(යොහාන් භාසුර)

ඉන්දියාවේ කේරළයේ විජින්ජම් වෙරළ තීරයේදී හෙරොයින් කිලෝ 300 ක්, ගිනිඅවි සහ පතරොම් තොගයක් සමඟ ශ්‍රී ලංකා ධීවර යාත‍්‍රාවක් ශ්‍රී ලාංකිකයන් හය දෙනකු සමඟ ඉන්දීය වෙරළාආරක්‍ෂක බලකාය අත්අඩංගුවට ගෙන තිබේ.

මෙම යාත‍්‍රාවේ තිබී ඒ.කේ. 47 රයිෆල් 5 ක් සහ මිලිමීටර නවය පතොරම් 1000 ක් ද අත්අඩංගුවට ගෙන ඇති බව ඉන්දීය මත්ද්‍රව්‍ය කාර්යංශය පවසයි.

හෙරොයින් තොගය පැකට් 301 ක් ලෙස යාත‍්‍රාවේ ජල ටැංකියේ සඟවා තිබියදී සොයාගෙන ඇති අතර එම සෑම හෙරොයින් පැකට්ටුවකම පියාසර කරන අශ්වයකුගේ රූපයක් සටහන්ව ඇති බව මාධ්‍ය වාර්තා කරයි. මෙම හෙරොයින් සහ ආයුධ තොගය ඉරානයේ චබාහාර් වරායෙන් ගෙනවිත් ලක්ෂීවීප් අසළ මුහුදුදේදී ‘රවිහංසි’ නැමැති බහුදින ධීවර යාත‍්‍රාවට මාරුකර ඇති බවත් යාත‍්‍රාව චෙන්නායි වෙරළාආරක්‍ෂක බලකාය බාරයට ගෙන ඇති බවත් ඉන්දීය මාධ්‍ය වැඩි දුරටත් වාර්තා කරයි.

අත්අඩංගුවට පත් ශ්‍රී ලාංකිකයන් හය දෙනා අධිකරණයට ඉදිරිපත් කර රිමාන්ඞ් බාරයට පත්කර ඇති බව ඉන්දීය මාධ්‍ය වාර්තා කරයි.

පොලිස් මාධ්‍ය ප‍්‍රකාශක නියෝජ්‍ය පොලිස්පති අජිත් රෝහණ මහතා පැවසුවේ මෙම අත්අඩංගුවට ගැනීම පිළිබ`දව මේ දක්වා ශ්‍රී ලංකා පොලිසිය දැනුවත් කර නොමැති බවයි.

(යොහාන් භාසුර)

ඉන්දියාවේ කේරළයේදී හෙරොයින් කිලෝ 300 ක් සහ ගිනිඅවි තොගයක් සමඟ ශ්‍රී ලංකා ධීවර යාත්‍රාවක් සහ පුද්ගලයින් හය දෙනකු අත්අඩංගුවට ගත් බව විදේශ මාධ්‍ය වාර්තා කරයි.

මෙම යාත්‍රාවේ තිබී ඒ.කේ. රයිෆල් වර්ගයේ ගිනිඅවි සහ පතොරම් විශාල සංඛ්‍යාවක් ද අත්අඩංගුවට ගෙන ඇති බව විදේශ මාධ්‍ය වැඩි දුරටත් කියයි.

පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසුවේ මෙම අත්අඩංගුවට ගැනීම පිළිබඳව මේ දක්වා ශ්‍රී ලංකා පොලිසිය දැනුවත් කර නොමැති බවයි.