’’ලොක්ඩවුන්’’ සීමා ඉවත් කිරීමට ඉක්මන් නොවිය යුතුයි

ලොක්ඩවුන් ඉවත් කළොත් ජන්දෙත් ඉක්මනටම එයි නේද?

ලංකාව මුලින්ම කරන්නේ තිබ්බේ ඇඳිරි නීතිය නෙමෙයි ලොක්ඩවුන් කිරීමයි. දෙකේ වෙනස කලින් කීපසැරයක් ලිව්ව නිසා ආයේ ලියන්නේ නැහැ. කොරෝනා කියන්නේ මාරාන්තික වයිරසයක්. එහි බරපතලකම තේරුම් නොගෙන ඉන්න එකම ආණ්ඩුව ලංකාණ්ඩුව. ඒකයි කියන්නේ අවුරුද්දෙන් පස්සේ ලංකාවේ කොරෝනා ඉවරයි කියලා. මිනිස්සුන්ට ආදරේටද මේ කියන්නේ නැත්නම් ජනාධිපති, කොරෝනා ලේකම් කාර්යාලය සහ වටේ ඉන්න ඇම්බැට්ටයන් පිරිසකට බලලෝභය ඉස්සරහට ඇවිල්ලා මහමැතිවරණය තියන්න ඕනේ නිසාද කියන එක ළදරුවෙකුටත් තේරෙන දෙයක්. සිංහල අවුරුද්දෙන් පස්සේ ලංකාව කොරෝනා මැඩ පවත්තපු එකම රට වෙනවලු. ලෝකේ මෙහෙම කියන එකම රට ලංකාව. හැබැයි මිලියන 22ක් ඉන්න රටේ තවම කොරෝනා පරීක්ෂණ කරලා තියෙන්නේ 3268කට විතරයි. අනිත් රටවල් ලොක්ඩවුන් කරනවා ජූනි අග වෙනකම්. ඔවුන් බලා ඉන්නේ එන්නත එනකම්. ඒකයි ඒ රටවල ඇඳිරි නීති නොදා ලොක්ඩවුන් කරලා තියෙන්නේ.

එදා වේල හොයාගෙන කාපු මිලියන ගානක් කුසගින්නේ .මුල් කාලේ බඩු ලොරි 7,8 ආවා. දැන් එන්නේ නෑ. විකිනෙන්නේ නෑ. මිනිසුන්ට බඩු ගන්න සල්ලි කෝ ?

ලෝක සෞඛ්‍ය සංවිධානය මේ කරන අවවාදය සාධාරණයි. ඔවුන් මුල ඉඳන්ම ලෝකෙට කිව්වේ ආසාදිතයන් හඳුනාගෙන වෙන්කරගන්න ටෙස්ට් ටෙස්ට් ටෙස්ට් කියලා. ඒ ගැන නොසලකපු රටවල අද දස දහස් ගණන් මිනිස්සු මැරෙනවා. ලංකාණ්ඩුවේ කතා පරස්පරයි. අද අප්‍රේල් 11 හවස. පොලිසිය කියනවා මුහුණු ආවරණ නැතුව පාරට එන්න එපාලු. ආණ්ඩුව කියනවා සිංහල අවුරුද්දෙන් පස්සේ 20 - 25 වෙනකොට කොරෝන ඉවරලු. අද ඉඳලා දවස් 10කින් කොරෝනා ඉවර වෙන්න ලංකාවේ සිද්ධ වෙන මහා හාස්කම මොකක්ද? වගකිවයුතු රජයක් විදිහට, මිලියන 22ක් ඉන්න රටේ අඩු ගානේ එක මිනිස්සු ලක්ෂයක්, දෙකක් ටෙස්ට් කරලා ප්‍රතිඵල පෙන්වලා කතා කරන්න. නිකම් ජන්ද උණ විකාරෙන් දොඩවන්නේ නැතුව....මැතිවරණ සභාපති එක්ක මගේ වැඩි ඇයි හොඳයියක් නැති වුනත් මේ වෙලාවේ බලලෝභී දේශපාලකයන්ගේ නිවට බලපෑම් වලට යට නොවී ජනතාවට ජීවිත අවදානමක් දෙන්නේ නැතුව ජනතාව පැත්තෙන් හිතලා ජන්දය ගැන තීරණයක් ගන්න.

මෙච්චර කල් කොරෝනා වයිරසයේ භයානකකම ගැන කතා කරපු ලංකාවේ මුල් පෙළේ පිරිස එක පාරට යූ ටර්න් ග‍‍‍‍‍‍‍‍‍හලා දැන් කියනවා එච්චර ප්‍රශ්නයක් නැහැලු. වැඩිය ලෙඩ්ඩුත් නෑලු. මම හිතන්නේ මොකකට හරි බය වෙලා තමයි යූටර්න් ගැහැව්වේ. කොරෝනා වලටත් වැඩියෙන් මේ වෙලාවේ මේ ගොල්ලන්ව බය කරපු දේ මොකක් වෙන්න පුලුවන්ද?

දැන් නම් කාලය හොඳයි ඇඳිරි නීතිය අයින් කරන්න....