතිවරණ රැළි 160කින් 16000ක් අවම වශයෙන් මේ සඳහා සහභාගී වීමට නියමිත බවත් මෙයට අමතරව නිවෙස්වල සිට මෙම රැස්වීම්වලට සහභාගී විය හැකි බවත් රත්නායක මහතා කීවේය.
එක්සත් ජාතික පක්ෂ නිල ෆේස්බුක් අඩවිය, යූ ටියුබ් ඇතුළු නව මාධ්ය මගින් මේ හා සම්බන්ධ වීමට පහසුකම් සලසා දී ඇති බවද ඔහු පැවසීය.
අනෙකුත් පක්ෂයන්ට ආදර්ශයක් වෙමින් ඩිජිටල් තාක්ෂණය යොදාගනිමින් ජනතාව ආරක්ෂා වන ලෙස මැතිවරණ ව්යාපාරය මෙහෙයවීම මෙහි අරමුණ බවද සාගල රත්නායක මහතා වැඩිදුරටත් සඳහන් කළේය.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
එජාප ඩිජිටල් මැතිවරණ රැස්වීම අනිද්දා
Anuruddha Friday, 26 June 2020 11:18 AM
100 කට වඩා සහභාගී කරවා ගන්නේ නැද්ද? හොඳ වෙලාවට උපරිම අගය 100 කරලා තියෙන්නේ.. උපරිම අගය 200 නම් මේ අයට මාර ප්රශ්නයක් වෙන්නේ... 200ක් හොයාගන්න.
Prabha Friday, 26 June 2020 02:20 PM
රනිල් උන්නැහේ හීනෙන් දකිනවා ඇත්තෙත් ඩිජිටල්, වයිෆයි, ටැබ්ලට් විතරක් වෙන්න ඇති...
Mahesh Friday, 26 June 2020 03:25 PM
එජාපෙට සීයක් හොයා ගන්නවා කියන්නෙත් පොහොට්ටුව හෝ සමගි බලවේගය වගේ පක්ෂ දහදාහක් ගෙන්වනවා වගේ වැඩක්... ඉස්සරහට කොහොමත් ඩිජිටල් තමයි එජාපයට ඕවා කරන්න වෙන්නේ... මොකද ඉතින් පාක්ෂිකයන් නැති බෝඩ්ලෑලි පක්ෂයක් වෙන මොනවා කරන්නද..? නේද..?