හදවත උණු වුණු ළමා දොස්තර

(ක්‍රිෂාන් ජීවක ජයරුක්)

ඇදුම රෝගය උත්සන්න වී මාතර මහ රෝහලට පැමීණි දස හැවිරිදි දරුවකුට අවශ්‍ය ඇස්තලින් සොලූෂන් නැමැති ඖෂධය එම අවස්ථාවේ නොමැති වීම නිසා දරුවා පත් වූ තත්වය දැක සංවේදී වු ළමා රෝග විශේෂඥ වෛද්‍ය සමත් සමිත සෝමරත්න මහතා එම ඖෂධ තොගයක් පුද්ගලික වියදමින් පරිත්‍යාග කළේය.

රුපියල් ලක්ෂ එක හමාරකට ආසන්න වටිනාකමකින් යුත් එම ඖෂධ තොගය මාසයකට පමණ රෝගීන්ගේ අවශ්‍යතාවය වෙනුවෙන් ප්‍රයෝජනයට ගත හැකි බව එහිදී අනාවරණය විය.

මොරවක පදිංචි කුඩා දරුවකු ඇදුම රෝගය උත්සන්න වී මොරවක රජයේ රෝහලේ සිට සිය මිත්තනිය සමග මාතර මහ රෝහලට මාරු කර එවා තිබීණි.

එම අවස්ථාවේ මාතර මහ රෝහලේ ළමා වාට්ටුවේ සිටි විශේෂඥ වෛද්‍ය සමත් සමිත සෝමරත්න මහතා දරුවා පරික්ෂා කොට අවදානම් තත්වයෙන් මුදවා ගැනීමට වහා ඇස්තලින් සොලූෂන් ඖෂධය යොදා දූමායනය කළ යුතු බව වාට්ටු කාර්ය මණ්ඩලයට නියම කළේය.

එහෙත් එම අවස්ථාවේ අදාල ඖෂධය නොමැති බව සැලවීමත් සමග විශේෂඥ වෛද්‍යවරයා ඇතුළු කාර්ය මණ්ඩලය සිය සම්බන්ධතා මත අදාල ඖෂධය පිටතින් ගෙන්වා අදාල දරුවාට ලබා දී ජීවිතය බේරා ගෙන ඇත.

දරුවා සමග පැමිණි වයෝවෘද්ධ මිත්තනිය දරුවාගේ අප්පොච්චි නොමැති බවත් මව විදෙස්ගතව ඇති බවත් ඉතා දුප්පත් බවත් පැවසීම මත විශේෂඥ වෛද්‍ය සමත් සමිත සෝමරත්න මහතා දැඩි ලෙස සංවේදී වී තිබේ.

ඔහු එම අවස්ථාවේදීම ඉහල බලධාරීන්ට ද ඒ බව දන්වා ඇත. දැනට වෙලදපොලේ ද ඇස්තලින් සොලූෂන් ඖෂධ හිගයක් පවතී.

එම නිසා විශේෂඥ වෛද්‍ය සමත් සෝමරත්න මහතා ගාල්ලෙන් හා මාතර නගරයේ පෞද්ගලික ඔසු සැලකින් ඇස්තලින් සොලූෂන් ඖෂධ කුප්පි 370 ක් මිලදී ගෙනවිත් මාතර මහ රෝහලේ අධ්‍යක්ෂ වෛද්‍ය උපාලි කරුණාරත්න මහතා වෙත භාර දුන්නේය.

අදහස් (12)

හදවත උණු වුණු ළමා දොස්තර

අනුර මාරසිංහ Tuesday, 25 March 2025 04:28 PM

විපතකදී අසරණ වන මිනිසුන් පිළිබඳ මේ අයුරින් පිළිසරණ වන්නට හැකිනම් මේ ලොව කෙතරම් යහපත් සුන්දර තැනක් වන්නේද..! එතුමාට අපේ ප්‍රණාමය..! හිටියොත් හොඳට හැදී දෙවියොත් නමට වඳී..!

: 1 91

Rathnayake Mudiyanselage Upali Rathnayake Tuesday, 25 March 2025 04:48 PM

උතුම් මිනිසෙක්...! උතුම් ආදර්ශයක්...!

: 0 73

ගමේ එකාලා Tuesday, 25 March 2025 05:00 PM

මානුෂික හැඟීම් ඇති ගුණ යහපත් දොස්තරලා අපේ රටේ නැතුව නොවේ. මෙතුමා කළේ උතුම් ක්‍රියාවක්. අපේ ප්‍රණාමය පුදකරනවා...

: 0 65

Rishad Tuesday, 25 March 2025 05:03 PM

ඔබගේ සේවය විශිෂ්ඨයි. මෙතුමා තංගල්ලේ කාලයක් වැඩ කළා. හරි හොඳ දොස්තර කෙනෙක්...

: 0 57

de silva Tuesday, 25 March 2025 05:09 PM

අසරණ රෝගීන්ගේ ජීවිත වලට වැඩිය පාලකයින්ට වටින්නේ ශ්‍රී ලන්කන් සුදු අලියා වැනි දේවල්, ඒක අපේ ජාතික අභිමානේ, අපේ පම්පෝරිය, ඒකේ පාඩුව මාස 7-8 කට රුපියල් කෝටි 2000 පමණ ඒවා පියවන්න නම් මුදල් අපට තිබෙනවා. බෙහෙත් ගන්න සල්ලි නැති වුණාට, දරුවගේ වාසනාවට මේ උතුම් දොස්තර මහත්මයා සිටියි. නැතිනම් ජීවිතේ අනතුරේ... බෙහෙත් ගන්න සල්ලි නැතිව දහස් ගණනක් පසුගිය වසර 10 තුළ මියයන්න ඇති, නමුත් අපිට අපේ ශ්‍රී ලන්කන් සුදු අලියා වටිනවා...

