(ඩයනා උදයංගනී)
ශ්රී ලංකාවේ ටෙස්ට් ක්රිකට් තරගාවලියට සහභාගි වීමට පැමිණෙන බංග්ලාදේශ ක්රිකට් කණ්ඩායම හා ඔවුන් සමඟ පැමිණෙන සියලු දෙනා සෞඛ්ය අමාත්යාංශය ලබාදී ඇති මාර්ගෝපදේශ අනුව අනිවාර්යයෙන් නිරෝධායනය විය යුතු බව වසංගත රෝග විද්යා අංශයේ අධ්යක්ෂක, විශේෂඥ වෛද්ය සුදත් සමරවීර මහතා පැවසීය.
එම මාර්ගෝපදේශ ලබාදී ඇත්තේ ශ්රී ලංකාවේ කොවිඩ් අවදානමක් මතුවීම වළක්වාගැනීම සඳහා බව කී අධ්යක්ෂවරයා එවැනි මාර්ගෝපදේශයක් දුන්විට එයට අනුගත විය නොහැකි බව කිසිවෙක් කියන්නේ නම් ඔවුන්ගේ ඉල්ලීම් ප්රතික්ෂේප කරන්නට සිදුවන බව ද සඳහන් කළේය.
බංග්ලාදේශ කණ්ඩායම තරගය අතරතුරදී ශ්රී ලංකා ක්රිකට් කණ්ඩායම සමඟ කටයුතු කරන නිසා ඔවුන්ගෙන් අයෙකුට කොරෝනා ආසාදනය වී තිබුණහොත් ශ්රී ලංකා කණ්ඩායමට ද කොවිඩ් වැළඳීමේ අවදානමක් මතුවන බව කී විශේෂඥ වෛද්යවරයා ශ්රී ලංකාව එම අවදානම ගත යුතු නැතැයි ද කීවේය.
ඔහු මේ බව පැවසුවේ සෞඛ්ය ප්රවර්ධන කාර්යාංශයේ දී අද (15) පැවති මාධ්ය හමුවක දී මාධ්යවේදියකු නැගූ පැනයකට පිළිතුරු දෙමිනි.
“බංග්ලාදේශ ක්රිකට් කණ්ඩායම මෙරටට පැමිණෙන්නේ නම් සුමාන දෙකක් නිරෝධායනයවීම ඉතා වැදගත්. ඒ කාලය තුළ ඔවුන්ට යෙදිය හැකි ක්රියාකාරකම් ගැන අපට සොයා බැලිය හැකියි. ඔවුන් නිරෝධායනය නොවුණොත් අපේ රටේ පවත්වාගෙන යන ආරක්ෂිත තත්ත්වය පවත්වාගෙන යාමට නොහැකි වෙනවා.” යැයි ද සුදත් සමරවීර මහතා කීවේය.
“මෙහිදී අපි තීරණ ගත යුත්තේ රටවල් දෙකක් අතර ඇති ක්රිකට් තරගාවලියකින් ලැබෙන ආදායම, ජනතාවට ලැබෙන මානසික සහනය ආදී වාසි හා අවාසි සළකා බලලයි.
එහිදී සති දෙකක් නිරෝධායනයවීමට නොහැකි නම් වෙනත් ක්රමවේදයක් බැලිය හැකි නමුත් මේ අවස්ථාවේ සෞඛ්ය අමාත්යාංශය දී ඇති නිර්දේශය වන්නේ කණ්ඩායම හා පැමිණෙන සියලු කාර්ය මණ්ඩල හා නිලධාරීන් සියල්ලන් දී ඇති මාර්ගෝපදේශ අනුව නිරෝධායනය විය යුතුයි.
අපි නිරෝධායනය නොකර මෙරටට ගත්තේ ‘නිව් ඩයමන්ඞ්’ නෞකාවේ ගින්න නිවීමට ආ තාක්ෂණ නිලධාරීන් පමණයි. එම තීරණය ගත්තේ ඔවුන් නිරෝධායනය කරමින් සිටියා නම් නැව සම්පූර්ණයෙන් ගිනිබත්වීමට පවා ඉඩ තිබූ නිසයි.
එවැනි අවස්ථානුකූලව තීරණ ගැනීම කළ හැකියි. අපි තීරණයක් ගතයුත්තේ අවදානම හා වාසියේ ප්රමාණය ගණනය කරලයි.” යනුවෙන් ද වෛද්යවරයා සඳහන් කළේය.
