විපක්ෂ නායිකා කලීඩා ෂියා නිදහස්

බංග්ලාදේශ විපක්ෂ නායිකා කලීඩා ෂියා ඇතුළු, සිර දඩුවම් විඳිමින් සිටි එරට විපක්ෂ දේශපාලන ක්‍රියාකාරීන් සියලු දෙනා නිදහස් කිරීමට බංග්ලාදේශ ජනාධිපති මොහොමඩ් ෂහබුදීන් නියෝග කර තිබේ.

බංග්ලාදේශ ජනාධිපති මොහොමඩ් ෂහබුදීන් මෙසේ නියෝග කළේ ශිෂ්‍ය විරෝධතා හමුවේ, බංග්ලාදේශ අග්‍රාමාත්‍ය ෂෙයික් හසීනා, ධුරයෙන් ඉල්ලා අස්වී, රටින් ද පලා යෑමත්, හමුදාව එරට බලය අත්පත් කර ගැනීමත් සමඟය.

බංග්ලාදේශ ජනාධිපති මොහොමඩ් ෂහබුදීන් මෙසේ නියෝග කළේ හමුදාපති ජනරාල් වකාර් උස් සමාන්, නාවික හමුදාපති සහ ගුවන් හමුදාපති සමඟ එක් වී සාකච්ඡා පැවැත්වීමෙන් ද අනතුරුවය.

මෙම හමුවට බංග්ලාදේශ ජාතික පක්ෂයේ සාමාජිකයන් සහ තවත් විපක්ෂ දේශපාලන පක්ෂයක් වන ජමාත් ඊ ඉස්ලාමී පක්ෂයේ සාමාජිකයන් ද එක් වී සිටි බව පැවැසෙයි. ෂෙයික් හසීනාගේ පලා යෑමෙන් පසු අන්තර්වාර රජයක් පිහිටුවීමට පියවර ගන්නා බව හමුදාව පවසා තිබේ.

අදහස් (5)

විපක්ෂ නායිකා කලීඩා ෂියා නිදහස්

sam Tuesday, 06 August 2024 06:40 AM

මෙයාත් හිරේ ගියේ දූෂණ චෝදනා වලටයි

: 0 0

පිනා Tuesday, 06 August 2024 08:23 AM

දැක්ක ගමන් හිතුන ලෝක හෙරක් වෙන්න ඇති කියල ,බැලුවහම හරි , පවුල් පිටින් එකතු වෙලා මිනිසුන්ගේ සල්ලි හොරා කාපු පවුලක් , දැන් සමහරවිට බලය ආපහු ලබාගන්නත් හොරා කන්නත් චාන්ස් එකක් ලැබිලා

: 41 1

Lalla Tuesday, 06 August 2024 09:15 AM

බලයෙන් ඉදිමෙන අයට වෙන දේ. රාජපක්ෂ සනුහරේට වෙන්නේත් මේකයි... අනාගත රජ අංක දෙක...

: 36 8

අරුණ Tuesday, 06 August 2024 02:42 PM

නිවට සිංහලයෝ වර්ථමානයේ බලයේ නැති රාජපක්ෂ නමට අදටත් මෙච්චර බයනම් ඒ කාලයේ කොහොම බයක් තියෙන්න ඇද්ද?

: 4 49

අරුණ Tuesday, 06 August 2024 02:45 PM

අධිකරන තීන්ඳු අභිබවා නිකං හිතුමතේට නිසි ක්‍රමෝපායන් නැතුව මේ වගේ නිදහස් කරන්න පුලුවන්ද?

: 0 32