( බිමල් ශ්‍යාමන් ජයසිංහ )

ක්‍රීඩා අමාත්‍යාංශයේ   මළල ක්‍රීඩා පුහුණුකරුවන් දෙදෙනකු අතර වූූ ගැටුමකින් ශ්‍රී ලාංකික මලල ක්‍රීඩා පුහුණුකරු පහර කා රෝහල් ගතව ඇතැයි කුරුඳුවත්ත පොලිසිය කියයි.

ඔහුට පහර දුන් බව කියන කියුබානු  ජාතික මළල  ක්‍රීඩා පුහුණුකරු අත්අඩංගුවට ගෙන ඇත.

යම් සිද්ධියක් මුල් කරගෙන පුහුණුකරුවන් දෙදෙනා අතර ක්‍රීඩා අමාත්‍යාංශයේ  කාය වර්ධන මධ්‍යස්ථානය තුළදී ගැටුම හටගෙන ඇතැයි පොලිසිය කියයි.

සැකකාර කියුබානු  ජාතික මලල ක්‍රීඩා පුහුණුකරු  ශ්‍රී ලංකික මලල ක්‍රීඩා පුහුණුකරුගේ ගෙල ප්‍රදේශයෙන් අල්ලා පහර දුන් බවට ඔහු කරන ලද පැමිණිල්ලේ සඳහන්ව ඇතැයි පොලිසිය සඳහන් කරයි.

කුරුඳුවත්ත පොලිසියේ  ස්ථානාධිපති ප්‍රධාන පොලිස් පරීක්ෂක ආලෝක බණ්ඩාර සේනානායක මහතාගේ උපදෙස් මත විමර්ශන සිදු කෙරේ.