( කේ බුද්ධික කුමාරසිරි )
 
ජල සම්පාදන පහසුකම් පිළිබඳව රාජ්‍ය අමාත්‍ය වාසුදේව නානායක්කාර මහතා ගමන් කරමින් සිටි සුඛෝපභෝගී නිල රථය හයිලෙවල් මාර්ගයේ ගොඩගම 27 කණුව ප‍්‍රදේශයේදී යතුරු පැදියක ගැටීමෙන් අද (01) දින දහවල් සිදු වූ අනතුරකින් යතුරු පැදිකරු තුවාල ලබා හෝමාගම මූලික රෝහලට ඇතුළත් කර ඇත.
 
රත්නපුර ප‍්‍රදේශයේ පැවැත්වෙන ජන හමුවකට සහභාගී වීම සදහා වාසුදේව නානායක්කාර අමාත්‍යවරයා සිය රියදුරා ද සමගින් සිය නිල රථයෙන් කොළඹ සිට අවිස්සාවේල්ල දෙසට ගමන් කරමින් සටින අතරතුර මෙම අනතුර සිදුව ඇත
 
අනතුරට පත් යතුරුපැදිකරු ද හෝමාගම දෙස සිට ගොඩගම දෙසට පැමිණ 27 කණුව මංසන්ධියෙන් ගොඩගමගේවත්ත ප‍්‍රදේශයට යතුරුපැදිය හැරවීමට යාමේදී යතුරුපැදිය පස කරලීමට කටයුතු කරමින් සිටි අමාත්‍යවරයාගේ නිල රථයේ ගැටීමෙන් අදාල අනතුර සිදුව ඇති බවත් අනතුර සිදුවන ආකාරය අසල සතොස වෙළධසලෙහි ආරක්ෂිත කැමරා පද්ධතියෙහි සටහන්ව ඇති බවත් සිදු කල මූලික විමර්ශණයේදි අනාවරණය වූ වී ඇත
 
තුවාල ලැබූ පුද්ගලයාගේ තත්වය බරපතල නොවන බවත් ඔහුගේ අත් වලට සහ පාදයකට තුවාල සිදුව ඇති බවත් තුවාල කරුගේ සුවදුක් විමසීමට අමාත්‍යවරයා හෝමාගම මූලික රෝහලට පැමිණි බවද හෝමාගම මූලික රෝහලේ ප‍්‍රකාශකයෙකු පැවසීය
 
මෙලෙස අනතුරට ලක්ව ඇත්තේ හෝමාගම ගොඩගමවත්ත ප‍්‍රදේශයේ කුලී පදනම මත පදිංචිව සිටි පුද්ගලයෙකු වන බවත් එම පුද්ගලයා අමාත්‍ය වාසුදේව නානායක්කාර මහතාගේ හිතවතකුද වන බැවින් සිද්ධිය සමථයකට පත් කර ගැනිමේ සූදානමක් පවතින බව ද වාර්ථා වේ