කුඩා කල පටන් රංගනයට ඇති ආශාවත්, එයින් තමන්ට ලැබෙන වින්දනයත් සමගින් ඒ පිළිබඳ හදාරමින් කලා ක්‍ෂේත්‍රයට පිවිසි රුවැත්තිය නිරූපණ ක්‍ෂේත්‍රයට නවකයෙකි. සෙමින් ගමනක් යමින් තම හැකියාවන් වර්ධනය කරගනිමින් ක්‍ෂේත්‍රය තුළ රැඳී සිටීමට කැමති ඇය නමින් සඳුනි පෙරේරාය. ඇගේ කලා කටයුතු පිළිබඳ ‘සාරවිට’ අපට මෙලෙසින් පැවසුවාය.

ඔබේ නම කිව්වොත්?

හැමෝම මාව දන්නේ සඳුනි පෙරේරා කියලා සමහර අය හංසිකා කියලත් කියනවා.

ඉගෙන ගන්නවාද? රැකියාවක් කරනවාද?

රැකියාවක් නම් තාම කරන්නේ නැහැ. ඉගෙන ගන්නවා.

එතකොට නිරූපණයට එකතු වෙන්නේ කොහොමද?

TVC Interview එකකින් මාව තේරුණා. එතැනින් තමයි මුලින්ම මට රංගනයට අවස්ථාව ලැබුණේ.

ඒක මොකක්ද කිව්වොත්?

ඒක දැන් නම් කියන්න බැහැ.

ඒක තාම එළිදක්වලා නැද්ද?

එළිදක්වලා තියෙන්නේ.

ඇයි ඒ පිළිබඳව කියන්න අකමැත්තක් තියෙනවාද?

අකමැත්තක් නැහැ ඒක දැන් ටීවී එකේ යනවා.

දැනට කොච්චර කාලයක් වෙනවද නිරූපණයට ඇවිත්?

මම මීට කලින් පුංචි බොරැල්ලේ නාමල් මාලිනි පුංචි තියටර් එකෙන් වේදිකා නාට්‍ය පිළිබඳව ඉගෙන ගත්තා. නිරූපණයට ඇවිත් එච්චර කාලයක් නැහැ.

ඒ කියන්නේ රංගන හැකියාවකුත් තියෙනවා?

ඔව් අනිවාර්යයෙන්ම. මම සාමාන්‍ය පෙළට කළෙත් නාට්‍ය හා රංග කලාව. මම රංගනයට තමයි ගොඩක් කැමති.

නිරූපණයටද රංගනයටද වැඩියෙන්ම දක්ෂ?

නිරූපණයට වගේම රංගනයටත් හැකියාවක් තියෙනවා. ඒත් ගොඩක්ම කැමති රංගනයට

රංගනය සඳහා ආරාධනා ලැබුණෙ නැද්ද?

ලැබිලා තියෙනවා.

බාර ගත්තේ නැද්ද?

බාර ගත්තා.

ඒ මොනාද කිව්වොත්?

ඒක තාම එළිදැක්වුණේ නැහැ. මීට පෙර අයි.ටී.එන් එකේ රැකියා අභිෂේකය කියලා එකට රංගනයෙන් දායක වුණා.

අනාගත බලාපොරොත්තු?

මගේ ඉලක්කය තමයි ගුවන් සේවිකාවක් වීමයි. ඊට අමතරව මං මගේ දක්ෂතාවලින් හරි දෙයක් කරලා දිගු ගමනක් යන්න බලාපොරොත්තු වෙනවා.

ඉදිරි කටයුතු ගැන කිව්වොත්?

මම තාම ඉගෙන ගන්නවා. ඊට අමතරව මියුසික් වීඩියෝ දෙකකට ආරාධනා ලැබිලා තියෙනවා.

උදවු කරපු පිරිසක් ඉන්නවාද මතක් කරන්න?

ඔව් ඇත්තටම. තාත්තා මේ දේවල් සඳහා මට ලොකු සහයෝගයක් ලබා දෙනවා. ඒ වගේම අම්මා. ඊට අමතරව උදවු කරපු ගොඩක් කට්ටිය ඉන්නවා. මේ වෙලාවේ හැමෝම මතක් කරන්න ඕනේ.