රජිව් ගාන්ධි මැරූ කොටි කතගෙන් පොතක්

කොටි සංවිධානයේ මරාගෙන මැරෙන බෝම්බ ප‍්‍රහාරයකින් ඉන්දියාවේ හිටපු අග‍්‍රාමාත්‍ය රජීව් ගාන්ධි ඝාතනය කිරීම සම්බන්ධයෙන් වැරදිකරුවී ජීවිතාන්තය දක්වා සිර දඬුවමක් විඳිමින් සිටින නලිනි ශ්‍රීහරන් නමැති කොටි කත සිය ජීවිත කතාව ඇතුළත් ස්වයං චරිතාපදාන ග්‍රන්ථයක් බ‍්‍රහස්පතින්දා (24)චෙන්නායි නුවරදී එළිදැක්වීමට නියමිතව ඇතැයි ‘‘ටයිම්ස් ඔෆ් ඉන්දියා’’ පුවත්සේවය කියයි.

දෙමළ භාෂාවෙන් ලියැවී ඇති මෙම ග‍්‍රන්ථය පිටු 500 කින් සමන්විතවන අතර මෙම ජීවිත කතාව පොතක් වශයෙන් එළිදැක්වීමට ඇයට වසරකට වැඩි කාලයක් ගතවී ඇතැයිද කියති.

බන්ධනාගාරයේ රැඳවියන් අමුත්තන් හමුවන ස්ථානයේ සිට ඇය කියූ කථාව ඇයගේ නීතීඥවරයා වන පූග සෙන්ති විසින් සටහන් කර ගැනීමෙන් අනතුරුව මෙය ග‍්‍රන්ථයක් වශයෙන් ප‍්‍රකාශයට පත් කැර ඇත.

රජීව් ඝාතන සිද්ධියට අදාළව එරට අධිකරණයෙන් දඬුවම් නියමව වසර 25කට වැඩි කාලයක් ඉන්දියාවේ වෙල්ලෝර් බන්ධනාගාරයේ බන්ධනාගාරගතව සිටියදී ඇය ලත් අමිහිරි අත්දැකීම්, වද හිංසා ,දේශපාලන අතපෙවීම් සහ විවිධ තමිල්නාඩු දේශපාලනඥයින්ගේ ප‍්‍රතිචාර හා බලපෑම් යනාදිය පිළිබඳව මෙම ග‍්‍රන්ථයේ ඇතුළත්ව ඇතැයි කියති.

අදහස් (0)

රජිව් ගාන්ධි මැරූ කොටි කතගෙන් පොතක්

ගිහාන් Tuesday, 22 November 2016 01:10 AM

"සාර්ථකව මිනීමැරුමක් කරගන්නා ආකාරය" එයාලා හොඳට දන්නවා ඇති (නි)

: 0 0

අමරවීර Monday, 21 November 2016 01:15 AM

වද හිංසා..? මෙයා රජිව් ගාන්ධි මරකොට ඒ මනුස්සයට වද හිංසා දැනුනේ නැද්ද. (නි)

: 0 0

පහන් Monday, 21 November 2016 02:00 AM

පොත් ලියන්න නෙමෙයි, දඬුවම් දෙන්නයි තියෙන්නේ. (නි)

: 0 0

සත්‍යයා Monday, 21 November 2016 03:45 AM

රජීව් ගාන්ධිට ගහපු අපේ සමහරුත් පොත් කිහිපයක්ම ලිව්වනේ. රජීව් ගාන්ධි දිව්‍ය ලෝකයට ගිහින් සුරසැප විඳිනවා ඇති. අපේ අය නම් හෙමින් හෙමින් අපායට යන්න සුදානම් වෙනවා. (නි)

: 0 0

බන්දුල Monday, 21 November 2016 03:51 AM

වටිනා මිනිසුන් සහ ප්‍රභූවරු මරලා වීරයෝ වෙන්න පොතක් ලියනවා. මිනිහෙක් මරනවා කියන එක සුළු දෙයක් නොවේ. මේකත් දැන් නාඩගමක් වෙලා (නි)

: 0 0

මෙන්ඩිස් Monday, 21 November 2016 03:58 AM

ලංකාවට අායෙත් යුද්ධයක් නම් එපා. ලංකාවේ තිබුණු නිදහස මිනිසුන් විසින්ම නැති කරගෙන තියෙන්නේ. ළඟ තියෙන ඉන්දියාවෙන් හෝ වේවා දුර තියෙන ඇමරිකාවෙන් හෝ වේවා ලංකාවේ අභ්‍යන්තර කටයුතු වලට ඇඟිලි ගැසීමට අපහසු රාජ්‍ය වැඩපිළිවෙලක් අවශ්ශ්‍යයි. (නි)

: 0 0

එරන්ද Monday, 21 November 2016 06:37 AM

දැන් හැමෝම පොත් ලියන්න පටන් අරන් (නි)

