(ක්‍රිෂාන්ජීවක ජයරුක්)

දකුණේ පාතාල  කල්ලි නායකයකු වන මා කඳුරේ මධුෂ්ගේ  සමීපතම ගෝලයින් අත්අඅඩංගුවට ගැනීම්, පොලිස් අත්අඩංගුවට ගැනීම්  පොලිස් විශේෂකාර්ය බලකායේ වෙඩි ප්‍රහාරවලින් මිය යාම  වැනි කරුණු හේතුවෙන්  ඔහු වියරුවෙන් මෙන් හැසීරිමට පටන් ගෙන උසස්  පොලිස් නිලධාරීන්ට දුරකතන ඇමතුම් දී තර්ජනය කරමින් සිටින බව පොලිස් ආරංචීමාර්ග පවසයි.

මාතර කොට්ඨාසයභාර පොලිස්අධිකාරීජී.එච්.මාරපන මහතාටද දුරකතන ඇමතුම් ලබා ගෙන ඇති අතර මාරපන මහතා ඒ බව කල්තියා හදුනා ගැනීම නිසා ඊට ප්‍රතිචාරදක්වා නොමැත.

දක්ෂිණ සංවර්ධන අධිකාරියේ හිටපු සභාපති ඩැනී හිත්තැටියගේ මහතා ඝාතනයකිරිමේ සිද්ධියේ ප්‍රධාන සැකකරුවකු වන මදුෂ් එම නඩුවට ඉදිරිපත් නොවී වරෙන්තුව  සිටින නිසා ඔහුගේ සියලු දේපොල අධිකරණය මගින් තහනම් කිරීමට අවශ්‍යකට යුතු සිදු කරනු ලබන්නේ මාතර කොට්ඨාසයභාර පොලිස් අධිකාරීජී.එච්.මාරපන හා කඹුරුපිටිය පොලීසියේ ස්ථානාධිපතිඕ.යූ.ජයශාන්තයන මහත්වරුන් විසිනි.

ඩුබායි හී සැඟවී සිටින බව කියන මදුෂ් විසින් සැලසුම් සහගතව ඔහුගේ ගෝලයින් ලවා සිදු කිරීමට උත්සාහ කළ අපරාධ රැසක් මේ වන විට ව්‍යර්තව  හා මධූෂ්ගේ බලකොටුව ලෙස සැලකෙන කඹුරුපිටිය ගතාර නිවසටම පොලීසිය ගොස් ගෝලයින් සිව් දෙනෙකු අත්අඩංගුවට ගැනීම මදුෂ්ගේ පැවැතීම ඔහුගේ මෙම හැසීරිම් වලට ප්‍රධානතම හේතුව වී ඇතැයිද පොලීසිය පවසයි.

මේ නිසාම ඔහු ඒ පිළිබඳව තොරතුරු දුන්නේ තම පුංචි අම්මාගේ නිවස අසල පදිංචි පොලිස්  සැරයන්වරයකු යයි සිතා ඔහුට හා පවුලේ අයට මරණ තර්ජනය කිරිමේ සිද්ධිය සම්බන්ධයෙන්ද පොලීසිය පරීක්ෂණයක් ආරම්භකර තිබේ.

එම තර්ජනාත්මක දුරකතන ඇමතුම හේතුවෙන් පොලිස් සැරයන්වරයා තම පවුලේ සාමාජිකයින් වෙනත් ප්‍රදේශයකට යවා  ඇත. කඹුරු පිටිය පොලීසියේ ස්ථානාධිපති ඕ.යූ.ජයශාන්ත මහතාටද දුරකතනයෙන් කතා කර අනතුරු අඟවා තිබෙන බව දැනගන්නට ඇත.

දිගින් දිගටම මදුෂ්ටඑරෙහිව පොලීසිය ගෙන යන ක්‍රියාමාර්ග නිසා බොහෝ ව්‍යාපාරිකයින්ඔහුට සුපුරුදු පරිදි ලබා දුන් කප්පම් මුදල්ගෙවීමද නතර කිරීමට පටන් ගෙන ඇති බව පොලීසියට තොරතුරු ලැබී ඇත.