(පුෂ්පකුමාර මල්ලවආරච්චි)

බොරැල්ල දේවස්ථානයේ දී  සිදුවී ඇත්තේ ඇපලෝ රෝහලේ වූ ආකාරයෙන්ම සිද්ධියක් යැයි මහජන ආරක්ෂක ඇමති රියාද් අද්මිරාල් සරත් වීරසේකර මහතා බව පවසයි.

අත්අඩංගුවට පත්ව ඇති සැකකරු මාස 10ක කාලයක් එම දේවස්ථානය සේවය කළ පුද්ගලයකු බව ද ඔහු සිද්ධිය පිළිගෙන ඇති බව ද  ඇමැතිවරයා සඳහන් කළේය.

පොලිසියට ලබා දිය යුතු තොරතුරු පොලිසියට ලබා නොදී මාධ්‍යයට ලබා දීමෙන් එම අපරාධයන්ට අදාළ සැකකරුවන් හැංඟෙන බැවින් එය පොලිස් පරීක්ෂණ පවත්වා ගැනීමට බාධාවක් බව ද කීය.

බෝම්බය රැගෙන ආ බව කියන පුද්ගලයා විසින්ම එය පෙන්වා දී ඇතැයි ඇමැතිවරයා පෙන්වා දුන්නේය. බිම තිබූ බෝම්බය අල්තාරයමතින් තිබ්බේ තමන් බවට ඔහු පිළිගෙන ඇති බව ඇමැතිවරයා සඳහන් කළේය.

සැකකරුගේ කාමරේ ගිනිකූරු හඳුන්කූරු ටේප් ආදිය ද තිබී හමුවී ඇතැයි ප්‍රකාශ කළ සරත් වීරසේකර මහතා මෙම පරීක්ෂණ සිදුවන ආකාරය වැරදියි කියන එක වැරදි ප්‍රකාශයක් බව අවධාරණය කරනු ලැබීය.

පොලිසිය ගැන විශ්වාසය නැති වන ආකාරයෙන් ප්‍රකාශ නිකුත් කිරීම නිසා පොලිස් පරීක්ෂණ පවත්වාගෙන යාම මහත් ගැටළුවක් වනු ඇතැයි ඔහු වැඩිදුරටත් සඳහන් කළේය.

ඇමැතිවරයා මේ බව ප්‍රකාශ කළේ නුංගමුව නව පොලිස් ස්ථානය විවෘත කිරීමෙන් අනතුරුව මාධ්‍ය හමුවේ දී අදහස් දක්වමිනි.