(ඉන්දිකා රාමනායක)

ව්‍යාජ විදේශ  ගමන් බලපත්‍රයක් භාවිතා කරමින්  ඉකුත් (19) දින කටුනායක ගුවන් තොටින්  මෙරටට ඇතුළු සිටි  චීන ජාතිකයා  අද  (8) පස්වරුවේ  ආගමන විගමන නිලධාරීන්  දැඩි රැකවල් මැද කටුනායක ගුවන්තොටුපොළ වෙත රැගෙනවිත් පිටුවහල් කර ඇත.

මෙම  චීන ජාතිකයා වහාම රටින් පිටුවහල් කරන ලෙසට මහජන ආරක්ෂක අමාත්‍ය ටිරාන් අලස් මහතා   ආගමන විගමන පාලකවරයා වෙත කර තිබු දැනුම් දීමකට අනුව මෙම පිටුවහල් කිරීම සිදුකළ බව එම අමාත්‍යාංශය පවසයි.

මෙම චීන ජාතිකයා  ඉකුත් (19) දින  ගිනි රාජ්‍ය  විදෙස් ගමන් බලපත්‍රයක් සමග  මෙරටට පැමිණි  අවස්ථාවේ ඔහු  අගමන විගමන  නිලධාරීන් විසින් මෙම චීන ජාතිකයා  එදිනම පිටුවහල් කිරීමට උත්සහ කළ අවස්ථාවේ ප්‍රබල  ඇමැතිවරයකුගේ ලිඛිත ඉල්ලීමකට අනුව ඔහුට රට තුළට ඇතුලු වීමට අවසර ලැබී තිබුණි.