පොලිස් නිලධාරීන්ගේ රාජකාරියට බාධා කිරීම ඇතුළු චෝදනා කිහිපයක් යටතේ දෙමළ ජාතික ජනතා පෙරමුණේ නායක පාර්ලිමේන්තු මන්ත්රී ගජේන්ද්රකුමාර් පොන්නම්බලම්
බස්නාහිර, සබරගමුව සහ මධ්යම පළාත්වලත් ගාල්ල සහ මාතර දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්තුව ක
ගෙවත්තේ ළිඳෙන් ඇඟ සෝදාගෙන රාත්රී 11ට පමණ නිවෙසට එමින් සිටි පාසල් සිසුවියක කිසිවකු විසින් අල්ලා බිම පෙරළාගෙන අතවර කිරීමට උත්සාහ කිරීම හේතුවෙන් ඇය රෝහ
පක්ෂ සාමාජිකත්වය අත්හිටුවන බවට ශ්රී ලංකා නිදහස් පක්ෂයේ හිටපු ජ්යෙෂ්ඨ උප සභාපතිවරයකු වන අමාත්ය නිමල් සිරිපාල ද සිල්වා මහතා ඇතුළු නව දෙනකුට යොමු කර
මෙම වසර ආරම්භයේ සිට පැවති යකඩවල මිල ගණන් මේ වනවිට සියයට පනහකින් පමණ අඩු වී ඇතැයි යකඩ ආනයනකරුවෝ පවසති.
දින 5ක් වයසැති බිළිඳිය, ගලේවෙල ප්රදේශයේ පිහිටි හෝටලයක් තුළ දී හොඳම යෙහෙළිය රවටා ඇයට බාර දී පලා ගොස් ඇතැයි ගලේවෙල පොලිසියේ ළමා හා කාන්තා කාර්යාංශය කියය
මැයි 23, 2023 - කොළඹ දී. දේශයේ රක්ෂකයා ශ්රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක බදුපෙර ලාභයක් සහ රු. බිලියන 41.2 ක ඒකාබද්ධ රක්ෂණ වාරික අදායම් අගයක් වාර්තා
ආබාධිත තත්ත්වයන් හේතුවෙන් වෙනස්ව සැළකීම හා සබැඳි කථිකාවන් වෙනස් කිරීම තුළින් ඒ පිළිබඳව ඇති අපකීර්තිය වෙනස් කිරීම පිණිස Linea Aqua සමාගම හා එක්ව, ආබාධිත පුද්
කොළඹ ඩර්ඩන්ස් රෝහලේ අධ්යාපනික අංශය වන Amrak වෛද්ය විද්යා අධ්යාපන ආයතනය, පසුගියදා ඕස්ට්රේලියාවේ ප්රමුඛතම විශ්ව විද්යාලයක් වන සිඩ්නි තාක්ෂණ
බංග්ලාදේශ ක්රිකට් කණ්ඩායම නිරෝධායනයවීම අනිවාර්යයි
pradeepa Tuesday, 15 September 2020 02:49 PM
ඔය ලොකු කතා ඔක්කොම දේවල් යට යනවා. නාමල් ඇමැතිතුමා ඕඩර් එකක් දුන්නාම, ඔන්න ඊට පස්සේ අපේ දොස්තර මහත්තයත් ක්රිකට් මැච් එක බලයි ගිහිල්ලා.
Prabha Tuesday, 15 September 2020 03:06 PM
හොඳ තීරණයක්. බංගලි හරි ලොකුවට හිතන් ඉන්නේ. වෙනත් රටකට යනවා නම් ඒ රටේ නීතියට ගරු කරන්න ඕනේ.
Hafeel Tuesday, 15 September 2020 03:23 PM
නමුත් තොණ්ඩමන්ගේ අවමංගල්යයේදී ඔය නීති සේරම යටපත් වුණා. ඔහුගේ දියණිය විදේශයේ සිට පැමිණ කිසිම නිරෝධායනයක්වත් නැතිව සහභාගි වුණා නේද?
de silva Tuesday, 15 September 2020 04:06 PM
හෙට අනිද්දාට බලාගන්න පුළුවන් නිරෝධායන නීති ක්රියාත්මක වන විදිහ.
banda Tuesday, 15 September 2020 09:09 PM
මොන නිරෝධායනයක් වත් නෑ. බංගලියෝ සෙල්ලම් කරනවා. මේවා අපිට පේන්න දාන සෝබන...