(සුජිත් හේවාජුලිගේ )

කොවිඩ්  ආසාදිත  සෙල්වරාසා ගජේන්ද්‍රන් මන්ත්‍රීවරයා මැතිසබයට දින දෙකක් පැමිණ එහි ස්ථාන කිහිපයක  සැරිසරා  ඇති බව  සී.සී.ටී.වී කැමරා පරීක්ෂාවේදී පෙනී ගොස් ඇතැයි   වේත්‍රධාරී නරේන්ද්‍ර ප්‍රනාන්දු මහතා පැවැසීය.

එහෙත් ඔහු මුව ආවරණ පැළඳ  සෞඛ්‍ය නීති නිසි ලෙස  අනුගමනය කරමින් කටයුතු කර ඇති හෙයින්   ඔහුගෙන්  මැතිසබයට  ලොකු තර්ජනයක් ඇතිවූ බවක්    පෙනෙන්නට නැතැයිද  හෙතෙම සඳහන් කළේය.

ඔහු මැතිසබයට පැමිණි කාල  සීමාවේදී   ඇසුරු කර ඇත්තේ  ද්‍රවිඩ ජාතික මන්ත්‍රීවරුන් කිහිපදෙනකු පමණක් බව  පාර්ලිමේන්තු පොලීසිය පවසයි.

සෙල්වරාසා ගජේන්ද්‍රන් මන්ත්‍රීවරයා කොවිඩ්  මර්දන එන්නත් මාත්‍රා දෙකම  ලබාගෙන  ඇතැයිද  දැනගන්නට   ඇත.

සෙල්වරාසා ගජේන්ද්‍රන් මන්ත්‍රීවරයාට  කොවිඩ්  ආසාදනය වී ඇතැයි හඳුනා ගැනුණේ පෙරේදා(24) දිනයේදීය.

ඔහු මේ වනවිට නිවෙස් නිරෝධායනයට යොමු වී සිටී.

සෙල්වරාසා ගජේන්ද්‍රන් මහතා සමස්ත ලංකා දෙමළ කොංග්‍රසයේ  ජාතික ලැයිස්තු මන්ත්‍රීවරයකු ලෙස කටයුතු කරයි.