: 4 35

Shantha - Qatar Tuesday, 25 March 2025 06:36 PM

වන සිවුපාවුන් වැනි ඉනිසුන් මැද දෙවි දේවතාවුන් වැනි මිනිසුන් ඇත

: 0 2

ලක්විදු Tuesday, 25 March 2025 06:47 PM

හැබැයි මෙයාම තමන්ගෙ අයිතිවාසිකම් වෙනුවෙන් වර්ජනය කරනකොට, ඔය ගුණ වනන අයම බනින්නෙ බල්ලට වගේ…!

: 1 0

Senula Tuesday, 25 March 2025 08:00 PM

රට සශ්‍රීක කරලා රටට කරන්න පච කෙලගෙන ආපු දේශපාලුවන් කොහේද? මෙන්න බලාපල්ලා. දොස්තරලා ඉස්පිරිතාල වලට බෙහෙත් දෙන්නේ... ජනපති, සෞඛ්‍ය ඇමැතියා කෝ..?

: 1 1

කපුරු හාම් Tuesday, 25 March 2025 08:33 PM

ඒකටත් හරියන්න ලෙඩ්ඩුන්ව අසරණ කරලා, මැරෙන්න හැරලා ස්ට්‍රයික් කරන දොස්තරලාත් ඉන්නවා.

: 0 1

Deepal Wednesday, 26 March 2025 06:21 AM

ගොඩක් ගය කරනවා. උතුම් සත් ක්‍රියාවක්.

: 0 4

රුවන් Wednesday, 26 March 2025 06:36 AM

GOMA සභාපතිකම දෙන්න ඕනේ මේ වගේ දෙවිවරුන්ට මිසක් ඇමරිකාවේ වීසා ලැබිච්ච නැති එකට ජනතාවගෙන් පලි ගන්න වෛද්‍ය ඩ්‍රැකියුලාට නෙමෙයි. ආරංචි විදියට ගිය සතියෙත් ඇමරිකාවේ තානාපති කාර්යාලයට රිංගලාලු

: 0 6

Sanjeewa Wednesday, 26 March 2025 10:00 AM

බුදුසරණයි

: 0 5

ඔබේ අදහස් එවන්න

එසැණ පුවත්

දළදා වන්දනාවේ ආරක්ෂාවට බුද්ධි අංශයේ 1000ක්

2025 අප්‍රේල් මස 19 380 0

මහනුවර දළදා වන්දනාවට පැමිණෙන ජනතාවගේ ආරක්ෂාව සඳහා බුද්ධි අංශ නිලධාරීන්ද දහසක් යොදවා ඇති බව පොලිසිය පවසයි.

අතිරේක භෝග වගාවට 15000ක සහනාධාරයක්

2025 අප්‍රේල් මස 19 213 0

යල කන්නයේදී කුඹුරුවල අතිරේක භෝග වගාවලට රුපියල් 15000ක සහනාධාරයක් ලබාදීමට රජය තීරණය කර ඇත.

තියෙන නීති මදි නම් ජාතිවාදයට එරෙහිව අලුත් නීති හදනවා

2025 අප්‍රේල් මස 19 581 0

දරුවන්ගේ පරපුර කවදාවත් යළි යුද්ධ නොකරන රටක් ගොඩ නගන බව ජනාධිපති අනුර කුමාර දිසානායක මහතා තලවකැලේ ජනරැළියේදී අද පැවසීය.

ආණ්ඩුව මන්තර වගේ බොරුව ජප කරනවා

2025 අප්‍රේල් මස 19 327 0

මාලිමාවේ පච දේශපාලනය නිසා බහුතරයකට ආණ්ඩුව එපා වී ඇතැයි විපක්ෂ නායක සජිත් ප්‍රේමදාස මහතා මින්නේරිය ජන රැලියකදී පැවසීය.

කුරුණෑගල පැරණි ස්මාරක රැසකුත් කළුගල් කොරිවලට බිලි

2025 අප්‍රේල් මස 19 636 0

කළු ගල් ව්‍යාපෘති තුනකට නිසි පරීක්ෂාවකින් තොරව කළු ගල් කැණීමේ බලපත්‍ර නිකුත් කිරීම හේතුවෙන් කුරුණෑගල දිස්ත්‍රික්කයේ පුරාවිද්‍යා ස්මාරක රැසකට හානි

ඇමති බංගලා වලට දෙස් විදෙස් ආයෝජකයෝත් පොරයක

2025 අප්‍රේල් මස 19 1512 0

කොළඹ ඇමති බංගලා තමන්ගේ ව්‍යාපාර කටයුතු සඳහා දෙන්නැයි දෙස් විදෙස් ආයෝජකයන් දහයකට ආසන්න පිරිසක් ඉල්ලීම් කර ඇති බව රාජ්‍ය පරිපාලන පළාත් සභා හා පළාත් පා