2025 දෙසැම්බර් මස 17 වන බදාදා
( තිළිණි ද සිල්වා සහ රංජන් කටුගම්පොළ )
උතුරු පළාත් හිටපු ධීවර අමාත්ය බී.ඩෙනීෂ්වරන් මහතා එම තනතුරෙන් ඉවත් කිරීම වළක්වාළමින් අභියාචනාධිකරණ තීන්දුවට එරෙහිව උතුරු පළාත් ප්රධාන අමාත්ය සී.වී. විග්නේශ්වරන් මහතා විසින් ඉදිරිපත් කළ අභියාචනය ලබන සැප්තැම්බර් 5 සළකා බැලීමට ශ්රේෂ්ඨාධිකරණය තීන්දු කළේය.
උතුරු පළාත් ප්රධාන අමාත්යවරයා විසින් ඉදිරිපත් කළ මෙම අභියාචනය බුවනෙක අළුවිහාරේ, ප්රියන්ත ජයවර්ධන සහ ප්රසන්න ජයවර්ධන යන ත්රිපුද්ගල ශ්රේෂ්ඨාධිකරණ විනිසුරු මඩුල්ල හමුවේ කැදවිණි.
එදිනට මීට අදාළව කරුණු දක්වන මෙන් ශ්රේෂ්ඨාධිකරණය පෙත්සම්කාර පාර්ශවයේ නීතිඥවරයාට දන්වා තිබේ.
ඉකුත් අගෝස්තු උතුරු පළාත් ධීවර අමාත්ය ධූරයෙන් තමන් ඉවත් කිරීමට ප්රධාන අමාත්ය සී.වී. විග්නේශ්වරන් මහතා ගත් තීරණය නීතිවිරෝධී යැයි සඳහන් කරමින් හිටපු අමාත්ය ඩෙනීෂ්වරන් මහතා විසින් ඉදිරිපත් කළ පෙත්සමක් සළකා බැලූ අභියාචනාධිකරණය ඔහු එම තනතුරෙන් ඉවත් කිරීම වළක්වාළමින් අතුරු නියෝගයක් නිකුත් කරන ලදී.
එම අතුරු නියෝගය නිකුත් කර ඇති ආකාරය නීතියට පටහැනි බව ශ්රේෂ්ඨාධිකරණය හමුවේ පෙන්වාදෙන උතුරු පළාත් ප්රධාන අමාත්ය සී.වී. විග්නේශ්වරන් මහතා එවැනි නියෝග නිකුත් කිරීමට අභියාචනාධිකරණයට බලයක් නොමැති බවද සිය පෙත්සමින් කියා සිටී.
මේ හේතුවෙන් අභියාචනාධිකරණය මගින් නිකුත් කර ඇති තහනම් නියෝගය විසුරුවා හැරීමේ නියෝගයක් නිකුත් කරන මෙන් ද විග්නේශ්වරන් ප්රධාන අමාත්යවරයා ශ්රේෂ්ඨාධිකරණයෙන් ඉල්ලා ඇත.
2025 දෙසැම්බර් මස 16
44
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
838
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
2025 නොවැම්බර් මස 21
607
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
උතුරු මහඇමැතිගේ අභියාචනය සළකා බැලීම සැප්තැම්බර් 5 වැනි දා