(ගයාන් සූරියආරච්චි සහ ජේ.එ.එල්. ජයසිංහ)

හන්තාන කඳුවැටිය තරණය කිරීමට ගොස් අතරමං වූ කලණිය විශ්ව විද්‍යාලයේ සහ රාගම වෛද්‍ය පීඨයේ සිසුන් පිරිසක් මුදා ගැනීමේ මෙහෙයුම්වල නිරත වෙමින් සිටින බව මහනුවර මූලස්ථාන පොලිසිය ප්‍රධාන පොලිස් පරීක්ෂක රසික සම්පත් මහතා පවසයි.

සිසුන් 180 පමණ හන්තන මූලික අධ්‍යයනය ආයතනය ප්‍රදේශයෙන් හන්තාන කඳුවැටිය කඳු වැටිය තරණය කිරීමට අද උදෑසන ගමන් කර තිබූ බව පොලිසිය පවසයි.

සිසුන් 180 ගෙන් එකසිය පනස් දෙනෙකු පමණ මහනුවර පොලිසියේ නිලධාරීන් සහ යුද හමුදාව එක්ව බේරාගෙන ඇති බව පොලිසිය පවසයි.

හන්තාන කන්ද තරණය කර සවස් කාලයේ නැවත පැමිණීමේදී අධික මීදුම වැස්ස සහ කළුවර හේතුවෙන් සිසුන්ට පාරවල් සොයා ගැනීමට නොහැකි වී ඇති බව පොලිසිය පවසයි.

අතරමං වු අනෙක් සිසුන් සොයමින් මෙහෙයුම් තවදුරටත්සිදුකෙරෙමින් පවතින බව පොලිසියේ ප්‍රධාන පොලිස් පරීක්ෂක රසික සම්පත් මහතා පවසයි.