බැතිමතෙකුට පහර දුන්නැයි දෙවිනුවර දේවාලයේ කපුවා අත්අඩංගුවට

(ක්‍රිෂාන් ජීවක ජයරුක් සහ සුජීව සමරක්කොඩි)

ඓතිහාසික දෙවිනුවර ශ්‍රී විෂ්ණු දේවාලයේ දී පූජා වට්ටියට තබන ලද පඬුරක් ගැට ගැසීම සඳහා රෙදි පටියක් ඉල්ලා සිටි සිව් දරු පියකුගේ හිසට යකඩ බන්දේසියකින් පහරදී තුවාල සිදු කළැයි දේවාලයේ ප්‍රධාන කපුවා අත්අඩංගුවට ගත් බව ගන්දර පොලීසිය පවසයි.

ඉකුත් සිකුරාදා රාත්‍රී එම දේවාලයේ වාර්ෂික ඇසළ උත්සවයේ කෝල්මුර යාගය හෙවත් දේව තොවිලය පැවැත්වීමට පෙර මෙම සිද්ධිය සිදු වී තිබේ.

ප්‍රධාන කපුවාගේ ප්‍රහාරයට ලක්වු බව කියන හොරපාවිට, බමුණුගම පදිංචි බුද්ධික චන්ද්‍රකුමාර හිත්තැටියගේ (44) මහතා වෛද්‍ය ප්‍රතිකාර සඳහා මාතර මහ රෝහල වෙත ඇතුළත්කර සිටියි.

අකුරැස්ස ලංගම ඩිපෝවේ කොන්දොස්තරවරයකු ලෙස රැකියාව කරන ඔහු සිය බිරිඳ හා දරුවන් සිව් දෙනා සමඟ දෙවිනුවර ශ්‍රී විෂ්ණු දේවාලය වැද පුදා ගැනීමට ගොස් තිබේ.

මාතර මහ රෝහලේ ප්‍රකාශකයකු පැවසුවේ බස් කොන්දොස්තරවරයාගේ හිසේ තුවාලයට මැහුම් හතක් යොදා ඇති බවයි.

කෙසේ වෙතත් දෙවිනුවර ශ්‍රී විෂ්ණු උපුල්වන් දේවාලයේ වාර්ෂික ඇසළ උත්සවයේ අවසන් දේව තොවිලය හා දේව දානය ආදී චාරිත්‍ර හේතුවෙන් සැකකාර ප්‍රධාන කපුවා අත්අඩංගුවට ගැනීම පොලීසිය ප්‍රමාද කර තිබිණි.

අදහස් (10)

බැතිමතෙකුට පහර දුන්නැයි දෙවිනුවර දේවාලයේ කපුවා අත්අඩංගුවට

පිටිගල මිලානෝ Sunday, 05 August 2018 10:08 AM

හොර කපුවන්ව එළවා එම තනතුරු ලංකාවේ විරැකියාවෙන් පෙලෙන උපාධිධාරීන්ට දෙන්න. ථේරවාදී බෞද්ධ මේ රටේ බුද්ධාගමට නිසිතැන දෙන්නේ නැහැ කියලා දේශපාලකයන්ටම දොස් කියන්න එපා... මේ හොර කපුවන්ගේ පිහිට සොයායන්නේ වැඩිහරියක් බෞද්ධාගමිකයෝනේ...

: 48 205

kapSunday, 05 August 2018 11:15 AM

උපාධිදාරියෙක්ට දීලා, එයත් කරන්න යන්නේ කපුකමද? නැත්නම් වෙන දෙයක්ද? කොහොමත් ඉතින් දේවාලෙක කරන්න පුළුවන් යාග හෝම විතරයි නේ.. හැබැයි බුද්ධාගම ගැන කිව්ව කතාව ඇත්ත...

: 0 39

Chaminda Sunday, 05 August 2018 10:09 AM

මාර නීතියක්නේ චාරිත්‍ර ඉවර වෙනකල් කපුවා ජොලියේ.. ඕක අනිත් පැත්තට වුනානම් අර මහත්මයා චාරිත්‍ර ඉවර වෙනකල් ඉඳියිද අත්අඩංගුවට ගන්න?

: 0 122

samSunday, 05 August 2018 10:33 AM

ඒ කතාව හරි. මේ කපුවා නැත්නම් වෙන කපුවෙක් ඔය වැඩේ කරන්න ඕනනේ...

: 0 61

samira Sunday, 05 August 2018 10:52 AM

අවිද්‍යාව මිථ්‍යාව සමග බැඳුණු මේ අන්ධභක්තිය කවදා කෙලවර වෙයිද? දැන්වත් මේ හොර කපුවන්ගේ පස්සේ යනඑක නවතීද මන්දා..

: 2 227

erdi Sunday, 05 August 2018 11:04 AM

නිකං රටේ මිනිස්සු රවටමින් ජීවත්වෙන අය.. මේ අපරාධ දෙවියන්ටවත් පේන්නේ නැද්ද? මෙච්චර දියුණු ලෝකයක් වෙලත් අපේ මිනිස්සු මේවට රැවටෙනවා මදිවට ගුටිත් කනවා. (මේ හොර කපුවන්ගෙන් කාන්තාවන්ට අප්‍රමාණ හිරහැර කරදර වෙනවද? එහෙත් ලැජ්ජාවට බයට ඔවුන් ඒවා කියන්න බයයි) මොන දේව කන්නලව්ද හොඳට බීලා පූජා වට්ටියට සල්ලි මදි වෙච්ච ගමන් මලපැනලා ගහන්න ඇති. මෙච්චර ස්වභාවික අනතුරු වෙන රටේ හෙනයක්වත් නැද්ද?

: 20 112

Naushad Sunday, 05 August 2018 11:06 AM

කපුවා කපෝති....

: 15 609

kalani Sunday, 05 August 2018 01:30 PM

ගතින් දිරාපත්ව, දොම්නසින් විපිළිසරව ලෙඩ දුකින් හෙම්බත්ව සිටින මිනිසා මිථ්‍යාවේ ගිලීයාම නිසා තක්කඩි හොර කපුවන්ගේ පහරකෑමට ලක්වීමම මේ බොරුවේ තරම හෙළිවන බව සිතන්න මිනිසුනේ.

: 0 113

N Fernando Sunday, 05 August 2018 03:30 PM

වඳින්න ගිය දේවාලය හිසෙහි කඩා වැටීම වගේ...

: 0 106

pakeer Sunday, 05 August 2018 04:38 PM

මාර වැඩක්නේ. මේ කපුවාට තියෙන්නේ මෙහෙ නීතිය නෙමිද? මේවා තමයි රටක පරිහානියට මුල. වහා අත්අඩංගුවට ගන්න ඕනේ.

: 0 109