(අජන්ත කුමාර අගලකඩ)

ආණ්ඩුවට එරෙහිව සමගි ජන බලවේගය විසින් කථානායකවරයාට බාර දෙන ලද විශ්වාසභංග යෝජනාවට සහාය දීම සම්බන්ධයෙන් ආණ්ඩුවෙන් ස්වාධීන වු මන්ත්‍රී කණ්ඩායම කොන්දේසි දෙකක් පනවා ඇත.

විශ්වාසභංග යෝජනාව ජයග්‍රහණය කිරීමෙන් පසුව සර්ව පාක්ෂික ආණ්ඩුවක් පිහිටුවීමට එකඟ වන්නේ ද ,එසේ නැතිනම් සමගි බලවේගය ආණ්ඩුවක් පිහිටුවන්නේ ද යන්න සම්බන්ධයෙන් පැහැදිලි ප්‍රතිඥාවක් ලබා දෙන්නැයි ආණ්ඩුවෙන් ස්වාධීන වූ මන්ත්‍රී කණ්ඩායම විපක්ෂ නායක සජිත් ප්‍රේමදාස මහතාට ලිපියක් යවමින් විමසා ඇත.

එම කොන්දේසිවලට එකඟ වන්නේ නම් පමණක් තම කණ්ඩායම විශ්වාසභංග සඳහා සහාය ලබාදෙන බවද එම මන්ත්‍රී කණ්ඩායම දැනුම් දී ඇත.

මෛත්‍රිපාල සිරිසේන, වාසුදේව නානායක්කාර, අනුර ප්‍රියදර්ශන යාපා, විජයදාස රාජපක්ෂ ,විමල් වීරවංශ ,උදය ගම්මන්පිල යන මහත්වරුන් ඇතුළු මන්ත්‍රී කණ්ඩායමේ නායකයන්ගේ අත්සනින් මෙම ලිපිය භාරදී ඇත.

එම ලිපිය සම්බන්ධයෙන් සිය ප්‍රතිචාරය ලබන සතිය තුළ ලබා දෙන්නැයි ද මන්ත්‍රී කණ්ඩායම විපක්ෂ නායකවරයගෙන් ඉල්ලීමක් කර ඇත.