: 0 0

විජය Monday, 21 November 2016 06:57 AM

හැමෝම පොත් ලියනවා නමුත් සරත් ෆොන්සේකා පොතේ වැඩ කවදා ඉවර කරාවිද? සමහර විට ජනාධිපති වුණාම ඉවර කරාවී. (බ)

: 0 0

ශෂී Monday, 21 November 2016 07:04 AM

එය මරාගෙන මැ‍රෙන කොටියෙක් නම් එයා කෝමද රජීව් ගාන්දිව මරල බේරුනේ? එයාව අත්තඩංගුවට ගත්තේ එයාගේ ස්වාමි පුරුෂයා කොටින්ට අනුබල දුන්නයි කියන චෝදනාව මතයි. (බ)

: 0 0

චානක Sunday, 20 November 2016 01:32 PM

බලන්න ගිහාම හැමෝම පොත් ලියනවා, අද කාලේ සල්ලි හොයන්න, ප්‍රසිද්ධිය හොයන්න, දුක කියන්න නොකරන දෙයක් නැහැ වගේ (හේ)

: 0 0

ජයරත්න Sunday, 20 November 2016 01:40 PM

යුද්දයේ හැම පාර්ශවයකම හිටපු අය යටි අරමුණු නැතුව තමන්ගේ ඇත්ත අත්දැකීම් අවංකව බෙදා හදාගන්නවනම් ඒක සහජීවනයට ලොකු ශක්තියක්. පොත් ලියන්නේ බොහෝවිට නායකයෝ දේශපාලන අරමුණු ඇතුව. සැබෑ රණවිරුවන්ගේ අත්දැකීම් ලියල දෙමළටත් පරිවර්තනය කරනවනම් හොඳයි. අපිත් කැමතියි සාමාන්‍ය එල්.ටී.ටී.ඊ. සොල්දාදුවගේ කථාව දැනගන්න.(හේ)

: 0 0

රොමේෂ් Sunday, 20 November 2016 04:02 PM

යුද්ධයේ තිබෙන සැබෑම කුරිරුබව හඳුනන්නේ ඉදිරිපෙළ සටන්කළ සොල්දාදුවන් සහ ඔව්න්ට ඍජුවම අණදුන් නිලධාරීන් තමයි... "තියුණු අසිපතක සෙවන යට" සිට "අධිෂ්ඨානය" ඇතුව "රණ මග ඔස්සේ නන්දිකඩාල්" ගිහින් " ගෝඨාගේ යුද්ධය" ඉවරකල පහල සොල්දාදුවෙකුගේ තෙලිතුඩකින් පොතක් ලියවුනොත් දැනටත්, මතුවටත් ගන්න හුඟක්දේ ඉතිරිවෙයි. දේශපාලනික අරමුණකින් තොරව ලියවෙන ඒ පොතෙන් යුද්ධයේ තිබෙන සැබෑම කෲරබව ලොවටම කියාදෙයි. ලොවම යුද්ධය ප්‍රතික්ෂේප කලයුතුබව ඔහු තම ජීවිත අත්දැකීම් තුලින් පැහැදිලිකරයි. (හේ)

: 0 0

ඉන්ද්‍රා Sunday, 20 November 2016 04:16 PM

ජීවිතයක් නසා වැරදි කරුවෙකු වුනහම තමන්ගේ සිත තුල තියන කාරණා නැවත පාපොච්චාරණය කරනවා කියන්නේ තමන් කළ දේවල් ගැන පසුතැවෙනවා කියන එක යමක් කරන්න පෙර සිතා බලනවානම් මේ ලෝකය මොන තරම් සුන්දරද ?අන් සතු පණක් නසල මොනවද,කවෙරෙකුද මේ ලෝකේ ජය අරගෙන තියන්නේ (බ)

: 0 0

ආචාර්ය එඩ්වර්ඩ් පෙරේරා ජර්මනිය Monday, 21 November 2016 10:54 PM

මරාගෙන මැරෙන බෝම්බකාරියක් වූ ධනු නමැති දමිළ තරුණියක් විසින් 1991 මැයි 21 දා ඉන්දියාවේ එවකට අගමැති රජීව් ගාන්ධිව චෙන්නායි නගරයට නුදුරු ස්ථානයකදී මරාදමනු ලැබුවා. නාලිනී ශ්‍රී හරන් ජීවිතාන්තය දක්වා බන්ධනාගාර ගතවූයේ කොටි සාමාජිකයෙක් වූ ශ්‍රී ලාංකික දමිළ ශ්‍රී හරන් සමඟ විවාහ වී රජීව් ඝාතන කුමන්ත්‍රණයේ කොටස්කාරියක් වීම නිසයි. (නි)

: 0 0

ජනහිත Sunday, 20 November 2016 09:03 PM

බලවත් රටක නායකයෙක් ඝාතනය කළ මේ පොත කුමක්දැයි ලොව ජනතාව දනී. ඔය පොතට රැවටෙන්නේ නැහැ කවුරුවත්. පොත අවශ්‍ය නැහැ. ඒ කළ දුෂ්ට ක්‍රියාව කවුරුත් දනී. (නි)

: 0 0