සිතුම් චතුරංග 

වවුනියාව සෙට්ටිකුලම ප‍්‍රදේශයේදී රිය අනතුරක් සිදුකොට පොලිස් ප‍්‍රභූ ආරක්ෂක අංශයේ සැරයන්වරයකු මියයෑම සම්බන්ධයෙන් වවුනියාව මහධිකරණයේ විභාගවන නඩුවකට අදාල සාක්ෂි කරුවන් වෙත බලපෑම් කිරීම හා බියවැද්දීම සම්බන්ධයෙන් හිටපු පාර්ලිමේන්තු මන්ත‍්‍රී ජේ.ශ‍්‍රිරංගා මහතා අත්අඩංගුවට ගෙන අධිකරණයට ඉදිරිපත්කරන ලෙස වවුනියාව (මන්නාරම* මහාධිකරණ විනිසුරු මොහොමඞ් නිහාල් මහතා  වරෙන්තු නිකුත් කළේය.

සිය නිල රථයෙන් 2011 වසරේ මාර්තු 30 වැනිදා වවුනියාව සෙට්ටිකුලම ප‍්‍රදේශයේදී රිය අනතුරක් සිදුකොට පොලිස් ප‍්‍රභූ ආරක්ෂක අංශයේ සැරයන්වරයකු මියයෑම සම්බන්ධයෙන් සාවද්‍ය මනුෂ්‍ය ඝාතනයක් සිදුකිරීම හා අසත්‍ය තොරතුරු ඉදිරිපත් කරමින් තොරතුරු වසන් කිරීම සම්බන්ධයෙන් අධිචොදනා ලැබ හිටපු පාර්ලිමේන්තු මන්ත‍්‍රී ජේ.ශ‍්‍රී රංගා මහතාට එරෙහිව වවුනියාව මහධිකරණයේ විභාගවන නඩුවකට අදාලව සාක්ෂි ලබාදුන් දෙදෙනකුට ඔහු විසින් දුරකථන ඇමතුම් ලබාදී පසුව සාක්ෂිකරුවන් වෑන් රථයක නංවා වෙනත් ස්ථානයකට රැගෙන ගොස් බලපෑම් කිරීම පිළිබ`දව පොලිස් විශේෂ විමර්ශන ඒකකයේ නිලධාරීන් සිදුකළ අනාවරණයක් මත හිටපු පාර්ලිමේන්තු මන්ත‍්‍රීවරයා අත්අඩංගුවට ගෙන අධිකරණයට ඉදිරිපත් කරන ලෙස වරෙන්තු නිකුත් කළේය.

හිටපු මන්ත‍්‍රීවරයා තම පෞද්ගලික කටයුත්තක් සඳහා මැදවච්චිය සිට සෙට්ටිකුලම මැණික්ෆාම් ප‍්‍රදේශයට ගමන්කරමින් සිටියදී තම ලියාපදිංචි නොකළ ජිප් රථයේ වේගය පාලනය කරගැනීමට නොහැකිව සෙට්ටිකුලම රෝහලෙහි තාප්පයේ ගැටී රියදුරු අසුනට වම්පස සිටි සැරයන්වරයා වූ අලව්ව, නවතල්වත්ත ප‍්‍රදේශයේ පදිංචි තිදරු පියකුවූ සැරයන්  ජි.උදය ජයමිණි පුෂ්පකුමාර නිලධාරියා මිය ගියේය .